SAN LUCAS 5:38 - Chatino Tataltepec

³⁸ Ne' tyaca' cucui tyu'ú lcui lo'o chca ndyu'u ti.

SAN LUCAS 5:38 ပူးပေါင်းရင်းမြစ်များ

SAN MATEO 9:17

La cui' ti cha', ná su'ba ngu' lcui nu chca ndyu'u ti ne' tyaca' cusu'. Si su'ba ngu' ji'i̱ ne' tyaca' cusu', yala ti catsu se'i̱ tyaca' bi'; ndye ngula'a tyaca' li', tye lcui tyalú li'. Ne' tyaca' cucui tyu'u lcui nu chca ndyu'u ti; jua'a̱ talo tyucuaa cha' bi', lo'o lcui lo'o tyaca' bi'. (Jua'a̱ ngulu'u Jesús ji'i̱ ngu' cha' ca cuayá' ti' ngu' cha' ná tso'o quixa' ngu' cha' cucui nu nclyu'u yu cuentya ji'i̱ ycui' Ndyosi lo'o cha' nu nguxtyanu jyo'o cusu' cha' cua'ni ngu'.)

SAN LUCAS 5:37

Lo'o chaca cha' ni ―nacui̱ Jesús ji'i̱ ngu'―, ná nsu'ba ngu' ji'i̱ lcui nu chca ndyu'u ti ne' tyaca' cusu'. Si su'ba ngu' ji'i̱ ne' tyaca' cusu', yala ti catsu se'i̱ tyaca' bi'; clya'a tyaca', tye lcui tyalú li'.

SAN LUCAS 5:39

Pana lo'o cua ndyi'o ngu' lcui nu cua cusu', ná nti' ngu' co'o ngu' lcui nu chca ndyu'u ti. “Tyixi la ndyi'yu lcui nu cua cusu' bi'”, ñacui̱ ngu'. Jua'a̱ ngua cha' nu nda Jesús lo'o ngu'.

2 CORINTIOS 5:17

Lo'o juani nu lo'o cua ngusñi sca ñati̱ cha' ji'i̱ Cristo, li' cua nguxcutsa'a̱ Ni cha' ji'i̱ ñati̱ bi'; cua ndye cha' ji'i̱ yu lo'o cha' cuxi nu ngua'ni yu nu ngua tya tsubi' la. Chaca chalyuu cucui, bi' laca nu cua ngujui ji'i̱ yu juani.

GÁLATAS 2:4

Pana ngulaa xi xa' la ñati̱ slo ya li', ngu' nu cuiñi ti nchcui' cha' ntsu'u cha' ji'i̱ ngu' lo'o Cristo; na ndu'ni ti ngu' cha' tya'a na laca ngu' bi'. Cuaana ti nguti'i̱ ngu' bi' laja lcaa tya'a na cha' ña'a̱ cuayá' ngu' bi' ji'i̱ ya, si culacua̱ ngu' nu ndya'a̱ lo'o ya, si ná culacua̱ ngu'. Ngua ti' ngu' bi' tacu̱' cha' tso'o ji'i̱ Jesús lo'o na, cha' ná ndiya ti' ngu' cha' tso'o ndi'i̱ tyiquee na chalyuu xqui'ya Jesús; ngua ti' ngu' bi' tatsaa ngu' ji'na cha' cua'ni na lcaa lo cña nu ngulo jyo'o cusu' ji'i̱ ngu' judío tya'a ya.

1 TIMOTEO 4:8

Tso'o xi cha' ngui'i̱ quiya' na cha' tya'a̱ na, ngui'i̱ ya' na cha' cua'ni na cña; pana tso'o la si qui'i̱ tyiquee na cha' taquiya' na ji'i̱ ycui' Ndyosi lcaa tyempo. Tso'o ti tyi'i̱ na nde chalyuu, nu lo'o cua'ni na cua ña'a̱ ca cña nu nti' nu Xu'na na cha' cua'ni na; la cui' tso'o ti tyi'i̱ na ca slo ycui' Ndyosi, si cua'ni na ñi'ya̱ nu nti' Ni cha' cua'ni na.

APOCALIPSIS 21:5

Nchcui' ycui' nu ntucua lo yaca xlya tlyu bi' li': ―Ña'a̱ ma̱ ya'a̱ ñi'ya̱ nu caca juani. Xa' cuiñá cui na' lcaa na nu tyu'u nde chalyuu cucui ―nacui̱ Ni. Chaca cha' nchcui' Ni lo'o na' li': ―Scua clya nu'u̱ cha' nu nchcui' na' lo quityi; chañi tsa laca cha' bi', taca jlya ti' ma̱ ji'i̱.