SAN LUCAS 22:39 - Chatino Tataltepec

³⁹ Li' ndu'u Jesús ndyaa yu ca lo ca'ya Olivos, ñi'ya̱ nu ndu'ni ti yu. Lo'o nu ngu' nu ndyaca tsa'a̱ ji'i̱ bi', ndu'u lca'a̱ ngu' ji'i̱ yu li'.

SAN LUCAS 22:39 ပူးပေါင်းရင်းမြစ်များ

SAN MATEO 21:1

Cua ngulala ti tyalaa ngu' quichi̱ Jerusalén. Cua tyeje tacui ti ngu' sca quichi̱ sube ti su naa Betfagé, sii' ca'ya Olivos ndi'i̱ quichi̱ bi'. Li' ngulo Jesús cña ji'i̱ tucua tya'a ngu' nu ndyaca tsa'a̱ ji'i̱:

SAN MATEO 26:30

Lo'o ndyula tu'ba ngu' sca ji̱i̱ ji'i̱ ycui' Ndyosi, li' ndu'u ngu' ndyaa ngu' nde ca'ya Olivos.

SAN MARCOS 11:11

Li' ndyalaa ngu' bi' lo'o Jesús to' quichi̱ Jerusalén, ndyatí̱ ngu' to' lo'o ji'i̱ quichi̱ bi'. Hora ti ndyaa na'a̱ Jesús ne' laa tonu cajua li'. Na'a̱ yu ji'i̱ lcaa lo na nu ntucua cajua, lo'o li' nguxtyu̱u̱ yu ñaa yu nde quichi̱ Betania chaca quiya' lo'o nu tii tyucuaa tya'a ngu' nu ndyaca tsa'a̱ ji'i̱, cha' ngusi̱i̱ tsa li'.

SAN MARCOS 11:19

Lo'o cua ngusi̱i̱ tsa, li' ñaa Jesús lo'o nu ngu' nu ndyaca tsa'a̱ ji'i̱. Ná ndyanu ngu' nde quichi̱ tlyu bi' talya.

SAN MARCOS 13:3

Lo'o ndu'u ngu' ndyaa ngu' nde lo xlya ca'ya Olivos, ngua'a̱ ngu' xi su tyaca̱' tso'o laa tonu bi'. Nga'a̱ Jesús lo'o Pedro lo'o Jacobo lo'o Juan lo'o Andrés, cuaana ti nchcuane ngu' bi' ji'i̱ yu li':

SAN MARCOS 14:26

Lo'o ndyula tu'ba ngu' sca ji̱i̱ ji'i̱ ycui' Ndyosi, li' ndu'u ngu' ndyaa ngu' nde ca'ya Olivos.

SAN LUCAS 21:37

Lcaa tsa̱ ndacua̱ ndya'a̱ Jesús nclyu'u yu ji'i̱ ngu' ne' laa tonu ca quichi̱ Jerusalén bi'; lcaa talya ndyu'u yu ndyaa yu ndi'i̱ yu nde lo ca'ya nu ntucua cacua ti, nu naa ca'ya Olivos.