SAN LUCAS 23:37 - Chatino Tataltepec

³⁷ Li' ndu'ni ngu' bi' ji'i̱ yu ndi'ya̱: ―Cua'ni lyaá nu'u̱ ji'i̱ ycui' ca si laca nu'u̱ rey ji'i̱ ngu' judío ―nacui̱ ngu' sendaru bi' ji'i̱ Jesús.

SAN LUCAS 23:37 ပူးပေါင်းရင်းမြစ်များ

SAN MATEO 27:42

―Ngua'ni lyaá yu ji'i̱ xa' ñati̱, pana ji'i̱ ycui' ca yu ná nchca ji'i̱ yu cua'ni lyaá yu ―nacui̱ ngu' nu laca loo bi'―. Rey ji'i̱ ngu' Israel laca yu, nacui̱ yu. Tso'o la si ca'ya yu lo crusi cua juani, jlya ti' na ji'i̱ yu li' ―nacui̱ ngu' bi' ji'i̱ tya'a ngu'―.

SAN MATEO 27:43

Ndu̱ ti' yu ji'i̱ ycui' Ndyosi cha' xtyucua Ni ji'i̱ yu, nacui̱ yu. Tso'o la si cua'ni lyaá ycui' Ndyosi ji'i̱ yu juani, si chañi cha' tyaca'a yu ji'i̱ Ni; “Sñi' ycui' Ndyosi laca na'”, ndu'ni yu re.

SAN MARCOS 15:26

Nde hique crusi bi' cua nscua letra nu nchcui' ni qui'ya nu ngusta ngu' ji'i̱ Jesús: “Nu nde laca rey ji'i̱ ngu' judío”, nacui̱ letra bi'.

SAN LUCAS 23:39

Li' chiya'a̱ tsa nchcui' sca nu cuaana tya'a nga'a̱ Jesús lo crusi: ―Si chañi cha' Cristo laca nu'u̱, cua'ni lyaá nu'u̱ ji'i̱ ycui' ca nu'u̱ lacua; lo'o jua'a̱ cua'ni lyaá nu'u̱ ji'i̱ cuare ―nacui̱ ji'i̱ Jesús.