SAN LUCAS 21:17 - Chatino Tataltepec

¹⁷ cha' tyucui ña'a̱ chalyuu ntsu'u quiña'a̱ tsa ngu' nu ti'í ti' ngu' ña'a̱ ngu' ji'i̱ ma̱ xqui'ya na'.

SAN LUCAS 21:17 ပူးပေါင်းရင်းမြစ်များ

SAN MATEO 10:22

Lo'o jua'a̱ caca ti'í ti' lcaa ngu' ña'a̱ ngu' ji'i̱ ma̱ xqui'ya na'. Pana ñati̱ nu talo ji'i̱ lcaa cha' cuxi bi', clyaá ngu' li', caja chalyuu nu ná nga'a̱ cha' tye ji'i̱ ngu' bi'.

SAN MATEO 24:9

’Nu lo'o xana cha' cuxi bi', tejeya' ngu' ji'i̱ ma̱ cha' xcube' ngu' ji'i̱ ma̱, hasta ña'a̱ cuayá' nu cujuii ngu' ji'i̱ ma̱, cha' ntsu'u ngu' tyucui ña'a̱ chalyuu nu caca ti'í ti' ngu' ña'a̱ ngu' ji'i̱ ma̱ xqui'ya na';

SAN MATEO 5:11

’Lo'o jua'a̱ tso'o ntsu'u tyiquee ma̱ masi xtyí lo'o ngu' ji'i̱ ma̱ xqui'ya na', masi lya' tsa ti' ngu' ji'i̱ ma̱, masi cuiñi tsa ngu', masi chcui' tsa ngu' cuentyu ji'i̱ ma̱ xqui'ya na'.

SAN MARCOS 13:13

Lye tsa caca ti'í ti' lcaa ñati̱ ji'i̱ ma̱ xqui'ya cha' ñati̱ jna' laca ma̱. Ná cube ti' ma̱; lcaa cu'ma̱ nu talo ma̱ ji'i̱ cha' cuxi bi' ña'a̱ cuayá' nu tye chalyuu, cua'ni lyaá ycui' Ni ji'i̱ ma̱ li'.

SAN LUCAS 21:16

La cui' sti ma̱, la cui' ngu' tya'a ngula ma̱, masi tya'a tyijyu' ti ma̱, masi tya'a tso'o ma̱, la cui' ca ngu' bi' tsaa lo'o ngu' ji'i̱ ma̱ slo ngu' tisiya. Lo'o ntsu'u cu'ma̱ nu cujuii ngu' ji'i̱ ma̱ li',

SAN LUCAS 21:18

Pana ná chcuna' ni sca quicha̱' hique cu'ma̱ cuentya ji'i̱ ycui' Ndyosi.

SAN LUCAS 6:22

’Lo'o jua'a̱ tso'o ti caca tyiquee cu'ma̱ masi ti'í ti' ngu' ña'a̱ ngu' ji'i̱ ma̱, masi culo'o ngu' ji'i̱ ma̱ ca su ndi'i̱ ma̱, masi suba' tsa chcui' ngu' lo'o ma̱, masi hasta nga'aa nti' ngu' chcui' ngu' lo'o ma̱, xqui'ya cha' jlya ti' ma̱ jna', na' nu cua nda Ni lijya̱a̱ cha' caca na' ñati̱;

SAN JUAN 15:19

Si cua'ni ma̱ ñi'ya̱ nu ndu'ni ñati̱ cuxi nde chalyuu, li' chcui' tso'o ngu' lo'o ma̱, ñi'ya̱ si laca ma̱ tya'a ngu'. Pana juani nga'aa ntsu'u cha' ji'i̱ ma̱ lo'o cha' cuxi nu ntsu'u nde chalyuu, cha' cua ngusubi na' ji'i̱ ma̱ cha' caca ma̱ ñati̱ 'na; bi' cha' liye' tsa ti' ngu' ña'a̱ ngu' ji'i̱ ma̱ ―nacui̱―.

SAN JUAN 15:21

Jua'a̱ cua'ni ngu' lo'o cu'ma̱ xqui'ya na' ―nacui̱ Jesús―, cha' ná nslo ngu' tilaca laca nu nda 'na lijya̱a̱ nde chalyuu.

