SAN LUCAS 21:28 - Chatino Tataltepec

²⁸ Nu lo'o xana caca cha' bi', li' cua'ni tlyu ma̱ tyiquee ma̱, taca ca chaa ti' ma̱ chaca quiya' cha' cua ngulala tsa clyaá ma̱ li' ―nacui̱ Jesús.

SAN LUCAS 21:28 ပူးပေါင်းရင်းမြစ်များ

SAN LUCAS 13:11

Ndacua nga'a̱ sca nu cuna'a̱ nu ngusñi cui'i̱ cuxi ji'i̱. Xqui'ya cui'i̱ bi' ngua quicha ma' ti'ñu xna yija̱; cua nchcu̱' hichu̱' ma' tsiya' ti, ña'a̱ cuayá' nu nga'aa ngua ji'i̱ ma' xquiñi ji'i̱ ycui' ma'.

SAN LUCAS 18:7

Pana tso'o tsa tyiquee ycui' Ndyosi, yala ti xtyucua Ni ji'i̱ ñati̱ nu cua ngusubi Ni ji'i̱, nu tya'na tsa nxi'ya ji'i̱ Ni tsa̱ lo'o talya. ¿Ha tiya' tsa xtyucua Ni ji'i̱ ngu' nti' ma̱?

SAN LUCAS 21:29

Lo'o jua'a̱ nda Jesús chaca cui̱i̱ re lo'o ngu' li': ―Ña'a̱ ma̱ xi ji'i̱ cua ña'a̱ ca yaca quityi, ña'a̱ ma̱ xi ji'i̱ yaca ntsati̱;

ROMANOS 8:19

Lcaa ca na lu'ú nu cua ngüiñá ycui' Ndyosi nde chalyuu ni, ntajatya tsa na bi' ji'i̱ ycui' Ndyosi, ni jacua' culu'u Ni ji'i̱ ñati̱ chalyuu tilaca nu chañi cha' laca ngu' sñi' ycui' Ni.

ROMANOS 8:23

La cui' jua'a̱ lo'o lcaa tya'a na nu ntsu'u Xtyi'i ycui' Ndyosi ji'na, nxi'ya na ndi'i̱ na cha' ntsu'u tsa cha' ti'í ji'na juani. Na cua nda Ni Xtyi'i ycui' Ni ji'na lo'o ndi'i̱ na nde chalyuu, sca cha' tso'o nu nda Ni ji'na yala la laca. Laja li' ntajatya tsa na ji'i̱ tsa̱ tlyu bi', cha' cua'ni lyaá lyiji Ni ji'na, cha' xcutsa'a̱ Ni ji'i̱ tyucui ña'a̱ na li'. Lo'o li' ta Ni su tyi'i̱ na slo Ni, cha' cua laca na sñi' ycui' Ni.

EFESIOS 1:14

Xtyi'i ycui' Ndyosi ni, bi' laca nu nda Ni ji'na yala la, cha' caca cuayá' ti' na cha' chañi cha' cua'ni Ni lo'o na ñi'ya̱ nu nacui̱ Ni cha' cua'ni Ni lo'o lcaa ñati̱ ji'i̱ Ni; ndyu'ni Xtyi'i ycui' Ni cha' taca ca cuayá' ti' na cha' tye cua'ni lyaá lyiji Ni ji'i̱ lcaa na nu ngusñi na cha' ji'i̱ Ni. ¡Bi' cha' ntsu'u cha' cua'ni tlyu na ji'i̱ ycui' Ni, cha' tlyu tsa cha' tso'o nu ndyu'ni Ni lo'o na!

EFESIOS 4:30

Ná cua'ni ma̱ cha' ca xñi'i̱ ti' Xtyi'i ycui' Ndyosi; nu Xtyi'i ycui' Ndyosi ni, ñi'ya̱ laca si cua ngusta Ni cuayá' nu ji'i̱ ycui' ca Ni hichu̱' na, cha' laca na ñati̱ ji'i̱ Ni, jua'a̱ laca bi'. Tyanu bi' lo'o na ña'a̱ cuayá' nu tye chalyuu ji'na, ña'a̱ cuayá' nu tyalaa tsa̱ nu cua'ni lyaá Ni ji'na.