SAN LUCAS 22:61 - Chatino Tataltepec

⁶¹ Li' nguxtyacui loo Jesús su ndu̱ ne' ni'i̱, cha' ña'a̱ ji'i̱ Pedro. Hora ti ndyi'u ti' Pedro cha' nu cua nchcui' Jesús lo'o yu tya tsa̱ la. Ndi'ya̱ ngua cha' bi': “Nu lo'o tya lyiji xi'ya ndye'e talya juani, li' sna quiya' ñacui̱ nu'u̱ cha' ná nslo nu'u̱ 'na”, nacui̱ Jesús tya li'.

SAN LUCAS 22:61 ပူးပေါင်းရင်းမြစ်များ

SAN MATEO 26:34

Li' nguxacui̱ Jesús cha' ji'i̱ Pedro bi': ―Cha' liñi cacha' na' jinu'u̱ juani ―nacui̱―, cha' nu lo'o bilya xi'ya ndye'e talya ndyi, sna quiya' chcui' nu'u̱ cha' ná nslo nu'u̱ 'na; jua'a̱ ñacui̱ nu'u̱ ji'i̱ ngu'.

SAN MATEO 26:75

Lo'o li' ndyi'u ti' Pedro cha' nu nchcui' Jesús lo'o yu tya tsa̱ la, nu lo'o ndi'ya̱ nacui̱ Jesús ji'i̱ yu: “Nu lo'o bilya xi'ya ndye'e talya juani, sna quiya' chcui' nu'u̱ lo'o ñati̱ cha' ná nslo nu'u̱ 'na”. Jua'a̱ nacui̱ Jesús tsa̱ la, bi' cha' ndu'u Pedro ndyaa yu li'; nxi'ya tsa yu ndyaa yu cha' xñi'i̱ tsa ti' yu li'.

SAN MARCOS 5:30

Pana hora ti ngua tii Jesús cha' cua ngua'ni yu jo'o ji'i̱ sca ñati̱, masi ná na'a̱ yu ji'i̱ nu quicha bi'. Li' nguxña'a̱ yu ji'i̱ nu ñati̱ quiña'a̱ nu lijya̱ nde chu̱' yu. ―¿Tilaca ndyala' ste' na'? ―nacui̱ yu ji'i̱ ngu'.

SAN LUCAS 10:41

Li' nguxacui̱ Jesús cha' ji'i̱ Marta: ―Marta, Marta, ntsu'u tsa cña jinu'u̱ ―nacui̱ Jesús―. Quiña'a̱ tsa nclyacua ti' nu'u̱ xqui'ya lcaa cña sube nu ntsu'u jinu'u̱.

SAN LUCAS 22:34

―Ndi'ya̱ nchcui' na' lo'o nu'u̱ juani, Pedro ―nacui̱ Jesús ji'i̱―, cha' nu lo'o tya lyiji xi'ya ndye'e talya juani, li' sna quiya' ñacui̱ nu'u̱ cha' ná nslo nu'u̱ 'na.

SAN LUCAS 22:60

―Chocue ―nacui̱ Pedro li'―, ná jlo ti' na' ni cha' nchcui' nu'u̱. La cui' hora nu lo'o tya ndu̱ Pedro nchcui', li' ngusi'ya sca ndye'e.

SAN LUCAS 22:62

Li' ndu'u Pedro nde liya', lye tsa ndyunaa yu cha' ngua xñi'i̱ tsa ti' yu.

SAN LUCAS 7:13

Lo'o na'a̱ Jesús nu Xu'na na ji'i̱ jyo'o bi', ngua tya'na ti' yu ji'i̱ nu cuna'a̱ ti'i xtya'a̱ jyo'o bi'. Li' nchcui' yu lo'o ma': ―Ná xi'ya nu'u̱ ―nacui̱.

SAN LUCAS 7:19

Li' ngusi'ya Juan ji'i̱ tucua tya'a ngu' tya'a ndya'a̱ yu bi'. Ngulo yu cña ji'i̱ ngu' cha' tsaa ngu', tsaa xcuane ngu' ji'i̱ Jesús si chañi cha' ycui' yu laca yu Cristo, nu ñati̱ tlyu nu cua ca̱a̱ ti; si tya ntsu'u cha' jatya la xi ngu' ña'a̱ cuayá' nu ca̱a̱ chaca ñati̱ nu cua tlyu la.

SAN JUAN 13:38

―¿Ha chañi hi̱ cha' tyaja'a̱ nu'u̱ cajaa cha' clyaá na'? ―nacui̱ Jesús ji'i̱―. Liñi tsa cha' nu ta na' lo'o nu'u̱ juani: Lo'o tya lyiji ti xi'ya ndye'e nde tlya, sna quiya' xacui̱ nu'u̱ cha' ji'i̱ ngu' cha' ná nslo nu'u̱ 'na.

LOS HECHOS 5:31

Nchca ji'i̱ Jesús bi' cuityi̱ yu cha' cuxi nu ntsu'u ji'i̱ ñati̱ chalyuu. Ycui' Jesús laca nu Xu'na na, bi' cha' la'a tsu' cui̱ ca su ntucua Ni nda ycui' Ndyosi su tyi'i̱ Jesús. Ngua'ni Ni jua'a̱ cha' caja ñi'ya caca tyuju'u ti' na nu laca na ngu' Israel ji'i̱ qui'ya nu ntsu'u ji'na, lo'o jua'a̱ cui'ya Ni cha' clyu ti' ji'na li'.

EFESIOS 2:11

Cu'ma̱ tya'a ngusñi na cha' ji'i̱ Cristo, tyi'u ti' ma̱ ñi'ya̱ ngua ji'i̱ ma̱ tya tsubi' la; xa' lo ñati̱ laca ma̱ tyempo bi', xa' quichi̱ tyijyu' la ngula ma̱, ná stu'ba tsiya' ti cha' ji'i̱ ma̱ lo'o ngu' judío tya'a na' nu ngua li'. Ndu'ni ngu' judío ji'i̱ ma̱ cha' laca ma̱ ñati̱ nu ná ngulacua̱ Ni ji'i̱; pana ycui' ngu' judío ni, cua ngulacua̱ Ni ji'i̱ ngu', nacui̱ ngu'. Nu ngulacua̱ ngu' bi' ni, bi' laca sca cuayá' su nsi'yu ngu' judío quiji̱ ngu' qui'yu sñi' ngu'.

APOCALIPSIS 2:5

Bi' cha' juani cua'ni clya ma̱ cha' tyi'u ti' ma̱ ñi'ya̱ nu tso'o tsa ntsu'u tyiquee ma̱ ña'a̱ ma̱ jna', nu lo'o ngusñi ma̱ cha' 'na tya clyo; lo'o juani ña'a̱ ti nga'a̱ cha' cua'ni ma̱ la cui' cha' tso'o bi' chaca quiya'. Si ná tyaja'a̱ ma̱ cua'ni ma̱ jua'a̱, li' ca̱a̱ na' ca̱qui'ya̱ ji'i̱ candyeru ji'i̱ ma̱ ca su ntucua bi', tyalo'o na' ji'i̱, nacui̱ Ni.