SAN LUCAS 21:26 - Chatino Tataltepec

²⁶ Hasta tyucua ti ti'i̱ ñati̱, xqui'ya cha' cutsi̱i̱ tsa ngu' laja lo'o ntajatya ngu' si tya caca la cha' cuxi bi'; lye tsa culacua ti' ngu' na ca caca chalyuu. Lo'o jua'a̱ lye tsa quiña lcaa cuii nu ntsu'u nde cua̱.

SAN LUCAS 21:26 ပူးပေါင်းရင်းမြစ်များ

SAN MATEO 24:29

’Nu lo'o cua ndye tsa̱ nu nga'a̱ cha' chcube' ngu', li' yala ti caca talya ña'a̱ xee cuichaa, lo'o jua'a̱ nga'aa tyaca̱' xee co' li'. Tyalú cuii lo'o cualya nu ntsu'u nde cua̱ ca lo yuu, lo'o jua'a̱ xquiña Ni lcaa na nu ntsu'u nde cua̱.

SAN MARCOS 13:25

Tyalú cuii lo'o cualya nu ntsu'u nde cua̱ ca lo yuu li', lo'o jua'a̱ xquiña Ni ji'i̱ lcaa na nu ntsu'u nde cua̱.

SAN LUCAS 21:25

’Tyu'u tucua cuayá' nu tyaca̱' ña'a̱ ngu' lo cuichaa li', jua'a̱ lo co', la cui' jua'a̱ lo cualya nu ntsu'u nde cua̱. Lo'o li' lye tsa quichi̱ cha' hique ñati̱ chalyuu; cutsi̱i̱ tsa ngu' li', xqui'ya cha' lye tsa cañi ntyiji'i̱ clyoo' lo hitya tyujo'o.

SAN LUCAS 21:27

Li' ña'a̱ ngu' ji'i̱ ycui' na' nu cua nda Ni 'na lijya̱a̱ cha' caca na' ñati̱, ña'a̱ ngu' lo'o tya̱a̱ na' laja coo nu ndubi tsa ña'a̱. Tlyu tsa chacuayá' ngujui jna' cha' tya̱a̱ na' li'; jua'a̱ lye tsa quiji'i̱ xee loo na' lo'o ca̱a̱ na' li', nu lo'o caca na' loo.