SAN LUCAS 24:20 - Chatino Tataltepec

²⁰ Li' nu ngu' sti jo'ó nu laca loo lo'o ngu' nu laca cña, nda ngu' ji'i̱ yu ndyaa cha' cujuii ngu' ji'i̱ yu lo crusi.

SAN LUCAS 24:20 ပူးပေါင်းရင်းမြစ်များ

SAN MATEO 23:33

’¡Ñi'ya̱ nti' cuaña, jua'a̱ nti' cu'ma̱! Tajua' tsa ndyu'ni ma̱ cha' cuxi. ¿Ha nti' ma̱ cha' clyaá ma̱ ji'i̱ ycui' Ndyosi cha' ná chcube' ma̱ ca bilyaa? Ná taca ji'i̱ ma̱ jua'a̱.

SAN MATEO 27:20

Pana nu ngu' sti jo'ó nu laca loo lo'o ngu' cusu' bi', cua nchcui' tsa ngu' bi' lo'o nu quiña'a̱ tsa ñati̱ bi', cha' jña ngu' chacuayá' ji'i̱ Pilato cha' culaá yu ji'i̱ Barrabás nu ntsu'u ne' chcua̱ bi', cha' li' cujuii Pilato ji'i̱ Jesús.

SAN MARCOS 15:1

Lo'o nguxee chaca tsa̱ tya ndi'i̱ sti jo'ó nu laca loo, lo'o ngu' cusu', lo'o mstru cha' jo'ó, ndi'i̱ lcaa ngu' tisiya cha' chcui' ngu' lo'o tya'a ngu' ji'i̱ cha' bi'. Li' ngusca̱' ngu' ji'i̱ Jesús, ndyaa lo'o ngu' ji'i̱ slo Pilato nu ngua gobernador romano cha' caca cuayá' ji'i̱. Nchcuane Pilato ji'i̱ Jesús li':

SAN LUCAS 22:66

Lo'o nguxee, li' ndyu'u ti'i̱ ngu' cusu' ji'i̱ ngu' judío, lo'o ngu' sti jo'ó nu laca loo, lo'o ngu' mstru cha' jo'ó; ndyaa lo'o ngu' ji'i̱ Jesús nde loo ña'a̱ taju ngu' tisiya bi'. Ca bi' nguxana ngu' ndacha' ngu' ji'i̱ yu:

SAN LUCAS 23:13

Li' nguxuti'i̱ Pilato ji'i̱ lcaa sti jo'ó nu laca loo, lo'o ji'i̱ lcaa ngu' tisiya, lo'o ji'i̱ lcaa ñati̱.

LOS HECHOS 2:23

Cua sa'ni la cua jlo ti' ycui' Ndyosi, tya li' cua nchcui' Ni ñi'ya̱ nu caca ji'i̱ Jesús. Ndacha' lo Ni ji'i̱ ngu' cha' cujuii ñati̱ cuxi ji'i̱ ycui' Jesús. Jua'a̱ ngua li'; tsubi' ti ngusñi ma̱ ji'i̱ yu, ngujui'i̱ ca'a̱ ma̱ ji'i̱ yu lo crusi. Cua ndyujuii ma̱ ji'i̱ yu lo'o nda ma̱ cña ji'i̱ ñati̱ cuxi bi', cha' cua ngua'ni ngu' cña cuxi bi' cuentya ji'i̱ ma̱, ñi'ya̱ nu nacui̱ Ni cha' caca.

1 TESALONICENSES 2:15

Ñi'ya̱ lo'o ndyujuii ngu' judío cuxi nu nguti'i̱ nu ngua sa'ni la ji'i̱ jyo'o nu ngua tu'ba ji'i̱ ycui' Ndyosi, la cui' jua'a̱ cua ndyujuii nu ngu' judío cuxi bi' ji'i̱ ycui' Jesús nu Xu'na na cua tsubi'. Ca tiya' la li' lo'o ji'i̱ cuare ngulo'o nu ngu' judío bi'. Ná ndiya ti' ycui' Ndyosi cha' ndyu'ni ngu' bi' jua'a̱, cha' nxu̱u̱ tya'a ngu' bi' lo'o lcaa ñati̱.