SAN LUCAS 21:36 - Chatino Tataltepec

³⁶ Tii ti ti' ma̱ tyi'i̱ ma̱ chalyuu lacua. Lcaa tyempo chcui' ma̱ lo'o ycui' Ndyosi cha' xtyucua Ni ji'i̱ ma̱, cha' talo ma̱ lo'o caca cha' cuxi bi' chalyuu. Lo'o li' caja ñi'ya̱ nu tyalaa ma̱ su tyucua ycui' na' nu cua nda Ni 'na lijya̱a̱ cha' caca na' ñati̱, cha' cua'ni cuayá' na' ji'i̱ ma̱ ―nacui̱ Jesús ji'i̱ ngu'.

SAN LUCAS 21:36 ပူးပေါင်းရင်းမြစ်များ

SAN MATEO 24:42

’Bi' cha' cua'ni tii ti' ma̱, cha' ná jlo ti' ma̱ tsiya' ti ni tsa̱ laca nu ca̱a̱ ycui' nu Xu'na ma̱.

SAN MATEO 24:43

Ñi'ya̱ nti' sca xu'na ni'i̱ si cua ngua tii yu ni hora nde talya ca̱a̱ sca nu cuaana to' tyi yu. Ná tyiquee' cua tii ti ti' yu nga'a̱ yu ni'i̱ ji'i̱ yu li', cha' ná ta yu chacuayá' tsiya' ti tyatí̱ nu cuaana bi' ne' ni'i̱ ji'i̱ yu li'.

SAN MATEO 24:44

Lo'o jua'a̱ lcaa tsa̱ ntsu'u cha' tii ti' tyi'i̱ ma̱ chalyuu, cha' ná tyiquee' tsa tsiya' ca tyu'u tucua na' ca̱a̱ na' nu cua nda Ni 'na lijya̱a̱ cha' caca na' ñati̱. ¿Ñi'ya̱ cua'ni ma̱ si ná ndi'i̱ ma̱ tii ti ti' ma̱ li'?

SAN MATEO 25:13

Tya nchcui' la xi Jesús lo'o ngu' li': ―Bi' cha' tii ti ti' tyi'i̱ ma̱ lcaa hora, cha' ná jlo ti' ma̱ ni tsa̱ ni hora ca̱a̱ na' chaca quiya', na' nu cua nda Ni 'na lijya̱a̱ cha' caca na' ñati̱.

SAN MATEO 26:41

Tii ti ti' ma̱ tyi'i̱ ma̱ juani lacua, cha' chcui' ma̱ lo'o ycui' Ndyosi cha' ná tyiji̱loo nu cuiñaja ji'i̱ ma̱. Jlo ti' na' cha' tyucui tyiquee ma̱ ntaja'a̱ ma̱ cua'ni ma̱ cña re 'na, pana ná tyu'u scua juersa ji'i̱ ma̱, yala tsa ndyaja' ma̱.

SAN MATEO 8:20

Nguxacui̱ Jesús cha' ji'i̱ mstru bi' li': ―Nu naa cuatya' ni, ne' xtyuu ni' ndyu'ú ni'; lo'o jua'a̱ quiñi sube, ne' xlyati̱ ndyu'ú ni'. Pana na' ni, cua nda Ni 'na lijya̱a̱ chalyuu re cha' caca na' ñati̱, lo'o jua'a̱ ná ntsu'u su xtyii na' caja' na', ná ntsu'u su chca'a̱ cña' na'.

SAN MARCOS 13:33

’Tii ti ti' ma̱ tyi'i̱ ma̱, cua'ni yala ma̱ lo'o ntajatya ti ma̱ ji'i̱ ycui' Ni, cha' ná jlo ti' ma̱ ni jacua' caca tsa̱ bi'.

SAN MARCOS 13:37

Ndi'ya̱ nchcui' na' lo'o ma̱, jua'a̱ lo'o lcaa ñati̱: Tii ti ti' ma̱ tyi'i̱ ma̱ lacua.

SAN LUCAS 1:19

―Gabriel naa na' ―nacui̱ xca̱ ji'i̱ yu li'―. Na ndu̱ ti na' ca slo ycui' Ndyosi; bi' laca nu nda 'na lijya̱a̱ cha' chcui' na' lo'o nu'u̱, cha' ta na' cha' tso'o re lo'o nu'u̱.

