SAN LUCAS 22:8 - Chatino Tataltepec

⁸ Li' ngulo Jesús cña ji'i̱ Juan lo'o ji'i̱ Pedro: ―Yaa clya ma̱ cha' cua'ni cho'o ma̱ si̱i̱ nu cacu na cuentya ji'i̱ ta'a pascua ―nacui̱ yu ji'i̱ ngu' bi'.

SAN LUCAS 22:8 ပူးပေါင်းရင်းမြစ်များ

SAN MATEO 3:15

Li' nchcui' Jesús lo'o yu: ―Tso'o tyucuatya nu'u̱ jna' juani ―nacui̱ Jesús ji'i̱ Juan―, cha' jua'a̱ tso'o si cua'ni na lcaa cña nu nti' ycui' Ndyosi cha' cua'ni na. Lo'o ndyuna Juan cha' nu nchcui' Jesús lo'o, ntyucuatya yu ji'i̱ Jesús li'.

SAN LUCAS 1:6

Liñi tsa ndu'ni tyucuaa ngu' bi' cuentya ji'i̱ ycui' Ndyosi, ndaquiya' ngu' lcaa cña ji'i̱ ycui' Ni; ndaquiya' tsa ngu' lcaa cha' nu cua nda Ni lo'o ñati̱ cua sa'ni la, jua'a̱ ná tucui nchcui' cha' cuxi ji'i̱ ngu' bi'.

SAN LUCAS 22:9

Li' nchcuane ngu' bi' ji'i̱ yu: ―¿Macala nti' nu'u̱ cha' cua'ni cho'o ya si̱i̱ bi'?

LOS HECHOS 3:1

Ngua sca tsa̱ ndyaa Pedro lo'o Juan ne' laa tonu. Hora cua sna nde ngusi̱i̱ ngua, bi' hora laca nu nchcui' ngu' loyuu bi' lo'o ycui' Ndyosi.

LOS HECHOS 3:11

Ndu̱ Pedro lo'o Juan to' laa tonu su nacui̱ ngu' “Corredor ji'i̱ Salomón” li'. Lo'o nu qui'yu nu ngua tso'o quiya' bi' ni, ndu̱ yu lo'o ngu'; ña'a̱ ti nga'a̱ yu ngusñi yu ya' ngu' bi'. Li' quiña'a̱ tsa ngu' quichi̱ ngusna lijya̱ slo ngu' bi', cha' ndube tsa ti' nu ngu' quiña'a̱ bi' ñi'ya̱ nu ngua, cha' ngua tso'o quiya' yu quicha bi' li'.

LOS HECHOS 3:3

Cua na'a̱ nu quicha bi' ji'i̱ Pedro lo'o ji'i̱ Juan, lijya̱ ngu' cha' tsaa ngu' ne' laa, ngüijña yu msta̱ ji'i̱ ngu' bi' li'.

LOS HECHOS 4:13

Ndyuna ngu' cha' nu nchcui' Pedro, cuati ña'a̱ tsa ngu' ji'i̱ Pedro lo'o Juan: ―¿Ni cha' laca ná ntsi̱i̱ ngu' re nchcui' ngu' lo'o na? ―nacui̱ ngu'―. Si'i ñati̱ tlyu laca ngu', si'i ñati̱ nu ngua tsa'a̱ quityi laca ngu' re. Li' ngua tii ngu' cusu' cha' cua nguta'a̱ ngu' lo'o Jesús.

LOS HECHOS 4:19

Nguxacui̱ Pedro lo'o Juan cha' ji'i̱ nu ngu' cusu' bi' li': ―Ná cube tsa ti' cu'ma̱, ngu' cusu' ―nacui̱ ngu' ji'i̱ ngu' bi'―. ¿Ha ntsu'u cha' cua'ni ya cña nu culo cu'ma̱ ji'i̱ ya? ¿Ha ná tso'o la nti' cu'ma̱ cha' cua'ni ya cña nu ngulo ycui' Ndyosi ji'i̱ ya?

LOS HECHOS 8:14

Li' ndyuna ngu' nu ngua tsa'a̱ ji'i̱ Jesucristo nu ndyanu ca Jerusalén cha' lo'o ngu' Samaria bi', cua ngusñi ngu' cha' ji'i̱ ycui' Ndyosi. Cuati ngulo ngu' bi' cña ji'i̱ Pedro lo'o Juan cha' tsaa ngu' ca loyuu su cuentya Samaria bi'.

GÁLATAS 2:9

Bi' cha' ngutucuá ngu' cña 'na, nu Jacobo lo'o Pedro lo'o Juan bi', la cui' ngu' nu laca loo ji'i̱ ngu' tya'a ngusñi na cha' ji'i̱ Cristo. Stu'ba ti nchcui' ngu' bi', cha' tso'o tsa ngua'ni ycui' Ndyosi lo'o na' nu lo'o nda Ni cña bi' 'na. Li' ngusñi ya' tya'a ya lo'o ngu' bi', na' lo'o Bernabé, cha' caca cuayá' ti' ya cha' tso'o ti nti' ngu' ña'a̱ ngu' ji'i̱ ya, cha' stu'ba ntsu'u cha' ji'i̱ ngu' lo'o ya, cha' tya tsaa la ya quichi̱ tyi ngu' xa' tsu'. Tyanu ycui' ngu' bi' ca su ndi'i̱ tya'a ya, nu ngu' judío bi' li'.