SAN LUCAS 22:2 - Chatino Tataltepec

² Lo'o nu ngu' sti jo'ó nu laca loo lo'o mstru cha' jo'ó bi' ni, nclyana ngu' ñi'ya̱ caca cha' cujuii ngu' ji'i̱ Jesús, masi ntsi̱i̱ ngu' ji'i̱ ñati̱ quichi̱.

SAN LUCAS 22:2 ပူးပေါင်းရင်းမြစ်များ

SAN MATEO 12:14

Lo'o li' ngua ñasi̱' tsa nu ngu' fariseo bi' ji'i̱ yu, ndu'u ngu', ndyaa ngu'; ngua ti' ngu' si caja ñi'ya̱ caca cua'ni tye ngu' cha' ji'i̱ Jesús li'.

SAN MATEO 21:38

Pana na'a̱ ti ngu' bi' ji'i̱ sñi' nu culiya' bi', li' nchcui' ngu' lo'o tya'a̱ ngu': “Sñi' ycui' ndyalaa juani”, nacui̱ ngu' ji'i̱ tya'a ngu'. “Nu cua caca xu'na yaca si'yu re nde loo la, bi' cha' tso'o la si cujuii na ji'i̱ yu, cha' tyanu lo'o re cuentya ji'na”, nacui̱ ngu' bi'.

SAN MATEO 26:2

―Jlo ti' ma̱ cha' tucua ti tsa̱ lyiji cha' caca ta'a si̱i̱ ji'i̱ ta'a pascua, lo'o li' tejeya' ngu' xña'a̱ jna' nu cua nda Ni 'na lijya̱a̱ cha' caca na' ñati̱. Tyaa lo'o ngu' 'na cha' cujuii ngu' 'na lo crusi li'.

SAN MARCOS 14:1

Tya lyiji tya tyucuaa tsa̱ cha' caca ta'a pascua, li' ndyaca ta'a su ndacu ngu' xlyá nu ná ndya' lo'o scua̱ tiye'. Nclyana sti jo'ó nu laca loo, nclyana mstru cha' jo'ó, ñi'ya̱ nu cua'ni ngu' cha' caca tejeya' ngu' ji'i̱ Jesús cuaana ti, cha' cujuii ngu' ji'i̱.

SAN LUCAS 20:19

Lo'o li' lcaa sti jo'ó nu laca loo lo'o ngu' mstru cha' jo'ó, ngua ti' ngu' cha' xñi ngu' ji'i̱ Jesús cha' tyaa lo'o ngu' ji'i̱ preso la cui' hora bi'; cua ngua cuayá' ti' ngu' bi', cha' ji'i̱ ycui' ngu' nchcui' Jesús lo'o nchcui' yu cui̱i̱ bi'. Pana ntsi̱i̱ ngu' xi ji'i̱ ñati̱ quichi̱ bi'.

SAN JUAN 11:57

Ndube tsa ti' ngu' cha' lo'o nu ngu' sti jo'ó nu laca loo bi', lo'o ngu' fariseo, cua ngulo ngu' cña ji'i̱ lcaa ngu' quichi̱; nacui̱ sti jo'ó cha' lo'o caja cha' ji'i̱ ngu' macala ntsu'u Jesús, hora ti ntsu'u cha' cacha' ngu' ji'i̱ ngu' nu laca loo. Li' tsaa ngu' policía xñi ngu' ji'i̱ Jesús, nti' ngu' nu laca loo bi'.

LOS HECHOS 4:27

’Ñi'ya̱ nu cua nchcui' quityi jinu'u̱ nu nguscua jyo'o David sa'ni la bi' ―nacui̱ ngu' ji'i̱ ycui' Ndyosi Sti na―, jua'a̱ cua ndyu'u ti'i̱ ngu' nu laca loo ji'i̱ quichi̱ re cha' cua'ni cuxi ngu' lo'o Jesús Sñi' ycui' nu'u̱, masi xcui' lubii tsiya' ti cresiya ji'i̱ nu Jesús bi'; la cui' yu laca nu ngusubi nu'u̱ ji'i̱ ―nacui̱ ngu'―. Ndyu'u ti'i̱ Herodes lo'o Poncio Pilato, lo'o ngu' xa' loyuu, lo'o ngu' tya'a ya nde loyuu re. Li' ngua'ni ngu' lcaa cña nu nda nu'u̱ chacuayá' ji'i̱ ngu' bi' cha' cua'ni ngu'; ñi'ya̱ nu nda nu'u̱ cha' lo'o ngu' sa'ni, la cui' jua'a̱ ngua cha' yija̱ re ―nacui̱ ngu' ji'i̱ ycui' Ndyosi―.