SAN LUCAS 6:49 - Chatino Tataltepec

⁴⁹ Pana ndi'ya̱ laca chaca ñati̱ nu cua ndyuna cha' nu nchcui' na' lo'o, lo'o li' ná ndaquiya' yu ji'i̱ cha' bi': bi' laca ñi'ya̱ laca chaca nu qui'yu nu ngüiñá sca ni'i̱ ji'i̱ lo yusi̱ ti. Ná qui'ñi ndyaa quiya' ni'i̱ ji'i̱ yu bi'. Lo'o li' ngua'ya tyo clyaa, ndyalaa hitya sta'a̱ ca quiya' ni'i̱ bi'. Li' nguxlyú hitya yuu ji'i̱ ni'i̱ bi', ndye tsiya' ti nguxlya'ba hitya yuu bi' ji'i̱.

SAN LUCAS 6:49 ပူးပေါင်းရင်းမြစ်များ

SAN MATEO 23:3

Bi' cha' tso'o cua'a̱ jyaca̱ ma̱ ji'i̱ cha' nu nclu'u ngu' bi' ji'i̱ ma̱, tso'o taquiya' ma̱ ji'i̱ cha' nu nclu'u ngu' bi'; pana ná cua'ni ma̱ ñi'ya̱ nu ndu'ni ti ngu' bi'. Tso'o ti nclu'u ngu' cha' jo'ó bi', pana ná ndaquiya' ycui' ca ngu' cha' bi'.

SAN MATEO 24:10

bi' cha' tyu̱u̱ tya'a ngu' tya'a ma̱ caca taja ti' ngu' jna', nga'aa talo ngu' cha' xñi la ngu' cha' 'na li'. Lo'o jua'a̱ ntsu'u ngu' tya'a ma̱ nu cujuii cuañi' ngu' ji'i̱ tya'a ma̱ ya' ngu' cuxi, jua'a̱ ntsu'u ngu' tya'a ma̱ nu caca ti'í ti' ngu' ña'a̱ ngu' ji'i̱ xa' la ngu' tya'a ma̱ li'.

SAN MARCOS 4:17

Pana si lya' ti' xa' ñati̱ ji'i̱ ngu' bi' xqui'ya cha' tso'o nu ndyuna ngu' bi', si xtyí lo'o ñati̱ ji'i̱ ngu', ná talo ngu' li'; laca ngu' bi' ñi'ya̱ laca si ná ngusñi tso'o su̱u̱ si'yu nu ntyucua lo yuu lati tu'ba chu̱' quee bi', lo'o li' ná ndalo calya bi' ndyanaa li'.

SAN LUCAS 12:47

’Lo'o jlo ti' msu bi' ni cña ngulo xu'na yu ji'i̱ yu, lo'o li' ná yala ti' yu cha' cua'ni yu cña bi', xcube' xu'na yu ji'i̱ yu li'; ti'í tsa quiji'i̱ xu'na yu ji'i̱ yu.

SAN LUCAS 19:14

Pana nu ñati̱ tya'a quichi̱ tyi yu, ná tso'o nti' ngu' ña'a̱ ngu' ji'i̱ yu. Li' ngua'a̱ lo ngu' bi' cña ji'i̱ sca taju ñati̱ cha' tsaa lca'a̱ ngu' ji'i̱ yu, cha' ñacui̱ ngu' ji'i̱ nu laca loo tyijyu' ndi'ya̱: “Ná nti' ya cha' caca nu qui'yu jua rey ji'i̱ ya, cha' caca yu loo quichi̱ tyi ya”, nacui̱ ngu'. Pana ná ndube ti' nu laca loo tsiya' ti bi', cha' nchcui' ngu' jua'a̱.

SAN LUCAS 19:27

Lo'o juani ni, nu ngu' tya'a cusu̱u̱ na' nu ná ngua ti' cha' caca na' rey ji'i̱ ngu', tya̱a̱ lo'o clya ma̱ ji'i̱ ngu' bi' ca nde, cha' cujuii ma̱ ji'i̱ ngu' ca slo na'.”

SAN LUCAS 6:46

Tya nda Jesús chaca cui̱i̱ lo'o ngu' li': ―¿Ni cha' ndu'ni tsa ma̱ jna' cha' Xu'na ma̱ laca na', pana ná ndaquiya' ma̱ ji'i̱ cha' nu nchcui' na' lo'o ma̱? ―nacui̱―.

