SAN LUCAS 24:39 - Chatino Tataltepec

³⁹ Ña'a̱ ma̱ ya' na', ña'a̱ ma̱ quiya' na'; la cui' ti na' laca̱. Cala' ma̱ 'na, cha' taca jlya ti' ma̱ cha' na' laca̱. Sca cui'i̱ ti ni, ná ntsu'u cuaña' ji'i̱, lo'o jua'a̱ tyijya̱ ná ntsu'u ji'i̱; pana cua na'a̱ ma̱ cha' ntsu'u cuaña' 'na ―nacui̱ Jesús ji'i̱ ngu'.

SAN LUCAS 24:39 ပူးပေါင်းရင်းမြစ်များ

SAN LUCAS 23:46

Hora bi' cui̱i̱ tsa ngusi'ya Jesús: ―Sti na', qui'ya nu'u̱ cresiya 'na ―nacui̱ yu. Nu lo'o cua nchcui' yu cha' bi', hora ti ngujuii yu li'.

SAN LUCAS 24:38

Li' nchcui' Jesús lo'o ngu' bi': ―¿Ni cha' laca ntsi̱i̱ ma̱ ndi'i̱ ma̱? ―nacui̱―. ¿Ni cha' laca nclyacua tsa ti' ma̱? ―nacui̱ yu ji'i̱ ngu'―.

SAN LUCAS 24:40

Li' ngulu'u ya' ycui' yu, ngulu'u quiya' yu ji'i̱ ngu'.

SAN JUAN 20:20

Li' ngulu'u Jesús tyuu ya' yu ji'i̱ ngu', ngulu'u yu sii' yu ji'i̱ ngu', su ngua quicha yu. Lo'o na'a̱ ngu' nu ngua tsa'a̱ ji'i̱ ycui' nu Xu'na ngu', tso'o tsa ntsu'u tyiquee ngu' li'.

SAN JUAN 20:25

Li' nacui̱ ngu' tya'a ngua tsa'a̱ ji'i̱ Tomás: ―Cua na'a̱ ya ji'i̱ ycui' nu Xu'na na ―nacui̱ ngu'. Li' nchcui' Tomás lo'o ngu': ―Lo'o cua na'a̱ na' ca su ngujuo' ngu' clavo ya' ycui', li' jlya ti' na' cha' la cui' yu laca bi' ―nacui̱―. Lo'o cua ndyojo' sne ya' na' cuityu su ngujuo' ngu' clavo ya' yu, lo'o cua ndyojo' ya' na' ca su ntucua cuityu sii' yu, ca li' jlya ti' na' ―nacui̱ Tomás.

SAN JUAN 20:27

Li' nchcui' Jesús lo'o ycui' Tomás: ―Cua̱a̱ nu'u̱ ca nde, cojo' sne ya' nu'u̱ su ntucua cuityu ya' na' ―nacui̱―. Ña'a̱ tso'o nu'u̱ su ntucua cuityu ya' na' re. Cua̱a̱ nu'u̱, cojo' ya' sii' na'. Nga'aa cua'ni nu'u̱ cha' ná jlya ti' nu'u̱ 'na, taca jlya tso'o ti' nu'u̱ 'na juani ―nacui̱ Jesús.

LOS HECHOS 1:3

Lo'o cua ngujuii Jesús, ndyu'ú yu chaca quiya', li' ndu'u tucua yu slo ngu' bi'. Tya tu'ba tsa̱ ndya'a̱ Jesús chalyuu, lo'o jua'a̱ tyu̱u̱ quiya' ndu'u tucua yu slo ngu' bi'; tso'o tsa ngulu'u yu ji'i̱ ngu' cha' chañi cha' cua ndyu'ú yu chaca quiya'. Lo'o jua'a̱ ngulu'u yu ji'i̱ ngu' bi' ñi'ya̱ nu caca ycui' Ndyosi loo ne' cresiya ji'i̱ ñati̱.

1 TESALONICENSES 5:23

Ndu'ni ycui' Ndyosi cha' ti̱ ti tyi'i̱ tyiquee na. Bi' cha' juani cua'ni Ni cha' caca ma̱ ñati̱ liñi tsiya' ti; caca tso'o tyiquee ma̱, caca lubii cresiya ji'i̱ ma̱, caca ma̱ ñati̱ nu tyucui tyiquee tsiya' ti. Si lubii cresiya ji'i̱ ma̱ lo'o ca̱a̱ ycui' Jesucristo nu Xu'na na chaca quiya', li' nga'aa ntsu'u cha' sta Ni qui'ya ji'i̱ ma̱;

HEBREOS 12:9

Nde chalyuu nchcube' sti na ji'na, bi' cha' ndaquiya' na ji'i̱ cha' nu nchcui' ngu' cusu' ji'na lo'o na. ¿Ha ná tso'o si ta na chacuayá' cha' xcube' ycui' Ndyosi Sti na ji'na, cha' tso'o la tyi'i̱ tyiquee na nde loo la lacua?

1 JUAN 1:1

Cua laca ntucua Jesús lo'o ycui' Ndyosi Sti yu nu lo'o nguxana chalyuu tya clyo; la cui' yu laca nu nchcui' ya ji'i̱, nu lo'o nscua ya tilaca laca Jesucristo. Cua jlo tso'o ti' ya cha' bi', cha' cua na'a̱ tso'o ya ji'i̱ yu lo'o cloo ya, cha' stu'ba ti nguta'a̱ ya lo'o yu; cua ndyuloo ya ji'i̱ yu lo'o cua ngua'ni ca'a̱ ya' ya ji'i̱ ycui' yu. Cua nchcui' ya lo'o cu'ma̱ cha' Jesucristo laca nu nda chaca chalyuu cucui ji'i̱ ñati̱.