SAN LUCAS 6:17 - Chatino Tataltepec

¹⁷ Li' nguxtyu̱u̱ Jesús ngua'ya sii' cua'a̱ bi' lo'o nu taju ñati̱ bi' ji'i̱, nguti'i̱ xi nde sca su nati̱' lo'o nu tyu̱u̱ tya'a ñati̱ nu ndyaca tsa'a̱ ji'i̱ bi'. Lo'o jua'a̱ ndyalaa quiña'a̱ tsa xa' la ñati̱ slo Jesús, ngu' nu ndu'u loyuu su cuentya Judea, lo'o jua'a̱ ngu' nu ndu'u nde quichi̱ Jerusalén, lo'o jua'a̱ ngu' nu ndu'u to' tyujo'o su ndi'i̱ quichi̱ Tiro, su ndi'i̱ quichi̱ Sidón. Cua ndyalaa ngu' ca bi', cha' cuna ngu' cha' nu nchcui' Jesús lo'o ngu'; jua'a̱ nti' ngu' cha' cua'ni Jesús jo'o ji'i̱ quicha nu ntsu'u ji'i̱ ngu'.

SAN LUCAS 6:17 ပူးပေါင်းရင်းမြစ်များ

SAN MATEO 11:21

―¡Tya'na tsa cu'ma̱ ngu' quichi̱ Corazín! ―nacui̱ Jesús―. ¡Tya'na tsa cu'ma̱ ngu' quichi̱ Betsaida! ―nacui̱―. Cua quiña'a̱ tsa cha' tlyu nu cua na'a̱ cu'ma̱, pana ná nguju'u ti' ma̱ tsiya' ti ji'i̱ cha' cuxi nu ndyu'ni ma̱, ná nguxtyanu ma̱ cha' bi'. La cui' jua'a̱ tya sa'ni la xña'a̱ tsa ngu' quichi̱ Tiro lo'o ngu' quichi̱ Sidón, ngu' xa' tsu' ngua ngu' bi'. Pana ná ngujui ñi'ya̱ caca tyuju'u ti' ngu' bi' ji'i̱ cha' cuxi nu ngua'ni ngu', ná ngulochu̱' ngu' ji'i̱ cha' cuxi bi', cha' bilya ña'a̱ ngu' bi' cha' tlyu ñi'ya̱ nu ña'a̱ cu'ma̱ ngu' Israel; bi' cha' ná ngua xñi'i̱ ti' ngu' bi'. Ná ndyacu' ngu' late' ngata, ni ná ngusu'ba ngu' jii hique ngu' ñi'ya̱ nu ndu'ni ngu' su nscua jyo'o.

SAN MATEO 12:15

Pana ngua cuaya' ti' Jesús lcaa ña'a̱ cha' cuxi nu ntsu'u tyiquee ngu' fariseo, bi' cha' ndu'u yu ndyaa yu xa' se'i̱. Quiña'a̱ tsa ngu' ngutu'u lca'a̱ ngu' ji'i̱ yu, lo'o jua'a̱ ngua'ni yu cha' ndyaca tso'o lcaa ngu' quicha bi'.

SAN MATEO 14:14

Lo'o ndyalaa yaca ni'i̱ bi' to' hitya, li' ngutu'u Jesús; na'a̱ yu cha' cua ndyalaa quiña'a̱ tsa ñati̱ cajua li'. Tya'na tsa ti' yu ji'i̱ lcaa ngu' bi', bi' cha' ngua'ni yu cha' ndyaca tso'o ngu' quicha nu ndya'a̱ ngu' lo'o.

SAN MATEO 15:21

Lo'o li' ndu'u Jesús ndyaa nde loyuu su cuentya quichi̱ Tiro lo'o loyuu su cuentya quichi̱ Sidón; lo'o nu ngu' nu ndyaca tsa'a̱ ji'i̱ ndyaa ngu' lo'o.

SAN MATEO 5:1

Na'a̱ Jesús cha' quiña'a̱ tsa ñati̱ lijya̱ ngu' slo yu, bi' cha' ndyacui̱ yu ndyaa la yu nde sii' cua'a̱, ndyaca'a̱ yu xi cajua. Lo'o ndyu'u ti'i̱ ngu' nu ndyaca tsa'a̱ ji'i̱ slo,

SAN LUCAS 5:15

Lcaa tsa̱ cua nguañi la cha' ji'i̱ Jesús li', cha' nchcui' tsa ngu' cha' ji'i̱. Bi' cha' quiña'a̱ tsa ñati̱ ndyu'u ti'i̱ slo Jesús, cha' cuna ngu' ña'a̱ cha' nu nda yu lo'o ngu', cha' cua'ni yu cha' ndyaca tso'o ngu' ji'i̱ quicha nu ntsu'u ji'i̱ ngu'.

SAN LUCAS 6:12

Tyempo bi' ycui' ti Jesús ndyaa sca ca'ya cha' chcui' lo'o ycui' Ndyosi Sti yu. Tyucui talya ngua'a̱ yu nchcui' yu lo'o ycui' Ndyosi li'.

SAN LUCAS 6:16

jua'a̱ Judas tya'a Jacobo, jua'a̱ Judas Iscariote nu cujui' cresiya ji'i̱ Jesús ji'i̱ ngu' cuxi ca tiya' la; jua'a̱ naa ngu' nu cua ngusubi Jesús ji'i̱.

SAN LUCAS 6:18

Lo'o nu ñati̱ nu ngusñi cui'i̱ cuxi ji'i̱ ni, lo'o ngu' bi' nti' ngu' cha' tyaca tso'o ngu'.