SAN LUCAS 6:14 - Chatino Tataltepec

¹⁴ Ndi'ya̱ naa xtañi ngu' nu ngusubi Jesús ji'i̱ nu ngua tya li': Simón, nu ngusta Jesús chaca xtañi Pedro naa yu, bi' laca tsaca ngu'; jua'a̱ Andrés tya'a ngula Simón, jua'a̱ Jacobo, jua'a̱ Juan, jua'a̱ Felipe, jua'a̱ Bartolomé,

SAN LUCAS 6:14 ပူးပေါင်းရင်းမြစ်များ

SAN MATEO 10:2

Nde nscua na' xtañi ca ta'a tii tyucuaa tya'a ngu' nu ngusubi Jesús: nu clyo ngusubi yu ji'i̱ Simón, nu lo'o ndu'ni ngu' Pedro ji'i̱, lo'o Andrés tya'a ngula nu Simón bi'; li' ngusubi yu ji'i̱ Jacobo, lo'o Juan tya'a ngula Jacobo, nu laca sñi' Zebedeo;

SAN MATEO 10:3

lo'o jua'a̱ ngusubi yu ji'i̱ Felipe, lo'o ji'i̱ Bartolomé, lo'o ji'i̱ Tomás, lo'o ji'i̱ Mateo nu ngusñi cñi cña loo ngu' clyo; lo'o jua'a̱ ngusubi yu ji'i̱ Jacobo sñi' Alfeo, lo'o ji'i̱ Lebeo nu lo'o ndu'ni ngu' Tadeo ji'i̱;

SAN MATEO 4:18

Lo'o ngua sca tsa̱ ndya'a̱ Jesús to' tayu' Galilea bi'. Li' na'a̱ yu ji'i̱ Simón lo'o Andrés tya'a ngula Simón, nchcu̱ ngu' taraya lo hitya cha' xñi ngu' cualya, cha' bi' laca cña nu ndu'ni ngu' bi' lcaa tsa̱. Lo'o nu Simón bi' ni, Pedro ndu'ni ngu' ji'i̱.

SAN MATEO 4:21

Lo'o nde loo la xi na'a̱ Jesús ji'i̱ Jacobo sñi' Zebedeo lo'o Juan tya'a ngula yu; nga'a̱ ngu' ne' yaca ni'i̱ sube ji'i̱ ngu' lo'o sti ngu', ndyu'ni cho'o ngu' taraya ji'i̱ ngu'. Li' ngusi'ya Jesús ji'i̱ ngu' bi', cha' tsaa ngu' lo'o.

SAN MARCOS 1:19

Lo'o cua ndyaa la xi Jesús, li' na'a̱ yu ji'i̱ tyucuaa sñi' Zebedeo nu naa Jacobo lo'o Juan. Nga'a̱ ngu' ne' yaca ni'i̱ sube ti, ndyu'ni cho'o ngu' taraya ji'i̱ ngu'.

SAN MARCOS 1:29

Lo'o li' ngutu'u Jesús ne' laa bi' lo'o Jacobo lo'o Juan, ndyaa ngu' ca to' tyi Simón lo'o Andrés.

SAN MARCOS 14:33

Ndyaa yu la xi li', ndyaa lo'o yu ji'i̱ Pedro lo'o Jacobo lo'o Juan. Li' lye tsa ngua xñi'i̱ ti' Jesús, ndya'a̱ tsa cha' tyiquee yu xqui'ya cña tlyu nu cua tyacua ti ji'i̱ yu.

SAN MARCOS 3:16

Nde nscua xtañi ca ta'a tii tyucuaa tya'a ngu' nu ngusubi Jesús ji'i̱: Simón nu ngusta Jesús chaca xtañi Pedro ji'i̱ yu, bi' laca tsaca;

SAN MARCOS 5:37

Lo'o li' ná nda Jesús chacuayá' ji'i̱ ñati̱ cha' tsaa ngu' lo'o yu; sca ti ji'i̱ Pedro, lo'o Jacobo, lo'o Juan tya'a Jacobo, nda yu chacuayá' tsaa ngu' lo'o yu.

SAN MARCOS 9:2

Lo'o cua ndya'a scuá tsa̱ li' ndu'u Jesús ndyaa; lo'o Pedro, lo'o Jacobo, lo'o Juan ndyaa lo'o. Jacua tya'a ti ngu' bi' ndyaa ngu' lo xlya ca'ya cua̱, ná lo'o xa' ñati̱ ndyaa ngu'. Ca bi' laja lo'o na'a̱ ngu' ji'i̱ Jesús, cua ngutsa'a̱ ña'a̱ tyucui ña'a̱ loo yu.

