SAN LUCAS 23:32 - Chatino Tataltepec

³² Lo'o jua'a̱ ndyaa lo'o ngu' ji'i̱ tya tyucuaa tya'a ñati̱ nu tlyu tsa qui'ya ntsu'u ji'i̱; ndyaa lo'o ngu' ji'i̱ tyucuaa ñati̱ bi', cha' cujuii ngu' ji'i̱ ñati̱ bi' stu'ba ti lo'o Jesús.

SAN LUCAS 23:32 ပူးပေါင်းရင်းမြစ်များ

SAN MATEO 27:38

Lo'o la cui' tsa̱ bi' ngujui'i̱ ca'a̱ ngu' ji'i̱ tucua tya'a ngu' cuaana lo xa' la crusi tya'a ndu̱ Jesús; tsaca yu nga'a̱ la'a tsu' cui̱ ji'i̱ Jesús, lo'o chaca yu nga'a̱ la'a tsu' coca ji'i̱.

SAN MARCOS 15:27

La cui' tsa̱ bi', ngujui'i̱ ca'a̱ ngu' ji'i̱ tucua tya'a ngu' cuaana lo crusi se'i̱ ti lo'o Jesús. Crusi ji'i̱ tsaca ngu' cuaana bi' ndu̱ la'a tsu' cui̱ ji'i̱ Jesús, crusi ji'i̱ chaca ndu̱ la'a tsu' coca bi'.

SAN LUCAS 22:37

Jua'a̱ cha' nchcui' na' lo'o ma̱ cha' nga'a̱ cha' tyu'u tucua cha' cuxi nu nchcui' quityi cusu' cha' caca 'na. Ndi'ya̱ nscua cha': “Ñi'ya̱ nu ndu'ni ngu' lo'o ñati̱ cuxi, jua'a̱ cua'ni ngu' lo'o ycui' Cristo”. Lcaa cha' nu nscua cha' caca 'na, jua'a̱ caca 'na tu'ni ―nacui̱ Jesús ji'i̱ ngu'.

SAN LUCAS 23:31

Ña'a̱ ma̱ ñi'ya̱ nu ndyu'ni ngu' lo'o na' juani. ¿Ñi'ya̱ ta cua'ni ngu' lo'o cu'ma̱ ngu' judío li' lacua? Tso'o tsa cha' nu ntsu'u jna'; ntsu'u tsa chalyuu jna', cha' ñi'ya̱ nti' sca yaca cuañi', jua'a̱ nti' na'. Pana cu'ma̱ ni, ná tso'o cha' nu ntsu'u ji'i̱ ma̱; na culiji yu'u ti cha' bi' ji'i̱ ma̱ jua'a̱ ti, cha' ñi'ya̱ nti' sca yaca ncui, jua'a̱ nti' cu'ma̱ ―nacui̱ Jesús ji'i̱ ngu' bi'.

SAN JUAN 19:18

Ca bi' ngujui'i̱ ca'a̱ ngu' ji'i̱ Jesús lo crusi, lo'o tya tyucuaa tya'a ñati̱ tya'a ndyujuii ngu' ji'i̱ lo'o Jesús; la'a tsu' cui̱ nguxtyu̱ ngu' crusi ji'i̱ tsaca yu, la'a tsu' coca nguxtyu̱ ngu' crusi ji'i̱ chaca yu li'. Crusi ji'i̱ Jesús nguxtyu̱ ngu' cla'be la.

2 TIMOTEO 2:9

bi' cha' ndu'ni lya' ti' ngu' 'na juani. Ñi'ya̱ nu nchcube' ngu' ji'i̱ sca ñati̱ cuxi, jua'a̱ ngusca̱' ngu' jna' ne' chcua̱ juani. Ngusu'ba ngu' jna' ne' chcua̱ tu'ni, pana ná nchca ji'i̱ ngu' su'ba yacu̱' ngu' ji'i̱ cha' tso'o ji'i̱ ycui' Ndyosi jua'a̱;

HEBREOS 12:2

Xcui' culacua ti' na ñi'ya̱ ngua'ni Jesús; lcaa cha' nu jlya ti' na ni, Jesús laca su̱u̱ lcaa cha' bi'; si jua'a̱, taca jlya ti' na ji'i̱ Ni ña'a̱ cuayá' nu tye chalyuu. Nu ycui' Jesús ni, ná nguta'a̱chu̱' yu ji'i̱ cña nu nga'a̱ cha' cua'ni yu, masi cua jlo ti' yu cha' cua cajaa ti yu lo crusi. Pana tiya' la li', nu lo'o cua ntiji̱loo yu ji'i̱ nu cuxi, tso'o tsa ntsu'u tyiquee yu li'; bi' cha' ná ngua tyuju'u ti' yu tsiya' ti, masi nguxcube' ngu' ji'i̱ yu lo crusi. Lo'o juani cua ndyaa tucua Jesús nde la'a tsu' cui̱ su tlyu ca su ntucua ycui' Ndyosi Sti na.