SAN LUCAS 6:11 - Chatino Tataltepec

¹¹ Li' ngunasi̱' tsa nu ngu' nu ndu'ni cha' tacati bi', nguxana ngu' nda ngu' cha' lo'o tya'a ngu': ―¿Ñi'ya̱ cua'ni na cha' cua'a na ji'i̱ yu jua cha' nga'aa cua'ni yu jua'a̱? ―nacui̱ ngu' ji'i̱ tya'a ngu' li'.

SAN LUCAS 6:11 ပူးပေါင်းရင်းမြစ်များ

SAN MATEO 16:7

Li' nchcui' ngu' nu ndyaca tsa'a̱ ji'i̱ lo'o tya'a ngu': ―Cha' ná lo'o xlyá teje' ndya'a̱ na, bi' cha' nchcui' nu cusu' cha' ji'i̱ scua̱ tiye' lo'o na ―nacui̱ ngu'.

SAN MATEO 21:45

Sti jo'ó nu laca loo lo'o ngu' fariseo ni, nu lo'o ndyuna ngu' cui̱i̱ nu cua nchcui' ca ti Jesús lo'o ngu', nu nchcui' cha' ji'i̱ ngu' tyaala nu ngua'ni cña ne' lo'o ji'i̱ nu culiya' bi', lo'o jua'a̱ nu nchcui' cha' ji'i̱ ngu' cuityi ni'i̱ nu ná tso'o, li' ngua tii ngu' nu laca loo bi', cha' nchcui' ca'a̱ Jesús cha' ji'i̱ ycui' ngu' bi'.

SAN LUCAS 4:28

Laja lo'o ndyuna ngu' cha' nu nchcui' Jesús su ndi'i̱ ngu' ne' laa bi', ngua ñasi̱' tsa ngu' bi' li'.

SAN LUCAS 6:10

Li' nguxña'a̱ Jesús ji'i̱ lcaa ñati̱ nu ndi'i̱ cacua ti slo, nchcui' lo'o nu quicha bi' li': ―Xquiñi nu'u̱ ya'. Jua'a̱ ngua'ni yu bi', li' hora ti ndyaca tso'o ya' yu.

SAN LUCAS 6:12

Tyempo bi' ycui' ti Jesús ndyaa sca ca'ya cha' chcui' lo'o ycui' Ndyosi Sti yu. Tyucui talya ngua'a̱ yu nchcui' yu lo'o ycui' Ndyosi li'.

SAN JUAN 11:47

Bi' cha' nu ngu' sti jo'ó nu laca loo lo'o ngu' fariseo bi', nguxana nxi'ya ngu' ji'i̱ lcaa ngu' tisiya, cha' tyu'u ti'i̱ ngu'. Lo'o li' nchcui' ngu' lo'o tya'a ngu': ―¿Ñi'ya̱ cua'ni na juani? ―nacui̱ ngu'―. Quiña'a̱ tsa cha' tlyu ndyu'ni nu qui'yu bi'.

SAN JUAN 7:1

Tiya' la li' xcui' nde loyuu su cuentya Galilea ndya'a̱ Jesús; nga'aa ndya'a̱ yu loyuu su cuentya Judea bi', cha' nti' tsa ngu' bi' cujuii ngu' ji'i̱.

LOS HECHOS 26:11

Chañi cha' lye tsa ngua'ni lya' ti' na' ji'i̱ ñati̱ bi', ngua tsa ti' na' cha' xtyanu ngu' tsiya' ti cha' ji'i̱ Jesús. Jua'a̱ ngua'ni na' lcaa ne' laa ji'i̱ ngu' judío, masi quichi̱ loyuu re, masi quichi̱ tyijyu' la su ngusna ngu', cha' ñasi̱' tsa na' ji'i̱ ngu' bi'.

LOS HECHOS 4:15

Li' ngulo ngu' cña cha' tyu'u nu ca ta'a sna ti ngu' bi' nde liya', cha' cuaana ti chcui' ngu' cusu' lo'o tya'a ti ngu':

LOS HECHOS 4:19

Nguxacui̱ Pedro lo'o Juan cha' ji'i̱ nu ngu' cusu' bi' li': ―Ná cube tsa ti' cu'ma̱, ngu' cusu' ―nacui̱ ngu' ji'i̱ ngu' bi'―. ¿Ha ntsu'u cha' cua'ni ya cña nu culo cu'ma̱ ji'i̱ ya? ¿Ha ná tso'o la nti' cu'ma̱ cha' cua'ni ya cña nu ngulo ycui' Ndyosi ji'i̱ ya?

LOS HECHOS 5:33

Lye tsa ngunasi̱' ngu' cusu' li', lo'o ndyuna ngu' cha' nu nchcui' Pedro lo'o ngu'; nti' tsa ngu' cujuii ngu' ji'i̱ ngu' nu ngua tsa'a̱ ji'i̱ Jesucristo bi' li'.

LOS HECHOS 7:54

Nu lo'o ndyuna ngu' cha' nu nchcui' Esteban, ngua ñasi̱' tsa ngu' li', tyaala tsa ndi'i̱ cloo ngu' cha' ñasi̱' ngu'.

2 TIMOTEO 3:9

Pana ná talo tyiquee ñati̱ tyu̱u̱ tsa̱ ji'i̱ cha' cuxi nu ndyu'ni nu ngu' cuxi bi'. Ñi'ya̱ lo'o ngua cuayá' ti' ngu' sa'ni cha' cuiñi tsa jyo'o Janes lo'o jyo'o Jambres nu ngua li', la cui' jua'a̱ ca cuayá' ti' lcaa ñati̱ cha' xcui' na nñilo'o ti ngu' cuxi bi' ji'i̱ ñati̱ chalyuu juani.