SAN LUCAS 23:34 - Chatino Tataltepec

³⁴ Lo'o tya ndi'i̱ ngu' nu ngujui'i̱ ca'a̱ ji'i̱ ngu' lo crusi, li' nchcui' Jesús lo'o ycui' Ndyosi Sti yu: ―Sti na' ―nacui̱ yu―, cui'ya nu'u̱ cha' clyu ti' ji'i̱ ngu' re, cha' ná jlo ti' ngu' ni cha' laca ndyu'ni ngu' jua'a̱. Li' ndacha ngu' sendaru bi' ste' Jesús ji'i̱ tya'a ngu' laja lo'o ndijya ti ngu' lo'o tya'a ngu'.

SAN LUCAS 23:34 ပူးပေါင်းရင်းမြစ်များ

SAN MATEO 11:25

Lo'o li' nchcui' Jesús lo'o ycui' Ndyosi Sti yu: ―Cua'ni tlyu na' jinu'u̱, Sti na'; la cui' nu'u̱ laca Xu'na ya, masi nde cua̱, masi nde chalyuu ―nacui̱ Jesús ji'i̱ ycui' Ndyosi―. Tsa xlya'be hi̱ cha' cua ngua'ni nu'u̱ cha' ngua cuayá' ti' ñati̱ nu ná jlo tso'o ti' nquicha'; pana xa' ñati̱ ñi'ya̱ nti' ngu' tii, ná nchca cuayá' ti' ngu' bi' cha' jinu'u̱. Masi ngu' nu nchca tsa ji'i̱, masi ngu' nu jlo tsa ti' lcaa cha' jinu'u̱ nti' ngu', pana ná nchca cuayá' ti' ngu' bi'.

SAN MATEO 11:26

Chañi cha' jua'a̱ nti' ycui' nu'u̱, cha' caca cuayá' ti' ngu' nu ná jlo ti' tsiya' ti.

SAN MATEO 5:44

Pana, quiña'a̱ la cha' chcui' na' lo'o ma̱ juani, cha' tso'o ti tyu'u tyiquee ma̱ ña'a̱ ma̱ ji'i̱ tya'a cusu̱u̱ ma̱, lo'o jua'a̱ tso'o ti chcui' ma̱ ji'i̱ ngu' nu nchcui' cuentyu ji'i̱ ma̱, tso'o ti cua'ni ma̱ lo'o ngu' nu ti'í ti' ji'i̱ ma̱; chcui' ma̱ lo'o ycui' Ndyosi cuentya ji'i̱ ngu', masi ndyu'ni lya' ti' ngu' ji'i̱ ma̱, masi nxtyí lo'o ngu' ji'i̱ ma̱.

SAN MARCOS 15:24

Li' ngujui'i̱ ca'a̱ ngu' ji'i̱ yu lo crusi. Lo'o li' ngüijya ngu' sendaru lo'o tya'a ngu', cha' clyana ngu' cha' lo'o tya'a ngu' tilaca nu caja ste' Jesús ji'i̱. Jua'a̱ ngua cha' ndye ndacha ngu' ste' Jesús ji'i̱ tya'a ngu'.

SAN LUCAS 22:42

―Sti na' ―nacui̱ yu―, ¿ha ná ntsu'u xi xa' la ña'a̱ nu caca cua'ni na' cña re, cha' nga'aa chcube' la na' lo'o cña tlyu re jinu'u̱? ―nacui̱ Jesús ji'i̱ ycui' Ndyosi Sti yu―. Pana nti' na' cha' cua'ni na' cua ña'a̱ ca cña nu nti' nu'u̱ cha' cua'ni na'.

SAN JUAN 17:9

’Sti na', chcui' na' lo'o nu'u̱ juani ―nacui̱ Jesús―, cha' xtyucua nu'u̱ ji'i̱ ngu' bi'. Ná chcui' na' ji'i̱ cua ña'a̱ ca ñati̱ chalyuu, sca ti ji'i̱ ñati̱ nu nda nu'u̱ jna' chcui' na' cha' lo'o nu'u̱, cha' laca ngu' bi' ñati̱ jinu'u̱.

