SAN LUCAS 22:30 - Chatino Tataltepec

³⁰ Nga'a̱ cha' stu'ba ti cacu ma̱ co'o ma̱ lo'o na' ca su tlyu bi' su tyucua na'; nga'a̱ cha' stu'ba ti tyi'i̱ ma̱ lo'o na' nu lo'o cua'ni cuayá' na' ji'i̱ lcaa ñati̱; lo'o jua'a̱ cua'ni cuayá' ma̱ ji'i̱ tya'a ñati̱ ma̱, nu tii tyucuaa tya'a taju ngu' Israel tya'a na.

SAN LUCAS 22:30 ပူးပေါင်းရင်းမြစ်များ

SAN MATEO 19:28

―Cha' liñi nchcui' na' lo'o ma̱ juani ―nacui̱ Jesús ji'i̱ ngu'―, cha' nu lo'o caca chalyuu cucui bi' ni, li' ca̱a̱ na' nu cua nda Ni 'na lijya̱a̱ cha' caca na' ñati̱; tsaa tucua na' ca su tso'o tsa ña'a̱ ca bi', cha' cua'ni cuayá' na' ji'i̱ lcaa ñati̱ chalyuu li'. Lo'o cu'ma̱ nu ndya'a̱ ma̱ lo'o na', tiya' la tyucua ma̱ lo tii tyucuaa tya'a yaca nu tso'o tsa ña'a̱, cha' cua'ni cuayá' ma̱ ji'i̱ tya'a ñati̱ ma̱, nu tii tyucuaa tya'a taju ngu' Israel bi'.

SAN MATEO 5:3

―Tso'o ntsu'u tyiquee ñati̱ si jlo ti' cha' sca ti lo'o ycui' Ndyosi caca cua'ni ngu' cha' tso'o ―nacui̱ Jesús―. Caca ycui' Ndyosi loo ne' cresiya ji'i̱ ngu' bi', pana ná caca ji'i̱ ngu' si jua'a̱ ti ngu'.

SAN MATEO 8:11

Chañi cha' tiya' la tyalaa quiña'a̱ tsa ñati̱ tyijyu', masi ngu' loyuu su ntyucua cuichaa, masi ngu' loyuu su ndyaa cuichaa, tsaa ngu' cha' tyucua ngu' to' mesa ca su laca ycui' Ndyosi loo nde cua̱; stu'ba ti tsaa tucua ngu' to' mesa bi' lo'o jyo'o Abraham lo'o jyo'o Isaac lo'o jyo'o Jacob.

SAN LUCAS 12:37

Tso'o tsa caca ji'i̱ msu bi', si tya tii ngu' nu lo'o tyalaa xu'na ngu' cha' cua'ni clya ngu' cña ji'i̱ xu'na ngu'. Cha' liñi ta na' lo'o ma̱, cha' ndi'ya̱ ñacui̱ xu'na ni'i̱ bi' ji'i̱ ngu' msu ji'i̱: “Cua'a̱ clya ma̱ to' mesa”. Li' cua'ni cña ti' ycui' xu'na ngu' cha' xacu ji'i̱ ngu'.

SAN LUCAS 14:15

Tya ndi'i̱ ngu' to' mesa, ngua'a̱ jyaca̱ ngu' ji'i̱ cha' nu nda Jesús lo'o ngu'. Li' nguxacui̱ sca yu tya'a ntucua ngu' cha' ji'i̱ Jesús: ―Tso'o tsa caca ji'i̱ ñati̱ nu cacu scuaa ca su laca ycui' Ndyosi loo ―nacui̱ yu bi'.

2 TIMOTEO 2:12

Si talo na lo'o xcube' ngu' ji'na xqui'ya cha' ji'i̱ Ni, li' caja su tyi'i̱ na lo'o ycui' Jesús ca su laca Ni loo ca bi'. Si ñacui̱ na cha' ná ntsu'u cha' ji'na lo'o Jesucristo, jua'a̱ ycui' Ni, ñacui̱ Ni cha' ná ntsu'u cha' ji'i̱ Ni lo'o na.

SANTIAGO 1:1

Santiago laca na' nu nscua̱ quityi re cha' ca̱a̱ ca su ndi'i̱ cu'ma̱, ñati̱ ji'i̱ ycui' Ndyosi nu ndyaa ma̱ tyucui ña'a̱ chalyuu. Cña laca na' cuentya ji'i̱ ycui' Ndyosi, la cui' jua'a̱ laca na' cña ji'i̱ Jesucristo nu Xu'na na. Cua nti' na' chcui' na' xlyo ni'i̱ lo'o lcaa ma̱ lo'o tya'a ma̱.

APOCALIPSIS 19:9

Nchcui' nu xca̱ ji'i̱ ycui' Ndyosi bi' lo'o na' li': ―Scua clya nu'u̱ cha' re lo quityi ―nacui̱―: “Tso'o ntsu'u tyiquee ñati̱ nu nguane na' ji'i̱ cha' tsaa su caja clyo'o lo'o yu nu ngujuii lo crusi cuentya ji'i̱ ngu'”, nacui̱ Ni. La cui' cha' liñi nu nda ycui' Ndyosi lo'o ñati̱ laca cha' bi' ―nacui̱ xca̱ bi' jna'.

APOCALIPSIS 3:21

Cua ña'a̱ ca ñati̱ nu tyiji̱loo ji'i̱ nu xña'a̱ ña'a̱ cuayá' tye chalyuu, ta na' su tyucua ñati̱ bi' ca su ntucua na' cha' laca na loo; cha' jua'a̱ na', cua ntiji̱loo na' ji'i̱ nu xña'a̱ bi', lo'o juani nga'a̱ na' slo ycui' Sti na' su laca Ni loo.

APOCALIPSIS 4:4

Nde chu̱' la ntucua xa' la yaca xlya; lo yaca bi' ntyucua calaa ntucua jacua tya'a ngu' cusu', tsa lo scuii ti ntucua ngu' tyi'i̱ ca chu̱' su ntucua Ni. Lacu' ngu' bi' late' ngati̱, jua'a̱ ntucua sne' oro hique scaa ngu'.