SAN LUCAS 24:53 - Chatino Tataltepec

⁵³ lu'ba tsa ndya'a̱ ngu' ne' laa cha' ndyu'ni tlyu ngu' ji'i̱ ycui' Ndyosi. Tsa lo cua ti cha'.

SAN LUCAS 24:53 ပူးပေါင်းရင်းမြစ်များ

SAN MATEO 28:20

Culu'u ma̱ ji'i̱ ngu' bi', cha' taquiya' ngu' lcaa cña nu cua ngulu'u na' ji'i̱ ma̱. Lo'o jua'a̱ tyi'u ti' ma̱ cha' nu nchcui' na' lo'o ma̱, cha' tyi'i̱ na' lo'o ma̱ lcaa tsa̱ hasta ña'a̱ cuayá' tye chalyuu. Tsa lo cua ti cha' nacui̱ Jesús.

SAN MARCOS 16:20

Li' ndu'u ngu' nu ngua tsa'a̱ ji'i̱, ndyaa ngu' lcaa quichi̱ cha' chcui' ngu' cha' ji'i̱ Jesús lo'o xa' ñati̱. Nxtyucua tsa nu Xu'na na ji'i̱ nu ngu' nu ngua tsa'a̱ ji'i̱, hasta ngua cuayá' tso'o ti' ngu' lcaa quichi̱ su ndyaa ngu' bi', cha' chañi tsa cha' nu nchcui' ngu' cuentya ji'i̱ ycui' Ndyosi; ngua cuaya' ti' ngu' quichi̱ bi' lo'o na'a̱ ngu' cha' tonu nu ngua'ni ngu' bi' chacuayá' ji'i̱ ycui' Ndyosi. Tsa lo cua ti cha'.

SAN LUCAS 24:52

Ngua'ni tlyu ngu' bi' ji'i̱ yu, li' xa' nguxtyu̱u̱ ngu' ñaa ngu' nde Jerusalén. Tso'o tsa ngua tyiquee ngu' li',

SAN JUAN 1:1

Nu ngua tya clyo la ndi'i̱ ycui' Ndyosi, lo'o jua'a̱ ndi'i̱ yu nu laca tyucui cha' ji'i̱ ycui' Ndyosi; nguti'i̱ yu bi' lo'o ycui' Ndyosi. Nu yu nu laca cha' bi', stu'ba ntsu'u cha' ji'i̱ yu lo'o ycui' Ndyosi.

APOCALIPSIS 22:21

Ña'a̱ ti cua'ni Jesús nu Xu'na na cha' tso'o lo'o lcaa cu'ma̱ lacua. Tsa lo cua ti cha' chcui' na.