SAN LUCAS 23:27 - Chatino Tataltepec

²⁷ Quiña'a̱ tsa ñati̱ lca'a̱ ngu' ji'i̱ Jesús ndyaa. Jua'a̱ ndya'a̱ quiña'a̱ tsa nu cuna'a̱, ndyunaa tsa ngu'; cui̱i̱ tsa nxi'ya ngu' cha' tiji̱' tsa ti' ngu' ji'i̱ Jesús.

SAN LUCAS 23:27 ပူးပေါင်းရင်းမြစ်များ

SAN MATEO 11:17

“¿Ni cha' ná ntyaja'a̱ ma̱ cula quiya' ma̱? Na nclya'a ya xi ji̱i̱ cha' ji'i̱ ma̱”, nacui̱ nu sube bi'. “¿Ni cha' ná ntyaja'a̱ ma̱ ca xñi'i̱ ti' ma̱ lo'o cua? Na nclya'a ya marcha, na nxi'ya ya nga'a̱ ya.” La cui' jua'a̱ ndyu'ni cu'ma̱ ñati̱ chalyuu juani; xcui' na taja ti' ma̱, ná tso'o ntsu'u tyiquee ma̱ tsiya' ti ña'a̱ ma̱ ji'i̱ tya'a ñati̱ ma̱.

SAN MATEO 27:55

Laja li', tyijyu' ti xi ndu̱ tyu̱u̱ tya'a ngu' cuna'a̱ nu ndu'u nde Galilea; tya'a nguta'a̱ ngu' lo'o Jesús, nguxtyucua ngu' bi' ji'i̱ yu. Ndu̱ ti nu ngu' cuna'a̱ bi', na'a̱ ngu' ji'i̱ crusi su nga'a̱ Jesús;

SAN MARCOS 15:40

Laja li' tyijyu' ti ndu̱ sca taju ngu' cuna'a̱ ña'a̱ cui'ya ngu' ji'i̱ Jesús; lo'o María Magdalena, lo'o chaca María xtya'a̱ Jacobo nu cuañi' la, la cui' xtya'a̱ José laca bi', lo'o Salomé ndu̱.

SAN LUCAS 23:28

Li' nguxña'a̱ Jesús su ndu̱ ngu' cuna'a̱ bi', cha' chcui' lo'o ngu': ―Cu'ma̱ ngu' cuna'a̱ Jerusalén re, ná xi'ya ma̱ xqui'ya na' ―nacui̱ Jesús ji'i̱ ngu'―. Tso'o la xi'ya ma̱ xqui'ya ycui' ca ti ma̱, cuati xqui'ya sñi' ma̱.

SAN LUCAS 23:55

Lo'o nu ngu' cuna'a̱ nu ñaa lo'o Jesús nde Galilea ni, ndyaa lca'a̱ ngu' ji'i̱ nu José bi', ndyaa na'a̱ ngu' cuaá ji'i̱, cha' cui'ya ngu' cuentya mala ngusta ngu' ji'i̱ jyo'o Jesús bi'.

SAN LUCAS 8:2

Lo'o jua'a̱, tyu̱u̱ tya'a nu cuna'a̱ ndyaa lo'o ngu'; cua ngua quicha nu ngu' cuna'a̱ bi' tya tsubi' la, pana cua ngua'ni Jesús cha' ndyaca tso'o ngu', lo'o jua'a̱ cua ngulo yu cui'i̱ Cuxi nu ntsu'u ji'i̱ ngu' bi'. Ndya'a̱ sca nu cuna'a̱ nu naa María Magdalena lo'o ngu', ji'i̱ bi' cua ngutu'u cati tya'a cui'i̱ cuxi.

SAN LUCAS 8:52

Nxi'ya tsa xi xa' la ngu' ndi'i̱ ngu' nde liya' xqui'ya cha' ngujuii nu cuna'a̱ piti bi'. Li' nchcui' Jesús lo'o ngu' bi': ―Ná xi'ya ma̱ ―nacui̱―. Si'i na ngujuii nu quicha re, na laja' ti re ―nacui̱ Jesús ji'i̱ ngu'.

SAN JUAN 16:20

Liñi tsa cha' nu ta na' lo'o ma̱ juani ―nacui̱ Jesús ji'i̱ ngu' bi' li'―, cha' chañi xi'ya ma̱, chañi cunaa ma̱ nu lo'o cua ndya'a na', masi chaa ti' xa' la ñati̱ chalyuu. Pana ná cube tsa ti' ma̱, masi xñi'i̱ ti' ma̱; caca chaa ti' ma̱ lo'o tyu'ú na' chaca quiya' li'.