SAN JUAN 19:11

―Ná ntsu'u chacuayá' jinu'u̱ tsiya' ti cha' caca nu'u̱ loo jna' ―nacui̱ Jesús ji'i̱ Pilato―. Ycui' Ndyosi nu laca loo la, bi' laca nu ta chacuayá' ji'na; bi' cha' tlyu la qui'ya ntsu'u ji'i̱ yu nu cua ndyujui' cresiya 'na jinu'u̱.

LOS HECHOS 16:28

Cui̱i̱ ngusi'ya Pablo ji'i̱ yu li': ―Ná ntsu'u cha' cua'ni nu'u̱ jua'a̱ ―nacui̱ Pablo ji'i̱ yu―. Nde ti ndi'i̱ lcaa cuare.

LOS HECHOS 3:17

’Cu'ma̱ ngu' tya'a quichi̱ tyi na, jlo ti' na' cha' ná ngua tii ma̱ tilaca ngua Jesús nu lo'o ngüijña ma̱ chacuayá' cha' cujuii sendaru ji'i̱ yu. Lo'o jua'a̱ nu ngu' nu laca loo ji'i̱ ma̱, ná ngua tii ngu' na laca nu ngua'ni ngu', si cha' tso'o, si cha' cuxi ngua'ni ngu' li'.

LOS HECHOS 7:60

Li' ngucha sti̱' yu lo'o lye tsa nchcui' yu chaca quiya': ―Xu'na na' ―nacui̱ yu―, ná sta nu'u̱ qui'ya ji'i̱ ñati̱ re cha' ngu̱ ngu' quee jna' ―nacui̱ Esteban ji'i̱ Jesús. Lo'o jua'a̱ tsa tsiya' ca ngujuii yu li'.

ROMANOS 12:14

Chcui' ma̱ lo'o ycui' Ndyosi cuentya ji'i̱ ñati̱ nu ndyu'ni lya' ti' ji'i̱ ma̱; pana ná jña ma̱ cha' tyanu yabe' ji'i̱ ngu' bi', masi xcui' cha' tso'o ti jña ma̱ cuentya ji'i̱ ngu' bi'.

1 CORINTIOS 2:8

Ni sca ñati̱ nu laca loo chalyuu, ná ngua cuayá' ti' ngu' cha' bi'. Si ngua jlo ti' ngu' cha' bi', ñi'ya̱ nu ngua ti' ycui' Ndyosi cha' cua'ni Ni, ná ngujui'i̱ ca'a̱ ngu' bi' ji'i̱ Jesús lo crusi li', ycui' Jesús nu Xu'na na nu tlyu tsa cha' tso'o ntsu'u ji'i̱.

1 CORINTIOS 4:12

Ti'i̱ tsa cña nu ndu'ni ya cha' caja ñi'ya̱ nu tyiji̱ yu'u ji'i̱ ya chalyuu. Nu lo'o ti'í tsa cha' nu nda ngu' lo'o ya, ná nsacui̱ tu'ba ya ji'i̱ ngu'; tso'o ti nchcui' ya lo'o ngu' li'. Lo'o ndu'ni lya' ti' ngu' ji'i̱ ya, ndalo ya li'; ná nsacui̱ ya' ya ji'i̱ ngu' tsiya' ti.

1 TIMOTEO 1:13

Ngusubi Ni jna', masi suba' tsa nchcui' na' ji'i̱ Ni cua sa'ni la, tyempo lo'o nguxcube' na' ji'i̱ ñati̱ ji'i̱ Jesucristo; tyaala tsa na' nu ngua li'. Pana ná jlo ti' na' tyempo bi', cha' bilya xñi na' cha' tso'o ji'i̱ ycui' Ndyosi, bi' cha' ngua tya'na tsa ti' Ni jna'.

1 PEDRO 3:9

Ná cua'ni cuxi ma̱ lo'o tya'a ñati̱ ma̱, masi ngua'ni cuxi ngu' lo'o ma̱; lo'o jua'a̱ ná chcui' tyaala ma̱ lo'o tya'a̱ ñati̱ ma̱, masi tyaala tsa nchcui' ngu' lo'o ma̱. Na cua ngusubi ycui' Ni ji'i̱ ma̱ cha' xtyucua Ni ji'i̱ cu'ma̱, bi' cha' tso'o la si chcui' ma̱ lo'o ycui' Ndyosi cha' xtyucua Ni ji'i̱ ngu' tyaala bi'.