SAN LUCAS 18:1

Ngulu'u Jesús ji'i̱ ngu' cha' lu'ba ti chcui' ngu' lo'o ycui' Ndyosi, cha' ná ca taja ti' ngu' tsiya' ti lo'o chcui' ngu' lo'o Ni. Ndi'ya̱ ndyu'u cui̱i̱ nu nda Jesús lo'o ngu' li':

SAN LUCAS 20:35

Pana ñati̱ nu caja chaca chalyuu nu ná nga'a̱ cha' tye ji'i̱ ngu' ca slo ycui' Ndyosi ni, nu lo'o tyu'ú ngu' bi' chaca quiya', nga'aa caja clyo'o ngu', ni nga'aa ta ngu' ji'i̱ sñi' ngu' cha' caca clyo'o ngu',

SAN LUCAS 21:35

jua'a̱ caca nu lo'o tyalaa tsa̱ bi' ca su ndi'i̱ lcaa ñati̱ lu'ú tyucui ña'a̱ chalyuu.

LOS HECHOS 10:2

Ndyu'ni tlyu nu Cornelio bi' ji'i̱ ycui' Ndyosi lo'o lcaa ngu' tya'a nga'a̱ ti yu, masi ngu' xa' tsu' laca yu. Tso'o tsa tyiquee yu, nxtyucua tsa yu ji'i̱ ngu' ti'i. Lcaa tsa̱ ntsu'u yu nchcui' yu lo'o ycui' Ndyosi.

1 CORINTIOS 16:13

Tii ti ti' ma̱ tyi'i̱ ma̱ chalyuu. Xñi tso'o ma̱ cha' ji'i̱ Jesús. Cua'ni tlyu tyiquee ma̱, ná cutsi̱i̱ ma̱.

2 CORINTIOS 4:14

Chañi jlya ti' ya cha' ngulo ycui' Ndyosi ji'i̱ Jesús nu Xu'na na ca su ntsiya yu nguatsi' yu, lo'o la cui' jua'a̱ ca̱qui'ya Ni ji'na, cha' stu'ba ti tyalaa na ca su ntucua ycui' Ni.

COLOSENSES 4:2

Lcaa cu'ma̱, ná ca taja ti' ma̱, lcaa tsa̱ chcui' ma̱ lo'o ycui' Ndyosi. Lo'o jua'a̱ tii ti ma̱ tyi'i̱ ma̱ lo'o chcui' ma̱ lo'o Ni, jua'a̱ ta ma̱ xlya'be ji'i̱ Ni lo'o chcui' ma̱ lo'o Ni.

1 TESALONICENSES 5:17

Tyucui tyempo chcui' ma̱ lo'o ycui' Ndyosi.

2 TIMOTEO 4:5

Lo'o nu'u̱ ni, culacua xi ti' nu'u̱ na laca nu tso'o la cha' cua'ni nu'u̱, cha' talo tyiquee nu'u̱ lo'o lya' tsa ti' ngu' jinu'u̱, cha' ña'a̱ ti chcui' nu'u̱ cha' tso'o ji'i̱ ycui' Ndyosi lo'o ñati̱, cha' tya cua'ni la nu'u̱ lcaa cña nu ntsu'u cha' cua'ni nu'u̱ cuentya ji'i̱ ycui' Ndyosi.

1 PEDRO 4:7

Cua tye ti cha' ji'i̱ lcaa na nu ntsu'u chalyuu; bi' cha' tso'o la si cua'a ma̱ ji'i̱ ycui' ca ma̱, tii ti ti' ma̱ tyi'i̱ ma̱ chalyuu cha' taca cua'ni ma̱ cña tso'o, cha' lu'ba ti taca chcui' ma̱ lo'o ycui' Ndyosi.

1 PEDRO 5:8

¡Tii ti ti' ma̱ tyi'i̱ ma̱ chalyuu! Ná caja' ma̱, cha' tya'a cusu̱u̱ ma̱ laca ycui' nu xña'a̱, lo'o jua'a̱ cacua tsa ndu̱ bi' slo ma̱. Ñi'ya̱ nti' sca cuichi nu tyaala tsa nu nclyana ji'i̱ sca ñati̱ cha' cacu ni', jua'a̱ nti' ndya'a̱ yu'u nu xña'a̱ bi' chalyuu.

