SAN LUCAS 23:33 - Chatino Tataltepec

³³ Lo'o ndyalaa ngu' su naa La Calavera (ca'ya su nscua tyijya̱ hique jyo'o), li' ngujui'i̱ ca'a̱ ngu' ji'i̱ Jesús lo crusi ca bi'. La cui' jua'a̱ ngujui'i̱ ca'a̱ ngu' ji'i̱ tyucuaa ñati̱ nu ntsu'u qui'ya tlyu ji'i̱ bi'; ngujui'i̱ ca'a̱ ngu' ji'i̱ tsaca yu cuxi bi' lo chaca yaca crusi nu ndu̱ la'a tsu' cui̱ ji'i̱ Jesús, cuati ngujui'i̱ ca'a̱ ngu' ji'i̱ chaca yu cuxi bi' lo chaca yaca crusi nu ndu̱ la'a tsu' coca.

SAN LUCAS 23:33 ပူးပေါင်းရင်းမြစ်များ

SAN MATEO 20:19

Li' tsaa lo'o ngu' bi' 'na slo ngu' xa' tsu' nu laca loo, cha' xtyí lo'o ngu' bi' 'na. Lo'o jua'a̱ quiji'i̱ ngu' bi' 'na lo'o reta, cujui'i̱ ca'a̱ ngu' bi' 'na lo crusi li'. Pana, tsa̱ nchca tyuna, li' tyu'ú na' chaca quiya' ―nacui̱ Jesús.

SAN MATEO 26:2

―Jlo ti' ma̱ cha' tucua ti tsa̱ lyiji cha' caca ta'a si̱i̱ ji'i̱ ta'a pascua, lo'o li' tejeya' ngu' xña'a̱ jna' nu cua nda Ni 'na lijya̱a̱ cha' caca na' ñati̱. Tyaa lo'o ngu' 'na cha' cujuii ngu' 'na lo crusi li'.

SAN LUCAS 24:7

Cua nacui̱ yu cha' ycui' nu lijya̱ cha' caca yu ñati̱ ni, nga'a̱ cha' ta ngu' ji'i̱ yu ya' ngu' xña'a̱, cha' cujui'i̱ ca'a̱ ngu' ji'i̱ yu lo crusi. Lo'o chu̱' sna tsa̱, li' tyu'ú yu chaca quiya' nacui̱ yu.

SAN JUAN 18:32

Lo'o ngua'ni ngu' jua'a̱, li' ngutu'u tucua cha' nu cua nchcui' Jesús lo'o ngu', ñi'ya̱ ña'a̱ cajaa ycui' ca.

SAN JUAN 3:14

Lo'o nguti'i̱ jyo'o Moisés nde nati̱' btyi bi' cua sa'ni la, ngusicua̱ yu ji'i̱ sca cuaña chcua̱ nu ndacui chu̱' yaca cha' ña'a̱ ngu' cuaña bi', cha' caca jo'o ji'i̱ quicha nu ntsu'u ji'i̱ ngu' bi' ―nacui̱ Jesús―. Ñi'ya̱ nu ngusicua̱ ji'i̱ cuaña bi', jua'a̱ nga'a̱ cha' sicua̱ ngu' jna' lo crusi, na' nu lijya̱a̱ cha' caca na' ñati̱.

LOS HECHOS 13:29

Nu lo'o cua ndye ngua'ni ngu' lcaa cha' ñi'ya̱ nchcui' lo quityi bi' cha' caca ji'i̱ Jesús, li' nda'ya ngu' ji'i̱ jyo'o bi' su nga'a̱ lo crusi, nguxatsi' ngu' ji'i̱ jyo'o bi' li'.

LOS HECHOS 2:23

Cua sa'ni la cua jlo ti' ycui' Ndyosi, tya li' cua nchcui' Ni ñi'ya̱ nu caca ji'i̱ Jesús. Ndacha' lo Ni ji'i̱ ngu' cha' cujuii ñati̱ cuxi ji'i̱ ycui' Jesús. Jua'a̱ ngua li'; tsubi' ti ngusñi ma̱ ji'i̱ yu, ngujui'i̱ ca'a̱ ma̱ ji'i̱ yu lo crusi. Cua ndyujuii ma̱ ji'i̱ yu lo'o nda ma̱ cña ji'i̱ ñati̱ cuxi bi', cha' cua ngua'ni ngu' cña cuxi bi' cuentya ji'i̱ ma̱, ñi'ya̱ nu nacui̱ Ni cha' caca.

LOS HECHOS 5:30

Cua ndyujuii ma̱ ji'i̱ Jesús, ngujui'i̱ ca'a̱ ma̱ ji'i̱ lo crusi. Lo'o juani ni, ycui' Ndyosi nu ngua ycui' Ndyosi ji'i̱ lcaa jyo'o cusu' ji'na, bi' laca Ni nu ngua'ni cha' ndyu'ú Jesús chaca quiya'.

GÁLATAS 3:13

Cua ngulo Cristo ji'na ji'i̱ yabe' nu ngusta ycui' Ndyosi hichu̱' na xqui'ya cha' ná ndaquiya' na ji'i̱ lcaa cha' tsiya' ti nu nda Ni lo'o na; yabe' nu ntsu'u ji'na bi' cua ndyanu hichu̱' ycui' Jesús li'. Ndi'ya̱ nscua cha' lo quityi ji'i̱ ycui' Ndyosi: “Si tlyu tsa yabe' ntsu'u ji'i̱ sca ñati̱, ntsu'u cha' cujui'i̱ ca'a̱ ngu' ji'i̱ ña'a̱ lu'ú ti lo sca yaca ndu̱ cha' cajaa yu”.

1 PEDRO 2:24

Ycui' Cristo laca nu sca ti quiya' ngujui'i̱ ca'a̱ ngu' ji'i̱ lo crusi cha' taca cuityi̱ Ni qui'ya nu ntsu'u ji'i̱ lcaa na, cha' clyaá na ji'i̱ qui'ya nu ntsu'u ji'na; bi' cha' cuentya ji'i̱ Cristo taca tyi'i̱ na chalyuu juani, cha' jua'a̱ tyaja'a̱ na cua'ni na xcui' cha' tso'o nu nti' ycui' nu Xu'na na cha' cua'ni na. Xqui'ya cha' nchcube' ycui' Cristo, bi' cha' ngua ti̱ cha' cuxi nu ntsu'u tyiquee na, ñi'ya̱ nti' lo'o ngua ti̱ cha' quicha na lo'o ndyaca tso'o na.