SAN LUCAS 6:48

cua laca yu ñi'ya̱ laca sca nu qui'yu nu ngüiñá sca ni'i̱. Tso'o tsa ngüiñi tyuu su ndu̱ quiya' ni'i̱ ji'i̱, cha' chu̱' quee tsiya' ti nscua quiya' ni'i̱ bi'. Li' lye tsa ngua'ya tyo. Lo'o cua ndyalaa hitya yuu ca quiya' ni'i̱ bi', cua xlya'ba ti ji'i̱ ni'i̱; pana ná ngua ji'i̱ hitya yuu bi' xlyú ji'i̱ ni'i̱ bi', cha' tachaa tsa ndu̱ quiya' ni'i̱ chu̱' quee bi'.

SAN LUCAS 7:1

Lo'o ndye nchcui' Jesús lo'o ñati̱ bi', li' ndu'u yu ndyaa yu ca quichi̱ Capernaum.

SAN JUAN 15:2

Tso'o tsa ña'a̱si̱i̱ Sti na' ji'i̱ lcaa sta̱' yaca bi', lo'o na' laca̱ yaca bi'. Ca quiya' sta̱' yaca nsi'yu Ni ji'i̱, nu lo'o ná nda si'yu lo tsiya' ti. Nsubii Ni xi lo yaca nu nda si'yu tso'o, cha' tya quiña'a̱ la si'yu tyu'u lo bi';

LOS HECHOS 20:29

Jlo ti' na' cha' nu lo'o nga'aa ndya'a̱ na' ca nde, li' ca̱a̱ ñati̱ cuiñi cha' cua'ni ñu'u̱ ji'i̱ taju ñati̱ tya'a ma̱; ñi'ya̱ ndu'ni tyaala bo'o ji'i̱ sca taju xlya', jua'a̱ cua'ni ñu'u̱ nu ngu' cuiñi bi' ji'i̱ taju ñati̱ tya'a ndya'a̱ ma̱.

LOS HECHOS 26:11

Chañi cha' lye tsa ngua'ni lya' ti' na' ji'i̱ ñati̱ bi', ngua tsa ti' na' cha' xtyanu ngu' tsiya' ti cha' ji'i̱ Jesús. Jua'a̱ ngua'ni na' lcaa ne' laa ji'i̱ ngu' judío, masi quichi̱ loyuu re, masi quichi̱ tyijyu' la su ngusna ngu', cha' ñasi̱' tsa na' ji'i̱ ngu' bi'.

1 TESALONICENSES 3:5

Lo'o ngua cuayá' ti' na' cha' bi', nga'aa ndalo na' li'; xñi'i̱ tsa ti' na' cha' ná jlo ta̱' ñi'ya̱ ndyaca cha' ji'i̱ ma̱. Bi' cha' nda na' ji'i̱ yu tya'a na ñaa yu slo ma̱, cha' ca cuayá' ta̱' si ña'a̱ ti nxñi tso'o ma̱ cha' tso'o ji'i̱ ycui' Ndyosi, si tyiji̱loo ma̱ ji'i̱ nu xña'a̱ nu nti' cha' cua'ni ma̱ cha' cuxi. Cua nguna' cña ji'i̱ ya lo'o ma̱ si ná caca tyiji̱loo ma̱ ji'i̱ nu xña'a̱ bi'.

2 PEDRO 2:20

Cuxi la caca ji'i̱ ñati̱ nu cua nguxtyanu ji'i̱ cha' cuxi tsaca quiya', lo'o li' ta chacuayá' ji'i̱ nu cuxi cha' tyiji̱loo ji'i̱ chaca quiya'; na cua ngulaá ñati̱ bi' ji'i̱ lcaa cha' cuxi nu ntsu'u nde chalyuu nquicha', na cua ngua tsa'a̱ ji'i̱ Jesucristo nu Xu'na na, cha' bi' laca nu ngua'ni lyaá ji'na.

1 JUAN 2:19

Tya clyo ndyu'u ti'i̱ nu ngu' cuiñi bi' lo'o na, lo'o li' ngutu'u ngu' bi' ndyaa ngu'; si'i ñati̱ tya'a ntsu'u cha' ji'na lo'o Jesucristo laca ngu' bi'. Si chañi cha' tya'a ndya'a̱ na laca ngu' bi', cua ndyanu ngu' lo'o na nquicha'; pana ngutu'u ngu' bi', cha' taca ca cuayá' ti' na cha' si'i lcaa ñati̱ nu ndyu'u ti'i̱ lo'o na laca tya'a ngusñi na cha' ji'i̱ Jesucristo.