SAN LUCAS 6:45 - Chatino Tataltepec

⁴⁵ Cua ña'a̱ ca ñati̱ nu tso'o tyiquee ni, tso'o tsa nchcui' ngu' bi'; lo'o cua ña'a̱ ca ñati̱ nu cuxi tyiquee ni, cuxi ti nchcui' ngu' bi' li'. Cua ña'a̱ ca cha' nu ntsu'u ne' cresiya ji'i̱ scaa ngu', jua'a̱ nchcui' ngu'.

SAN LUCAS 6:45 ပူးပေါင်းရင်းမြစ်များ

SAN JUAN 7:38

Ñati̱ nu ntsu'u cha' ji'i̱ lo'o na' caca ji'i̱ ngu' bi' ñi'ya̱ laca si ntsu'u sca su̱u̱ hitya ne' cresiya ji'i̱ ngu'. Tlyu tsa cha' tso'o ntsu'u ne' cresiya ji'i̱ ngu' bi', cha' cua'ni tso'o ngu' bi' lo'o tya'a ñati̱ ngu' li' ―nacui̱ Jesús ji'i̱ ngu'―. Lo quityi ji'i̱ ycui' Ndyosi nguscua cha' jua'a̱ caca ji'i̱ ngu' bi'.

LOS HECHOS 5:3

Nchcui' Pedro lo'o yu li': ―Ananías ―nacui̱―, ¿na laca ngua hi̱? ¿Ni cha' laca nda nu'u̱ chacuayá' ji'i̱ nu xña'a̱ nu naa Satanás cha' caca loo ne' cresiya jinu'u̱? Bi' laca nu ngua'ni cha' nguñilo'o nu'u̱ ji'i̱ Xtyi'i ycui' Ndyosi ―nacui̱ Pedro ji'i̱ yu bi'―. Nacui̱ nu'u̱ cha' nde laca lcaa cñi nu ngujui jinu'u̱ lo yuu bi', lo'o si'i lcaa cñi laca re.

EFESIOS 3:8

Ná tso'o la na' tsiya' ti que cua ña'a̱ ca ñati̱ nu ngusñi cha' ji'i̱ ycui' Ndyosi, tso'o la ngu' bi' que na'; pana nda Ni chacuayá' cha' tsa'a̱ slo ñati̱ nu ndi'i̱ xa' tsu'. Tso'o tsa cña nda Ni 'na, cha' cacha' na' cha' tso'o bi' ji'i̱ ngu', masi tya lyiji tsa cha' tye ca cuayá' ti' ycui' na' lcaa cha' tso'o nu ndu'ni Cristo lo'o ñati̱.

EFESIOS 4:29

Ná chcui' ma̱ cha' ti'í lo'o tya'a ñati̱ ma̱; clyana ma̱ cha' tso'o nu chcui' ma̱ lo'o tya'a ma̱; clyana ma̱ ñi'ya̱ nu caca xtyucua ma̱ ji'i̱ ngu' cha' tyatí̱ la ti' ngu' ji'i̱ ycui' Ndyosi, cha' tyanu sca cha' tso'o ne' cresiya ji'i̱ ngu' nu lo'o cuna ngu' cha' nu chcui' ma̱.

EFESIOS 5:19

Cula tu'ba ma̱ lcaa lo ji̱i̱ ji'i̱ ycui' Ndyosi nu lo'o tyu'u ti'i̱ ma̱ lo'o tya'a ma̱ cha' cua'ni tlyu ma̱ ji'i̱ Ni, masi ji̱i̱ salmo nu nscua lo quityi tya sa'ni, masi cua ña'a̱ ca ji̱i̱ nu nchcui' cha' ji'i̱ ycui' Ndyosi nu ca'ya hique ma̱; tyucui tyiquee ma̱ cua'ni tlyu ma̱ ji'i̱ ycui' Ndyosi lo'o ji̱i̱ bi'.

COLOSENSES 3:16

Nga'a̱ cha' tyanu tyucui cha' ji'i̱ Cristo ca ne' cresiya ji'i̱ ma̱. Tso'o tsa ndyu'u cha' bi', bi' cha' tso'o ti culu'u ma̱ cha' bi' ji'i̱ tya'a ma̱ ña'a̱ cuayá' nu cuna tso'o lcaa ngu'. La cui' jua'a̱ cula tu'ba ma̱ lcaa lo ji̱i̱ nu ntsu'u ji'i̱ ycui' Ndyosi, masi ji̱i̱ salmo nu nscua lo quityi nu ngua sa'ni, masi cua ña'a̱ ca ji̱i̱ nu ca'ya hique ma̱ nu nchcui' cha' ji'i̱ ycui' Ndyosi; cula tu'ba ma̱ ji̱i̱ cha' cuna ycui' Ndyosi, xqui'ya cha' tso'o tsa ntsu'u tyiquee ma̱ ña'a̱ ma̱ ji'i̱ ycui' Ni.

COLOSENSES 4:6

Laja lo'o nchcui' ma̱ lo'o ngu' ni, tso'o ti chcui' ma̱ ña'a̱ cuayá' nu cua'a̱ jyaca̱ ngu' ji'i̱ cha' nu nchcui' ma̱; tso'o si caja ñi'ya̱ nu xacui̱ ma̱ cha' ji'i̱ lcaa ngu'.

HEBREOS 8:10

Lo'o juani nde laca cha' cucui nu cua quiñi ti 'na lo'o ngu' Israel juani, nacui̱ Ni. Nu lo'o tyalaa tyempo, li' cua'ni na' cha' tyanu tso'o lcaa cha' ne' cresiya ji'i̱ ngu', ñi'ya̱ nu chcui' na' lo'o ngu' li'. Tyucui ti' tyiquee ngu' cua'ni ngu' cña 'na li'; caca na' ycui' Ndyosi nu Xu'na ngu' li', lo'o jua'a̱ caca ngu' bi' ñati̱ jna'.

JUDAS 1:15

cha' cua'ni cuayá' Ni ji'i̱ lcaa ñati̱. Li' xcube' Ni ji'i̱ lcaa ñati̱ cuxi xqui'ya cha' cuxi nu cua ngua'ni ngu', xqui'ya cha' suba' nu cua nchcui' ngu' ji'i̱ ycui' Ndyosi.” Jua'a̱ nacui̱ jyo'o Enoc bi'.