SAN LUCAS 4:38 - Chatino Tataltepec

³⁸ Li' ndu'u Jesús nde ne' laa, ndyaa yu to' tyi Pedro. Quicha tsa xtya'a̱ laa Simón Pedro bi', cha' tlyu tsa tyique' ngusñi ji'i̱ ma'. Tya'na tsa nchcui' ngu' lo'o Jesús cha' tsaa na'a̱ xi ji'i̱ ma'.

SAN LUCAS 4:38 ပူးပေါင်းရင်းမြစ်များ

SAN MATEO 15:23

Ni sca cha' ná nguxacui̱ Jesús ji'i̱ nu cuna'a̱ bi'. Li' nchcui' ngu' nu ndyaca tsa'a̱ ji'i̱ lo'o Jesús: ―Culo nu'u̱ cña ji'i̱ nu cuna'a̱ re cha' tsaa ma' xa' se'i̱ ―nacui̱ ngu' ji'i̱ Jesús―, cha' nxi'ya tsa ji'na.

SAN MATEO 4:24

Li' nguañi cha' ji'i̱ Jesús lcaa quichi̱, hasta ca nde loyuu Siria nguañi cha' ji'i̱ yu; bi' cha' ñaa lo'o ngu' ji'i̱ lcaa ngu' quicha slo ycui' yu, cha' cua'ni yu jo'o ji'i̱ ngu'. Ñaa lo'o ngu' ji'i̱ nu quicha, masi ti'í tsa ngu' xqui'ya quicha nu ntsu'u ji'i̱ ngu'; ñaa lo'o ngu' ji'i̱ ngu' nu ntsu'u cui'i̱ cuxi ji'i̱ ngu', masi nxalú cui'i̱ ji'i̱ ngu', masi nchcu̱' tyucuí̱ tyucui ña'a̱ ngu', masi nchcuti sca tsu' ya' ngu'. Lo'o li' ngua'ni Jesús cha' ndyaca tso'o lcaa ngu' quicha bi'.

SAN JUAN 11:22

Pana jlo ti' na' cha' masi juani cua'ni ycui' Ndyosi lcaa cha' nu jña nu'u̱ ji'i̱ Ni.

SAN JUAN 11:3

Cua nda tyucuaa nu cuna'a̱ bi' cha' ndyaa ca slo Jesús: ―Tyu'u cha' clyu ti' jinu'u̱, Xu'na ―nacui̱ ngu' cuna'a̱ bi'―, nde lijya̱ cha', cha' caca cuayá' ti' nu'u̱ cha' ntsiya tya'a tso'o nu'u̱, quicha tsa yu.

1 CORINTIOS 9:5

Lo'o jua'a̱ taca caja clyo'o na' lo'o sca nu cuna'a̱ nu tya'a ngusñi na' cha' ji'i̱ Jesús, cha' tya'a̱ lo'o na' ji'i̱ tyucui̱i̱ lcaa su ndya'a̱ na' tyijyu', ni na' ji'i̱ ngu' bi'. Jua'a̱ ndu'ni tya'a ndya'a̱ na' cña, masi tya'a ycui' nu Xu'na na, masi Pedro, ntsu'u clyo'o ngu' bi'.