SAN LUCAS 6:38 - Chatino Tataltepec

³⁸ Ta ma̱ cha' tso'o ji'i̱ tya'a ñati̱ ma̱, cha' li' ta ycui' Ndyosi cha' tso'o jua'a̱ ji'i̱ ma̱; tso'o tsa cuayá' ngutsa'á̱ su'ba Ni cha' tso'o ne' cresiya ji'i̱ ma̱ li'. Ñi'ya̱ nti' sca milya nu tachaa tsa nsu'ba ngu' na ne', cua nscui̱ ngu' ji'i̱ cha' ca'ya ti'i̱ la na bi', ntucua tsa tu'ba milya bi', jua'a̱ laca lo'o cha' tso'o nu su'ba Ni ne' cresiya ji'i̱ ma̱. Ñi'ya̱ nu ndu'ni ma̱ lo'o tya'a ñati̱ ma̱, jua'a̱ cua'ni ycui' Ndyosi lo'o cu'ma̱.

SAN LUCAS 6:38 ပူးပေါင်းရင်းမြစ်များ

SAN MATEO 10:42

Lo'o jua'a̱, si ta ñati̱ masi sca sca' ti hitya co'o ngu' cuañi' re xqui'ya cha' ngu' nu ndyaca tsa'a̱ 'na laca ngu', chañi cha' cua nguxco'o ycui' Ndyosi sca cha' tso'o nu tyacua ji'i̱ ñati̱ bi' nde loo la.

SAN MATEO 7:2

La cui' ñi'ya̱ nchcui' cuxi ma̱ ji'i̱ xa' la tya'a ñati̱ ma̱, si tyaala tsa ma̱, la cui' jua'a̱ cua'ni cuayá' ycui' Ni ji'i̱ ma̱. Lo'o jua'a̱, la cui' cuayá' milya ñi'ya̱ nu nda ma̱ ji'i̱ tya'a ñati̱ ma̱, la cui' jua'a̱ ta ycui' Ni ji'i̱ ma̱.

SAN MARCOS 4:24

Tya ngulu'u la xi Jesús ji'i̱ ngu' li': ―Taquiya' tso'o ma̱ ji'i̱ cha' nu nchcui' na' lo'o ma̱ juani ―nacui̱ Jesús―. Ñi'ya̱ nu ndu'ni ma̱ lo'o xa' ñati̱, la cui' jua'a̱ cua'ni ycui' Ndyosi lo'o ma̱ li'. Lo'o jua'a̱ lo'o cuna tso'o ma̱ cha' jna', quiña'a̱ la cha' tso'o tyu'u ne' cresiya ji'i̱ ma̱ li'.

SAN LUCAS 6:30

Ta ma̱ ji'i̱ ngu' na laca nu jña ngu' ji'i̱ ma̱; lo'o qui'ya ngu' sca na ji'i̱ ma̱, nga'aa jña ma̱ ji'i̱ chaca quiya'.

SANTIAGO 2:13

Lo'o li' si ná ngua'ni tya'na ti' na ji'i̱ tya'a ñati̱ na, ná taca cua'ni tya'na ti' Ni ji'na lo'o cua'ni cuayá' Ni ji'na; pana ñati̱ nu ngua'ni tya'na ti' ji'i̱ tya'a ñati̱ ni, bi' ñati̱ laca nu tso'o la caca cha' ji'i̱ hora lo'o cua'ni cuayá' Ni ji'i̱ ñati̱.