1 JUAN 2:28

Nu juani ti, cu'ma̱ sñi' na', xñi tso'o ma̱ cha' ji'i̱ Jesucristo. Lo'o li', lo'o ca̱a̱ Jesucristo chalyuu chaca quiya', nga'aa ntsu'u cha' ca tyuju'u ti' na lo'o ña'a̱ na ji'i̱ Ni cha' ca̱a̱ Ni; tyucui tyiquee na tyacua tya'a na lo'o Ni li'.

JUDAS 1:24

Sca ti ycui' Ndyosi ntsu'u chalyuu. Taca cua'ni lyaá Ni ji'na xqui'ya Jesucristo nu Xu'na na; sca ti ycui' Ni nchca ji'i̱ Ni ña'a̱si̱i̱ Ni ji'na, laja lo'o ndya'a̱ na tyucui̱i̱ tso'o nu ngulu'u Ni ji'na. Xtyucua Ni ji'na cha' ná tyeje sna quiya' na, cha' ná tyu'utsu' na ji'i̱ tyucui̱i̱ bi', ña'a̱ cuayá' nu tyalaa na tso'o ti ca su ndubi tsa ña'a̱ xee, ca su ntucua ycui' Ndyosi. Lubii tsiya' ti caca cresiya ji'na lo'o cua ndyalaa na ca slo Ni, lo'o jua'a̱ caca chaa tsa ti' na li'. Bi' cha' juani cua'ni tlyu na ji'i̱ ycui' Ndyosi nu ntucua ca su tlyu nde cua̱, cha' sca ti ycui' Ndyosi ntsu'u nu tlyu tsa laca Ni; sca ti ycui' Ni laca Ni loo ji'i̱ lcaa lo na nu ntsu'u chalyuu, jua'a̱ sca ti ycui' Ni nchca ji'i̱ Ni cua'ni Ni lcaa lo cña tonu tsiya' ti. Lu'ú ycui' Ndyosi tya lo'o bilya tya' chalyuu, lo'o jua'a̱ lu'ú Ni juani; ná nga'a̱ cha' tye tyempo cha' lu'ú Ni ca nde loo la. Jua'a̱ laca cha' lacua.

APOCALIPSIS 11:4

Lo'o ndu̱ tyucuaa ñati̱ bi' chalyuu, ndu̱ ngu' cuentya ji'i̱ ycui' Ndyosi nu laca loo tyucui ña'a̱ chalyuu; nxtyucua tsa ycui' Ndyosi ji'i̱ ngu' bi', cha' chcui' ngu' lcaa cha' nu nti' ycui' Ni ta Ni lo'o ñati̱. Caca ngu' ñi'ya̱ laca tucua tya'a yaca si'yu olivo, lo'o jua'a̱ caca ngu' ñi'ya̱ laca tucua tya'a candyeru. (Tso'o tsa setye ndyu'u ji'i̱ si'yu olivo bi', cha' tyaqui̱ ne' candyeru.)

APOCALIPSIS 6:17

Cua ndyalaa tsa̱ cha' xcube' Ni ji'i̱ ñati̱, lo'o ná ndalo ngu' tsiya' ti ji'i̱ cha' bi'.

APOCALIPSIS 7:9

Tiya' la li' na'a̱ na' ndu̱ tsa tlyu ti ñati̱ nu cua ngua'ni lyaá Jesús ji'i̱; quiña'a̱ tsa ñati̱ nga'a̱, bi' cha' ná tucui ngua ji'i̱ culacua ji'i̱ ñati̱ bi'. Tyucui ña'a̱ chalyuu mala su ndi'i̱ ñati̱ ngutu'u ngu' ya̱a̱ ngu'; lcaa lo ñati̱ chalyuu ya̱a̱, cha' cua ña'a̱ ca quichi̱ tyi ngu' ngutu'u ngu', cua ña'a̱ ca lo cha'cña nu nchcui' ñati̱ chalyuu nchcui' ngu' bi'. Ndyatu̱ ngu' nde loo su ntucua yaca xlya tlyu, nde loo su ndu̱ nu ñi'ya̱ ña'a̱ xlya' bi'. Late' ngati̱ lacu' ngu', ntucua laca' nguiña ya' ngu' ndu̱ ngu'.

APOCALIPSIS 8:2

Cuati na'a̱ na' ji'i̱ tya tyacati tya'a xca̱ nu ndu̱ cña nde loo ycui' Ndyosi; cua nda ngu' cati tya'a cui'chcua̱ ji'i̱ ngu' xca̱ bi' cha' cula'á ngu'.