SAN JUAN 17:14

Lcaa cha' nu cua nchcui' nu'u̱ lo'o na', cua nda na' cha' bi' lo'o ngu' bi' ―nacui̱―. Lo'o juani, ñi'ya̱ lo'o liye' ti' ñati̱ chalyuu 'na, jua'a̱ ca liye' ti' ñati̱ ña'a̱ ji'i̱ ngu' bi', xqui'ya cha' ná ntsu'u cha' ji'i̱ ya lo'o nu cuxi nu ntsu'u nde chalyuu.

SAN JUAN 7:7

cha' ná liye' ti' ngu' ña'a̱ ngu' ji'i̱ ma̱; pana liye' tsa ti' ngu' ña'a̱ ngu' 'na, cha' nchcui' liñi na' lo'o ngu' cuentya ji'i̱ cha' cuxi nu ndu'ni ngu' ―nacui̱―.

LOS HECHOS 9:16

Culu'u na' ji'i̱ yu ñi'ya̱ cha' ti'í nu tyacua ji'i̱ yu lo'o ta yu cha' jna' lo'o ñati̱.

2 CORINTIOS 12:10

Tso'o nti' na' lacua, masi ná ntsu'u juersa 'na tsiya' ti, masi quiña'a̱ tsa cha' ti'í nchcui' ngu' jna', masi ti'i tsa na', masi lya' tsa ti' ngu' 'na, masi tucui tsa laca cña su ndya'a̱ na' cuentya ji'i̱ Cristo; la cui' tyempo lo'o ná nchca 'na tsiya' ti, la cui' hora bi' tso'o tsa ndyiji juersa 'na xqui'ya Cristo.

2 CORINTIOS 4:11

Cua ña'a̱ ca hora lo'o ndi'i̱ ya chalyuu ntsu'u tsa cha' cuxi nu taca cujuii ji'i̱ ya, cha' quiña'a̱ tsa cha' cuxi ndyacua ji'i̱ ya lcaa se'i̱ su ndya'a̱ ya xqui'ya Jesús. Pana jua'a̱ taca ña'a̱ ngu' cha' tya ndi'i̱ Jesús lo'o ya; bi' cha' laca tya ntsu'u chalyuu ji'i̱ ya, masi quicha ti ti' ya ndya'a̱ ya.

2 CORINTIOS 4:5

Nu cha' nu nda ya lo'o ngu' ni, si'i cha' ji'i̱ ycui' ca ya nchcui' ya. Ndi'ya̱ laca cha' nu nchcui' ya lo'o ngu': Jesucristo laca Xu'na tyucui ña'a̱ nde cua̱, lo'o la cui' Ni laca Ni loo ji'i̱ tyucui ña'a̱ nde chalyuu. Bi' cha' ñacui̱ ya cha' xqui'ya Jesús nu Xu'na na ndyu'ni ya cña cuentya ji'i̱ ma̱.

FILIPENSES 1:29

Tso'o tsa laca cha' nda ycui' Ndyosi chacuayá' cha' ngusñi ma̱ cha' ji'i̱ Cristo; pana cua nscua cha' caja xi cha' ti'í ji'i̱ ma̱, nu lo'o cua ngusñi ma̱ cha' ji'i̱ Cristo bi'.

1 PEDRO 4:14

Nu lo'o nchcui' ngu' cha' ti'í ji'i̱ ma̱ xqui'ya Cristo, ca tso'o tyiquee ma̱ cha' ndi'i̱ Xtyi'i ycui' Ndyosi lo'o ma̱, lo'o jua'a̱ tlyu tsa cha' tso'o ntsu'u ji'i̱ ycui' Ni. Nchcui' ngu' bi' cha' cuxi ji'i̱ ycui' Ndyosi; pana cu'ma̱ ni, tso'o tsa si tya cua'ni tlyu ma̱ ji'i̱ Ni.

APOCALIPSIS 2:3

Lo'o jua'a̱ jlo ti' na' cha' ná nchca taja ti' ma̱; masi ndyiji tsa cha' ti'í ji'i̱ ma̱, ná ndya'a̱chu̱' ma̱ cha' jna'.