SAN LUCAS 5:10

Lo'o tyucuaa nu qui'yu sñi' Zebedeo nu nga'a̱ ne' chaca yaca ni'i̱ bi', nu naa Jacobo lo'o nu naa Juan ni, lo'o ngu' bi' ndyutsi̱i̱ tsa ngu'; la cui' tya'a ndya'a̱ Simón cña laca ngu' bi'. Li' nchcui' Jesús lo'o Simón: ―Ná cutsi̱i̱ ma̱ ―nacui̱―. Tya tsubi' la cua laca ti cña ngua'ni ma̱, xcui' cña cuta cualya ngua'ni ma̱; pana juani, ta na' xa' cña ji'i̱ ma̱, cha' ca̱a̱ lo'o ma̱ ji'i̱ xa' ñati̱ ca slo na' ―nacui̱ Jesús ji'i̱ Simón, jua'a̱ ji'i̱ tya'a ndya'a̱ yu cña.

SAN LUCAS 5:8

Lo'o na'a̱ Simón Pedro lcaa cualya bi', ngua cuayá' ti' yu cha' xqui'ya Jesús ngujui cualya ji'i̱ ngu'. Hora ti ndyatu̱ sti̱' yu loo Jesús li', nchcui' yu lo'o: ―Tyu'u clya nu'u̱ nde slo na', Xu'na ―nacui̱ Simón ji'i̱―. Ntsu'u tsa xqui'ya na' cha' ñati̱ chalyuu ti laca na'.

SAN LUCAS 6:13

Lo'o nguxee chaca tsa̱, li' ngusi'ya yu ji'i̱ ñati̱ nu ndya'a̱ lo'o yu cha' tya̱a̱ ngu' slo yu. Li' ngusubi yu ji'i̱ tii tyucuaa tya'a ngu'; nda yu chacuayá' ji'i̱ nu ngu' bi', cha' tsaa culu'u ngu' ji'i̱ xa' ñati̱.

SAN LUCAS 6:15

jua'a̱ Mateo, jua'a̱ Tomás, jua'a̱ chaca Jacobo sñi' Alfeo, jua'a̱ chaca Simón nu laca ji'i̱ taju ngu' cananista,

SAN JUAN 1:45

Li' ndyaa Felipe cha' chcui' lo'o Natanael tya'a ndya'a̱ nu Felipe bi': ―Cua na'a̱ ya ji'i̱ Cristo, nu ñati̱ tlyu nu cua sa'ni nguscua jyo'o Moisés cha' ji'i̱ lo quityi ji'i̱ ycui' Ndyosi ―nacui̱ Felipe―. La cui' cha' ji'i̱ yu bi' cua nchcui' lcaa jyo'o cusu' nu ngua tu'ba ji'i̱ ycui' Ndyosi sa'ni. Jesús naa yu bi', sñi' sca nu naa José. Nazaret laca quichi̱ tyi yu.

SAN JUAN 14:8

Li' nchcuane Felipe ji'i̱ Jesús: ―Cusu' ―nacui̱―, culu'u nu'u̱ ji'i̱ Sti nu'u̱ ji'i̱ ya, tsa bi' ti cha' nti' ya.

SAN JUAN 6:5

Lo'o li' na'a̱ Jesús cha' tsa tlyu ti ndyalaa quiña'a̱ tsa ñati̱ ca su ntucua ycui'. Li' nchcuane yu ji'i̱ Felipe: ―¿Macala cui'ya na tyaja cha' cacu ñati̱ quiña'a̱ cua? ―nacui̱ Jesús.

SAN JUAN 6:8

Pana ndu̱ sca yu nu ndyaca tsa'a̱ ji'i̱ Jesús, nu naa Andrés, tya'a ngula Simón Pedro laca bi'. Nchcui' Andrés lo'o Jesús li':

LOS HECHOS 1:13

Yala ti ndyalaa ngu' quichi̱ bi', li' ndyaa ngu' ni'i̱ tucua ba'a su ndi'i̱ ngu': ndyaa Pedro, lo'o Jacobo, lo'o Juan, lo'o Andrés, lo'o Felipe, lo'o Tomás, lo'o Bartolomé, lo'o Mateo, lo'o chaca Jacobo sñi' Alfeo, lo'o Simón nu ngua sca ngu' ji'i̱ taju cananista, lo'o Judas tya'a Jacobo.

LOS HECHOS 12:2

Ngulo rey bi' cña ji'i̱ msu ji'i̱ cha' cujuii ngu' ji'i̱ Jacobo lo'o maxtyi. (Jacobo bi' ngua tya'a ngula Juan.)

2 PEDRO 1:1

Simón Pedro laca na'; ndyu'ni na' cña ji'i̱ Jesucristo, cha' cua ngusubi Ni 'na cha' tsa'a na' ta na' cha' tso'o ji'i̱ Cristo lo'o ngu' xa' quichi̱. Lo'o nu juani nscua na' quityi re cha' tsaa slo lcaa ñati̱ nu ngusñi cha' ji'i̱ ycui' Ndyosi ñi'ya̱ nu ngusñi na ji'i̱. Xcui' cha' liñi ndu'ni ycui' Ndyosi nu Xu'na na, la cui' Jesucristo nu ndyu'ni lyaá ji'na ji'i̱ nu cuxi laca bi'; bi' cha' stu'ba ti laca lcaa na cuentya ji'i̱ ycui' Ndyosi, tso'o tsa ndyaca ji'i̱ lcaa na cuentya ji'i̱ Ni.