SAN LUCAS 22:55 - Chatino Tataltepec

⁵⁵ Ca bi' nguxtyu'u ngu' xi quii' cla'be la su laja to' ni'i̱, lo'o li' ndyu'u ti'i̱ ngu' to' lquii' bi'; lo'o Pedro ndyaca'a̱ laja ngu'.

SAN LUCAS 22:55 ပူးပေါင်းရင်းမြစ်များ

SAN MATEO 26:3

La cui' tyempo nu nchcui' Jesús, li' ndyu'u ti'i̱ tyu̱u̱ tya'a sti jo'ó nu laca loo lo'o mstru cha' jo'ó lo'o ngu' cusu' ji'i̱ ngu' judío; ndyu'u ti'i̱ ngu' slo Caifás nu laca xu'na lcaa sti jo'ó jua.

SAN LUCAS 22:44

Nu lo'o lye tsa nchcube' Jesús, li' lye la nchcui' yu lo'o ycui' Ndyosi. Lo'o li' ntyucua jatá Jesús, ndyalú nchcua' lo yuu; ñi'ya̱ si nchcua' tañi ycui', jua'a̱ ña'a̱.

SAN LUCAS 22:56

Li' na'a̱ sca nu cuna'a̱ cua' ji'i̱ ngu' cha' lo'o Pedro nga'a̱ to' lquii' bi'. Ña'a̱ tsa nu cuna'a̱ bi' ji'i̱ yu, li' nchcui' lo'o ngu': ―Lo'o nu qui'yu re ndya'a̱ lo'o nu Jesús bi' ―nacui̱ ji'i̱ ngu'.

1 CORINTIOS 15:33

Chañi tsa laca cha' nu nchcui' ñati̱ ndi'ya̱: “Si xcui' lo'o ñati̱ cuxi ndya'a̱ na, xtyanu na ji'i̱ cha' tso'o nu ndu'ni na li'”. Ná tucuá ma̱ cha' ji'i̱ ñati̱ nu ñacui̱ cha' ná caca cuxi tyiquee na lo'o ndu'ni na cha' cuxi.