SAN LUCAS 22:52 - Chatino Tataltepec

⁵² Lo'o ti nchcui' Jesús lo'o ngu' sti jo'ó nu laca loo, lo'o ngu' nu laca cña ne' laa, jua'a̱ lo'o ngu' cusu' ji'i̱ quichi̱, lcaa ngu' nu ñaa cha' tyaa lo'o ngu' ji'i̱: ―¿Ha na ndu'u cu'ma̱ lijya̱ ma̱ lo'o maxtyi ji'i̱ ma̱, lo'o yaca ji'i̱ ma̱, cha' quiji'i̱ yaca ma̱ 'na ñi'ya̱ nu ntyiji'i̱ na ji'i̱ sca cuaana?

SAN LUCAS 22:52 ပူးပေါင်းရင်းမြစ်များ

SAN MATEO 26:47

Laja lo'o nchcui' Jesús jua'a̱, li' ndyalaa Judas slo. La cui' tya'a ngu' nu ndyaca tsa'a̱ ji'i̱ Jesús laca nu Judas bi'. Lo'o jua'a̱ quiña'a̱ tsa xa' la ñati̱ lijya̱ lo'o yu, nu ntsu'u maxtyi cusu̱u̱ ya', nu ntsu'u yaca ya'; lijya̱ ngu' tyaala bi' cña nu ngulo sti jo'ó nu laca loo, la cui' jua'a̱ cña nu ngulo lcaa ngu' cusu' nu laca loo lijya̱ ngu'.

SAN MATEO 26:55

Li' nchcui' Jesús lo'o nu taju ñati̱ tyaala nu ñaa cha' xñi ngu' ji'i̱: ―¿Ni cha' lijya̱ ma̱ lo'o maxtyi cusu̱u̱ lo'o yaca ntsu'u ya' ma̱, cha' xñi ma̱ 'na? ―nacui̱ Jesús ji'i̱ ngu'―. ¿Ha sca nu cuaana laca na' lacua? Tyu̱u̱ tsa tsa̱ ngua'a̱ na' ne' laa tonu ji'i̱ ma̱, ngulu'u na' cha' ji'i̱ ycui' Ndyosi ji'i̱ ñati̱, lo'o ná ngusñi ma̱ 'na li'.

SAN LUCAS 22:37

Jua'a̱ cha' nchcui' na' lo'o ma̱ cha' nga'a̱ cha' tyu'u tucua cha' cuxi nu nchcui' quityi cusu' cha' caca 'na. Ndi'ya̱ nscua cha': “Ñi'ya̱ nu ndu'ni ngu' lo'o ñati̱ cuxi, jua'a̱ cua'ni ngu' lo'o ycui' Cristo”. Lcaa cha' nu nscua cha' caca 'na, jua'a̱ caca 'na tu'ni ―nacui̱ Jesús ji'i̱ ngu'.

SAN LUCAS 22:4

Bi' laca nu ndyaa, ndyaa na'a̱ ji'i̱ ngu' sti jo'ó nu laca loo lo'o ji'i̱ ngu' nu laca cña ne' laa. Li' nchcui' yu lo'o ngu' bi' ñi'ya̱ nu cua'ni yu cha' tya yu ji'i̱ Jesús ya' policía, cha' tya̱a̱ lo'o ngu' ji'i̱ slo sti jo'ó bi'.

SAN LUCAS 22:51

Li' nacui̱ Jesús ji'i̱ ngu': ―Cuayá' tsa lo cua ti. Ta ti'i̱ ma̱ maxtyi ji'i̱ ma̱. Li' ngusta ya' Jesús lo scua' jyaca̱ msu bi', ngua tso'o ca scua' jyaca̱ yu li'.

SAN LUCAS 22:53

Lcaa tsa̱ lo'o nguti'i̱ na' lo'o cu'ma̱ ne' laa tonu bi', ni sca quiya' ná ngusacui̱ ya' cu'ma̱ 'na. Pana cua ngujui xi tyempo ji'i̱ ma̱ cha' cua'ni ma̱ cha' cuxi bi' juani, cha' cua nda nu xña'a̱ chacuayá' ji'i̱ ma̱; la cui' nu bi' laca loo ji'i̱ ma̱.

SAN JUAN 17:12

Lo'o tya ndi'i̱ na' lo'o ñati̱ nu nda nu'u̱ 'na ―nacui̱ Jesús―, li' ndaca'a na' ji'i̱ ngu' bi' lo'o juersa ji'i̱ ycui' nu'u̱. Ná nda na' chacuayá' tyacua cha' cuxi ji'i̱ ngu'; ni tsaca ngu' bi', ná nguna' chalyuu ji'i̱ ngu'. Sca ti nu ñati̱ nu nguscua tya sa'ni la cha' chcuna' cha' ji'i̱, bi' laca nu ndye cha' ji'i̱ tsiya' ti, cha' nga'a̱ cha' caca lcaa cha' nu nguscua ngu' lo quityi cusu' cuentya jinu'u̱.

LOS HECHOS 5:26

Hora ti ndu'u nu laca loo ji'i̱ ngu' nu nga'a̱ cua̱ bi', ndyaa ndyiqui'ya ji'i̱ preso bi'. Lo'o nu ngu' policía nu nga'a̱ cua̱ ni, ndyaa ngu' lo'o. Ná ngulo policía juersa ji'i̱ ngu' lo'o ngusñi ngu' bi' ji'i̱ ngu', cha' ntsi̱i̱ policía ji'i̱ ngu' quichi̱, ñi'ya̱ si cu̱ ngu' quee ji'i̱ ycui' policía.