SAN LUCAS 23:14 - Chatino Tataltepec

¹⁴ Nchcui' yu lo'o ngu' li': ―La cui' cu'ma̱ ñaa lo'o ma̱ ji'i̱ nu qui'yu re slo na', nu nacui̱ ma̱ cha' lye tsa ndu'ni yu cha' ná tyi'i̱ ti̱ ti ngu' ―nacui̱ yu ji'i̱ ngu'―. Pana cua nchcui' na' lo'o yu re slo lcaa cu'ma̱; cua na'a̱ ma̱ cha' ná nquije ni sca qui'ya ji'i̱ yu 'na, ñi'ya̱ nu qui'ya nu ngusta cu'ma̱ ji'i̱ yu.

SAN LUCAS 23:14 ပူးပေါင်းရင်းမြစ်များ

SAN MATEO 27:19

Tya nga'a̱ lcaa ñati̱ bi' slo Pilato, lo'o jua'a̱ tya ntucua ycui' yu lo yaca xlya cña su ndu'ni cuayá' yu ji'i̱ ñati̱. Li' ndyalaa sca msu slo yu, ya̱a̱ lo'o sca cha' nu cua nchcui' clyo'o Pilato bi': “Ná sca cha' cua'ni nu'u̱ lo'o nu qui'yu nu lubii tyiquee jua”, nacui̱ nu cuna'a̱ bi' ji'i̱ Pilato. “Lye tsa ngua ti' na' tyucui talya cuentya ji'i̱ yu bi'. Cua nchcui' tsa xcalá na' xqui'ya yu bi'.”

SAN MATEO 27:24

Li' na'a̱ Pilato cha' tyaala tsa ndi'i̱ loo ngu', cha' ñasi̱' tsa ngu'; jua'a̱ ná ntaja'a̱ ngu' cuna ngu' cha' nu nchcui' yu lo'o ngu' tsiya' ti. Bi' cha' ngulo yu cña cha' ca̱a̱ lo'o msu ji'i̱ sca tsi'yu ntsu'u hitya. Li' ndyaati̱ ya' yu slo lcaa ñati̱. ―Lubii tyanu ya' na', cha' si'i cha' jna' cajaa yu nu lubii tyiquee re ―nacui̱ Pilato ji'i̱ ngu'―, cha' ji'i̱ cu'ma̱ laca cha' bi'.

SAN MATEO 27:4

―Ntsu'u qui'ya 'na ―nacui̱ Judas bi' ji'i̱ ngu' nu laca loo―, cha' cua ndyujui' na' ji'i̱ sca ñati̱ lubii ji'i̱ ma̱, cha' cujuii ma̱ ji'i̱ ―nacui̱. Li' nguxacui̱ ngu' nu laca loo bi' cha' ji'i̱ Judas: ―¿Ha cha' ji'i̱ cua laca cha' bi'? ―nacui̱ ngu' nu laca loo bi'―. Si ntsu'u qui'ya jinu'u̱, cha' jinu'u̱ laca bi'.

SAN MATEO 27:54

Lo'o nu sendaru nu nga'a̱ cua̱ ji'i̱ Jesús bi', lo'o nu capitán ji'i̱ sendaru bi', ngulacua tsa ti' ngu' bi' li'; tlyu tsa cha' ndyutsi̱i̱ ti' ngujui ji'i̱ ngu' bi' lo'o na'a̱ ngu' ñi'ya̱ ngua cha' bi', ñi'ya̱ ngua lo'o ngulacui̱ chalyuu. ―Chañi tsa cha' Sñi' ycui' Ndyosi laca jyo'o re ―nacui̱ nu ngu' sendaru bi'.

LOS HECHOS 13:28

Masi ná ntsu'u qui'ya ji'i̱ Jesús tsiya' ti, ngüijña ngu' ji'i̱ gobernador, la cui' nu Pilato bi', cha' culo cña ji'i̱ ngu' cha' cujuii ngu' ji'i̱ Jesús.

LOS HECHOS 17:11

Tso'o la tyiquee ngu' quichi̱ Berea bi'; si'i na cuxi tyiquee ngu' bi' ñi'ya̱ laca tyiquee ngu' Tesalónica. Nti' tsa ngu' cuna ngu' cua ña'a̱ ca cha' nu nda Pablo lo'o Silas lo'o ngu'. Lcaa tsa̱ nclyana ngu' lo quityi ji'i̱ ycui' Ndyosi si cha' liñi laca nu nchcui' ngu' bi';

HEBREOS 7:26

Xñi na cha' ji'i̱ Jesús lacua; bi' laca sti jo'ó nu laca loo la, nu chañi cha' taca xtyucua ji'na. Ñati̱ lubii tsiya' ti laca Ni, cha' ná ntsu'u cha' cuxi, ná ntsu'u qui'ya ji'i̱ Ni. Xa' ña'a̱ laca Jesús, nu ná nda ycui' Ndyosi chacuayá' cha' tyanu yu slo ñati̱ chalyuu nu ndu'ni tsa cha' cuxi; cua nda Sti yu su tyucua yu la cui' su tlyu ca su ntucua ycui' Ndyosi Sti yu.