SAN LUCAS 22:27 - Chatino Tataltepec

²⁷ ¿Tilaca laca nu ndulo la cha' ji'i̱ lacua? ¿Ha nu ntucua to' mesa cha' cacu? ¿Ha msu nu nxacu ji'i̱ yu? Chañi cha' yu nu ntucua to' mesa ni, bi' laca nu ndulo la cha' ji'i̱, cha' bi' laca xu'na ngu'. Pana nu na' ni, ñi'ya̱ si laca na' sca msu ji'i̱ ma̱, jua'a̱ ti ndi'i̱ na' laja cu'ma̱ ―nacui̱ Jesús―.

SAN LUCAS 22:27 ပူးပေါင်းရင်းမြစ်များ

SAN MATEO 20:28

Na' nu cua nda Ni 'na lijya̱a̱ cha' caca na' ñati̱, ná lijya̱ na' nde chalyuu cha' caja msu 'na; ycui' na' laca na' msu ji'i̱ ñati̱, bi' cha' lijya̱ na'. Na cua lijya̱ na' cha' cajaa na' cha' cati̱ qui'ya nu ntsu'u ji'i̱ ñati̱, cha' cua'ni lyaá na' ji'i̱ quiña'a̱ tsa ñati̱ li' ―nacui̱ Jesús ji'i̱ ngu'.

SAN LUCAS 12:37

Tso'o tsa caca ji'i̱ msu bi', si tya tii ngu' nu lo'o tyalaa xu'na ngu' cha' cua'ni clya ngu' cña ji'i̱ xu'na ngu'. Cha' liñi ta na' lo'o ma̱, cha' ndi'ya̱ ñacui̱ xu'na ni'i̱ bi' ji'i̱ ngu' msu ji'i̱: “Cua'a̱ clya ma̱ to' mesa”. Li' cua'ni cña ti' ycui' xu'na ngu' cha' xacu ji'i̱ ngu'.

2 CORINTIOS 8:9

Cua jlo ti' ma̱ ñi'ya̱ ndu'ni Jesucristo nu Xu'na na, cha' xcui' tso'o tsa ndu'ni Ni lo'o ñati̱. Lcaa na cua ntsu'u ji'i̱ Ni, pana cua ntaja'a̱ Ni ngua Ni sca ñati̱ ti, ñi'ya̱ nti' sca ñati̱ ti'i nu ná sca na ntsu'u ji'i̱ tsiya' ti. Xqui'ya cu'ma̱, bi' cha' ngua'ni Ni jua'a̱, cha' tiya' la li' taca caja lcaa na nu ntsu'u ji'i̱ ycui' Ni ji'i̱ ma̱.