SAN LUCAS 23:39 - Chatino Tataltepec

³⁹ Li' chiya'a̱ tsa nchcui' sca nu cuaana tya'a nga'a̱ Jesús lo crusi: ―Si chañi cha' Cristo laca nu'u̱, cua'ni lyaá nu'u̱ ji'i̱ ycui' ca nu'u̱ lacua; lo'o jua'a̱ cua'ni lyaá nu'u̱ ji'i̱ cuare ―nacui̱ ji'i̱ Jesús.

SAN LUCAS 23:39 ပူးပေါင်းရင်းမြစ်များ

SAN MATEO 27:44

Lo'o jua'a̱ nu ngu' cuaana nu tya'a ngujui'i̱ ca'a̱ ngu' ji'i̱ lo crusi, lo'o ngu' bi' nxtyí lo'o ngu' ji'i̱ Jesús.

SAN MARCOS 15:32

Cristo laca yu, nu rey ji'i̱ ngu' Israel tya'a na laca yu, nacui̱ yu. Tso'o la si ca'ya yu lo crusi ycui' ti yu, cha' ña'a̱ na si caca ji'i̱ yu. Jlya ti' na ji'i̱ yu li' ―nacui̱ ngu' ji'i̱ tya'a ngu'. Lo'o jua'a̱ nu ngu' cuaana tya'a ngujui'i̱ ca'a̱ ngu' ji'i̱ lo crusi, lo'o ngu' bi' nchcui' ngu' cha' suba' ji'i̱ Jesús.

SAN LUCAS 23:35

Lo'o jua'a̱ ndi'i̱ tsa ñati̱ cha' ña'a̱ cui'ya ngu' ji'i̱ Jesús. Lo'o ngu' tisiya ni, nxtyí lo'o ngu' ji'i̱ Jesús li'. Ndi'ya̱ nacui̱ ngu' bi': ―Ngua'ni lyaá yu ji'i̱ xa' ñati̱ nquicha'; pana juani ntsu'u cha' cua'ni lyaá yu ji'i̱ ycui' ca ti yu, si chañi cha' laca yu Cristo nu ngusubi ycui' Ndyosi ji'i̱ lijya̱ chalyuu re ―nacui̱ ngu' bi'.

SAN LUCAS 23:37

Li' ndu'ni ngu' bi' ji'i̱ yu ndi'ya̱: ―Cua'ni lyaá nu'u̱ ji'i̱ ycui' ca si laca nu'u̱ rey ji'i̱ ngu' judío ―nacui̱ ngu' sendaru bi' ji'i̱ Jesús.

SAN LUCAS 23:40

Li' nguxacui̱ chaca nu cuaana cha' ji'i̱ tya'a: ―¿Ha ná ntsi̱i̱ nu'u̱ ji'i̱ ycui' Ndyosi lacua? Stu'ba nchcube' ngu' ji'i̱ ca ta'a sna na juani ―nacui̱ ji'i̱ tya'a cuaana―.