SAN LUCAS 6:29 - Chatino Tataltepec

²⁹ Lo'o quiji'i̱ ngu' ndacu̱' hique ma̱, li' xtyacui ma̱ ta ma̱ chaca tsu' saca' ma̱ cha' quiji'i̱ ngu' ji'i̱ ma̱ chaca quiya' li'. Lo'o xlyaá sca ñati̱ late' tonu tu'ba nu nchcu' ma̱, li' ta ma̱ chacuayá' cha' lo'o camxa ji'i̱ ma̱ qui'ya ngu' tsaa ngu'.

SAN LUCAS 6:29 ပူးပေါင်းရင်းမြစ်များ

SAN MATEO 26:67

Li' ngutu'u hitya sañi' ngu' loo Jesús, ngujui'i̱ ngu' ndacu̱' ji'i̱; jua'a̱ ntsu'u xa' la ngu' nu ngujui'i̱ ya' saca' Jesús.

SAN LUCAS 22:64

Ndacu̱' ngu' cloo Jesús lo'o sca late', cuati ngujui'i̱ ya' ngu' saca' yu. Li' nacui̱ ngu' ji'i̱ yu: ―Ca tii nu'u̱, ¿tilaca laca nu ngujui'i̱ jinu'u̱ lacua?

SAN LUCAS 6:30

Ta ma̱ ji'i̱ ngu' na laca nu jña ngu' ji'i̱ ma̱; lo'o qui'ya ngu' sca na ji'i̱ ma̱, nga'aa jña ma̱ ji'i̱ chaca quiya'.

SAN JUAN 18:22

Lo'o nchcui' Jesús jua'a̱, li' ngujui'i̱ ya' sca policía tu'ba yu: ―Ná tso'o xacui̱ nu'u̱ cha' jua'a̱ ji'i̱ sti jo'ó nu laca loo ―nacui̱ policia li'.

LOS HECHOS 23:2

Ananías naa nu laca xu'na sti jo'ó bi'; li' ngulo nu Ananías bi' cña ji'i̱ ngu' nu ndu̱ cacua ti cha' quiji'i̱ ya' ngu' tu'ba Pablo.

1 CORINTIOS 4:11

Masi la cui' tyempo juani ti ntsu'u quiya' lo'o ná ndyiji na cacu ya, ná ndyiji na co'o ya, masi late' cusu̱ lacu' ya ntsu'u quiya'; ntyiji'i̱ ngu' ji'i̱ ya, ni ná ntsu'u tyi cua, xcui' na ndya'a̱ yu'u ti ya.

1 CORINTIOS 6:7

Nu lo'o ntsu'u cha' cusu̱u̱ ji'i̱ ma̱ lo'o tya'a ma̱, li' hora ti caca cuayá' ti' na cha' tya lyiji xñi tso'o ma̱ cha' ji'i̱ Jesús. ¿Ha ná tso'o la, masi ta ma̱ chacuayá' cha' caca cha' cuxi bi' ji'i̱ ma̱ jua'a̱ ti? ¿Ha ná tso'o la, masi cuaana ngu' cha' tso'o nu ntsu'u ji'i̱ ma̱ jua'a̱ ti?

2 CORINTIOS 11:20

Na ndalo tsa tyiquee ma̱ ji'i̱ lcaa ngu' tonto bi', masi lye tsa nclyo ngu' cña ji'i̱ ma̱, masi ndyu'ni ngu' ngana ji'i̱ ma̱, masi ndatsaa tsa ngu' ji'i̱ ma̱ cha' cua'ni ma̱ cha' cuxi, masi ndu'ni tyucuaa tsa ti' ngu' lo'o ma̱, masi lu'ba ti ntyiji'i̱ ngu' saca' ma̱; cua ndalo tsa tyiquee ma̱ ji'i̱ ngu' bi'.

HEBREOS 10:34

Lo'o jua'a̱ ndyaa na'a̱ ma̱ ji'i̱ ngu' tya'a ma̱ nu lo'o ntsu'u ngu' bi' ne' chcua̱, nguxtyucua ma̱ ji'i̱ ngu' bi' li'; masi nguaana xa' ñati̱ lcaa cha' tso'o nu ntsu'u ji'i̱ ma̱, ndalo tsa tyiquee ma̱ li'. Tso'o ntsu'u tyiquee ma̱, cha' cua jlo ti' ma̱ cha' tso'o la tsiya' ti laca nu cha' ji'i̱ Jesús nu cua ngusñi ma̱ bi'; jlo ti' ma̱ cha' ná tye chca cha' bi', cha' nu cua ndyuna ma̱ cuentya ji'i̱ Jesús.