SAN LUCAS 23:13 - Chatino Tataltepec

¹³ Li' nguxuti'i̱ Pilato ji'i̱ lcaa sti jo'ó nu laca loo, lo'o ji'i̱ lcaa ngu' tisiya, lo'o ji'i̱ lcaa ñati̱.

SAN LUCAS 23:13 ပူးပေါင်းရင်းမြစ်များ

SAN MARCOS 15:14

―¿Ni cha' laca cha' nti' ma̱ cha' cujuii na' ji'i̱ yu re? ―nacui̱ Pilato ji'i̱ ngu'―. ¿Ni qui'ya ntsu'u ji'i̱ yu? Lye la nxi'ya lo'o ngu' ji'i̱ Pilato li': ―Cujuii clya ji'i̱ yu lo crusi.

SAN LUCAS 23:35

Lo'o jua'a̱ ndi'i̱ tsa ñati̱ cha' ña'a̱ cui'ya ngu' ji'i̱ Jesús. Lo'o ngu' tisiya ni, nxtyí lo'o ngu' ji'i̱ Jesús li'. Ndi'ya̱ nacui̱ ngu' bi': ―Ngua'ni lyaá yu ji'i̱ xa' ñati̱ nquicha'; pana juani ntsu'u cha' cua'ni lyaá yu ji'i̱ ycui' ca ti yu, si chañi cha' laca yu Cristo nu ngusubi ycui' Ndyosi ji'i̱ lijya̱ chalyuu re ―nacui̱ ngu' bi'.

SAN LUCAS 24:20

Li' nu ngu' sti jo'ó nu laca loo lo'o ngu' nu laca cña, nda ngu' ji'i̱ yu ndyaa cha' cujuii ngu' ji'i̱ yu lo crusi.

SAN JUAN 12:42

Lo'o jua'a̱ ngua, ndi'i̱ xi ngu' nu laca cña nu jlya ti' ji'i̱ Jesús; pana ntsi̱i̱ ngu' bi' ji'i̱ ngu' fariseo, bi' cha' ná ntaja'a̱ ngu' chcui' ngu' cha' ji'i̱ Jesús ca slo ñati̱. Ntsi̱i̱ ngu' si cua'a ngu' fariseo ji'i̱ ngu' cha' nga'aa ca tsaa ngu' ne' laa ji'i̱ tya'a ngu' judío.

SAN JUAN 18:38

Li' nchcui' Pilato lo'o Jesús: ―Ná jlo ti' na' si ntsu'u cha' liñi jua'a̱ nde chalyuu ―nacui̱. Li' ngutu'u Pilato nde liya', ndyaa nde su ndu̱ nu ngu' judío bi' chaca quiya'. ―Cuentya jna', ná ntsu'u qui'ya ji'i̱ yu jua, ná ntsu'u cha' xcube' na' ji'i̱ yu ―nacui̱ Pilato ji'i̱ ngu' judío―.

SAN JUAN 19:4

Chaca quiya' ngutu'u Pilato ni'i̱ ndyaa su ndi'i̱ ngu' judío. ―Cua lijya̱ yu jua ―nacui̱ Pilato―, lijya̱ lo'o na' ji'i̱ yu jua slo ma̱ chaca quiya', cha' caca cuayá' ti' ma̱ cha' ná ntsu'u qui'ya ji'i̱ yu cuentya jna'.

SAN JUAN 3:1

Ntsu'u sca ngu' cusu' ji'i̱ ngu' judío nu naa Nicodemo, ngu' fariseo laca. Lo'o ngu' fariseo ni, tacati tsa ndu'ni ycui' ngu', nti' ngu'.

SAN JUAN 7:26

Lo'o juani ña'a̱ ma̱ ñi'ya̱ nu ndyu'ni yu jua, ndu̱ yu nchcui' yu su ndi'i̱ lcaa ñati̱. Ná nchca ji'i̱ ngu' tsiya' ti cua'a ngu' ji'i̱ yu cha' nga'aa chcui' yu ―nacui̱ ngu' ji'i̱ tya'a ngu'―. ¿Ha ngujui cha' ji'i̱ nu laca loo ji'na lacua, cha' nu jua laca Cristo, nu ñati̱ tlyu nu cua ca̱a̱ ti?

SAN JUAN 7:48

Ná ntsu'u ni sca ñati̱ nu laca loo ji'na nu ngusñi cha' ji'i̱ yu bi'. Ni ngu' fariseo cua, ná jlya ti' ya cha' nu nchcui' yu ―nacui̱ ngu'―.

LOS HECHOS 13:27

Ná ngua cuayá' ti' ngu' quichi̱ Jerusalén tilaca laca Jesús, lo'o jua'a̱ ná ngua cuayá' ti' ngu' nu laca loo ji'i̱ quichi̱ bi' tilaca laca yu. Ná nda ngu' cuentya ñi'ya̱ ndyu'u cha' nu nguscua jyo'o cusu' nu ngua tu'ba ji'i̱ ycui' Ndyosi sa'ni; masi ndyuna ngu' lo'o ndya'a̱ nchcui' ngu' lo quityi bi' ne' laa lcaa tsa̱ nu ndi'i̱ cña' ngu', ná nda ngu' cuentya si cha' ji'i̱ ycui' Jesús nchcui' quityi bi'. Bi' cha' cuxi tsa cña ngua'ni ngu' lo'o Jesús nu lo'o ngusta ngu' qui'ya ji'i̱ yu. La cui' tya'a cña nu nguscua jyo'o cusu' lo quityi cha' cua'ni ngu' lo'o yu, cua ngua'ni ngu' li'.

LOS HECHOS 3:17

’Cu'ma̱ ngu' tya'a quichi̱ tyi na, jlo ti' na' cha' ná ngua tii ma̱ tilaca ngua Jesús nu lo'o ngüijña ma̱ chacuayá' cha' cujuii sendaru ji'i̱ yu. Lo'o jua'a̱ nu ngu' nu laca loo ji'i̱ ma̱, ná ngua tii ngu' na laca nu ngua'ni ngu', si cha' tso'o, si cha' cuxi ngua'ni ngu' li'.

LOS HECHOS 4:5

Ca chaca tsa̱ ndyu'u ti'i̱ ngu' nu laca loo ji'i̱ ngu' quichi̱ Jerusalén, lo'o ngu' cusu' ji'i̱ quichi̱, lo'o ñati̱ nu nclu'u cha' jo'ó ji'i̱ ngu' ne' laa.

LOS HECHOS 4:8

Li' tso'o tsa nguxtyucua Xtyi'i ycui' Ndyosi ji'i̱ Pedro, bi' cha' ngua ji'i̱ yu nguxacui̱ yu cha' ji'i̱ ngu' nu laca loo, jua'a̱ ji'i̱ ngu' cusu' bi': ―Cu'ma̱ ngu' cusu' nu laca loo ji'i̱ ya ―nacui̱ Pedro ji'i̱ ngu'―,