SAN LUCAS 22:43 - Chatino Tataltepec

⁴³ Li' ndu'u tucua sca xca̱ nu ngutu'u slo ycui' Ndyosi nde cua̱, cha' ta la juersa ji'i̱ Jesús.

SAN LUCAS 22:43 ပူးပေါင်းရင်းမြစ်များ

SAN MATEO 26:53

¿Ha ná jlo ti' nu'u̱ cha' si jña na' ji'i̱ Sti na', hora ti culo ycui' Ni cña cha' ca̱a̱ tii tyucuaa tya'a taju xca̱ ji'i̱ Ni, cha' xtyucua xca̱ bi' 'na?

SAN MATEO 4:11

Li' ndu'u xu'na cuiñaja ndyaa. Li' ndu'u tucua xca̱ ji'i̱ ycui' Ndyosi cha' xtyucua ngu' ji'i̱ Jesús, cha' ta ngu' xi juersa ji'i̱ yu.

SAN MATEO 4:6

―¿Ha chañi cha' nu sca ti Sñi' ycui' Ndyosi laca nu'u̱? ―nacui̱ nu xña'a̱ ji'i̱ Jesús―. Tso'o si tyú nu'u̱ ca lo yuu lacua, cha' cua nscua sca cha' lo quityi ji'i̱ ycui' Ndyosi ndi'ya̱: Culo ycui' Ndyosi cña ji'i̱ xca̱ ji'i̱ Ni cha' ña'a̱si̱i̱ ngu' jinu'u̱, nacui̱ quityi. Lo'o jua'a̱ nscua chaca cha': Lo'o ya' ti xca̱ ji'i̱ Ni xatu̱ ngu' jinu'u̱, cha' ná ca quicha quiya' nu'u̱ su tyú nu'u̱ chu̱' quee. Jua'a̱ nscua lo quityi ―nacui̱ nu xña'a̱.

SAN LUCAS 22:32

Pana cua ngüijña na' ji'i̱ ycui' Ndyosi Sti na' cha' jinu'u̱ Pedro, cha' ná tye cha' jlya ti' nu'u̱ 'na. Lo'o cua nteje tacui cha' cuxi bi' hi̱, nu lo'o xa' chcui' nu'u̱ cha' 'na, li' taca xtyucua nu'u̱ ji'i̱ xa' la tya'a ma̱ cha' tso'o la xñi ngu' cha' 'na.

LOS HECHOS 14:22

Ca ta'a quichi̱ su ndyaa ngu' bi', nchcui' ngu' lo'o ñati̱ ji'i̱ Jesucristo cha' tso'o la tyatí̱ tyiquee ngu' lo cha' ji'i̱ Jesús, cha' tlyu cua'ni tyiquee ngu', cha' ná cutsi̱i̱ ngu' tsiya' ti. ―Cua'ni lya' ti' ngu' ji'na tu'ni ―nacui̱ Pablo lo'o Bernabé ji'i̱ ngu'―, lo'o jua'a̱ xcube' ngu' ji'na; pana lo'o cua nteje tacui cha' bi', li' tsaa na tyi'i̱ na su laca ycui' Ndyosi loo.

LOS HECHOS 18:23

Ndyanu yu sca tucua co' ca quichi̱ bi', li' ndu'u yu ndyaa yu chaca quiya' cha' tsaa yu ca slo lcaa taju ñati̱ ji'i̱ Jesucristo nu ndi'i̱ ca loyuu su cuentya Galacia, su cuentya Frigia. Nchcui' yu lo'o ngu' cha' tyanu tachaa la cha' ji'i̱ Jesucristo tyiquee ngu'.

1 TIMOTEO 3:16

Chañi cha' tlyu tsa cha' tso'o ji'i̱ Jesucristo nu ngusñi na. Ndi'ya̱ nchcui' cha' bi': Nu ngua sa'ni la ni, ni sca ñati̱ ná ngua cuayá' ti' ñi'ya̱ cua'ni lyaá ycui' Ndyosi ji'i̱ ngu'; pana nu juani jlo ti' na, xqui'ya cha' ngula Jesucristo chalyuu, cha' ngua ycui' Ni sca ñati̱. Lo'o jua'a̱ nchcui' Xtyi'i ycui' Ni cha' ji'i̱ yu, cha' sca ñati̱ nu lubii tsa laca yu; cua na'a̱ xca̱ ji'i̱ ycui' Ndyosi ji'i̱ Jesús, nu ñati̱ lubii bi'. Li' nclyu'u ngu' cha' ji'i̱ Jesucristo bi' ji'i̱ ñati̱ ca quiña'a̱ tsa quichi̱ tyucui ña'a̱ chalyuu; ngusñi ñati̱ lcaa quichi̱ cha' nu nchcui' ngu' ji'i̱ Ni li'. Cua ndyaa Jesús ca slo ycui' Ndyosi Sti na nde cua̱, lo'o juani tlyu tsa laca Jesús cajua.

HEBREOS 1:14

Lcaa nu laca xca̱ ji'i̱ ycui' Ndyosi nde cua̱ ni, lcaa tsa̱ ndu'ni bi' cña nu nclyo ycui' Ndyosi ji'i̱; cui'i̱ nu tso'o tsa laca nu ngu' xca̱ bi'. Nda Ni ji'i̱ ngu' xca̱ bi' ca̱a̱ nde chalyuu, cha' xtyucua ngu' ji'i̱ ca ta'a ñati̱ nu cua clyaá ti ji'i̱ nu cuxi xqui'ya Jesús, cha' cua ngulala ti tye chalyuu.

HEBREOS 1:6

Tya clyo lo'o cua ta ti ycui' Ndyosi ji'i̱ Sñi' ycui' ca Ni cha' ca̱a̱ yu chalyuu, li' nacui̱ Ni: Lcaa xca̱ nu ntsu'u cuentya jna' nde cua̱, nga'a̱ cha' cua'ni tlyu ngu' xca̱ bi' ji'i̱ Sñi' na'.

HEBREOS 2:17

Bi' cha' lacua, stu'ba ti ntsu'u cha' ji'i̱ Jesús lo'o ñati̱ ji'i̱ ycui' nde chalyuu. Ngujuii yu lo crusi cuentya ji'na, lo'o juani ntucua yu ca slo ycui' Ndyosi cha' chcui' yu lo'o Ni, cha' cuityi̱ Ni qui'ya nu ntsu'u ji'na. Juani laca Jesús ñi'ya̱ laca sca sti jo'ó nu laca loo la nu ndyi'u tsa ti' ji'na, nu jua'a̱ tso'o tsa ndu'ni tya'na ti' ji'na.