SAN LUCAS 21:16 - Chatino Tataltepec

¹⁶ La cui' sti ma̱, la cui' ngu' tya'a ngula ma̱, masi tya'a tyijyu' ti ma̱, masi tya'a tso'o ma̱, la cui' ca ngu' bi' tsaa lo'o ngu' ji'i̱ ma̱ slo ngu' tisiya. Lo'o ntsu'u cu'ma̱ nu cujuii ngu' ji'i̱ ma̱ li',

SAN LUCAS 21:16 ပူးပေါင်းရင်းမြစ်များ

SAN MATEO 10:21

’Tii ti ti' ma̱ tyi'i̱ ma̱ lacua, cha' lo'o tya'a ngula ma̱ tsaa lo'o ji'i̱ ma̱ cha' cuiñi ti sta qui'ya ji'i̱ ma̱ slo ngu' tyaala bi'; lo'o jua'a̱ cujuii cuañi' sti ma̱ ji'i̱ ma̱. Hasta sñi' ma̱, cujuii cuañi' ngu' ji'i̱ cu'ma̱ nu laca ma̱ sti ngu' xtya'a̱ ngu' slo ngu' tyaala bi'; hasta cujuii ngu' ji'i̱ ma̱ nti' nu sube bi'.

SAN MARCOS 13:12

Cuxi tsa caca tyempo li'; cujuii cuañi' ñati̱ ji'i̱ tya'a ngu' cha' cujuii ngu' ji'i̱, jua'a̱ cujuii cuañi' ngu' ji'i̱ sñi' ngu'. Lo'o nu ngu' cuañi' ni, caca ñasi̱' ngu' ji'i̱ sti ngu', ji'i̱ xtya'a̱ ngu' li'; ta nu ngu' cuañi' bi' ji'i̱ sti ngu', ji'i̱ xtya'a̱ ngu' cha' cujuii ngu' cuxi ji'i̱.

SAN LUCAS 12:53

Xu̱u̱ tya'a sca ñati̱ lo'o sñi' qui'yu yu, jua'a̱ xu̱u̱ tya'a sca yu qui'yu lo'o sti yu; xu̱u̱ tya'a sca ma' cusu' lo'o sñi' cuna'a̱, jua'a̱ xu̱u̱ tya'a sca cuna'a̱ cuañi' lo'o xtya'a̱; xu̱u̱ tya'a sca ma' cusu' lo'o sñi' xi̱i̱, jua'a̱ xu̱u̱ tya'a sca cuxi̱i̱ lo'o xtya'a̱ laa cho' xqui'ya na' ―nacui̱ Jesús.

SAN LUCAS 21:15

La cui' hora bi' cua'ni na' cha' ca'ya cha' hique ma̱ cha' ca jlo ti' ma̱ ñi'ya̱ nu chcui' ma̱ lo'o ngu' bi', cha' ná caja cha' nu xtyacui tya'a cusu̱u̱ ma̱ lo'o ma̱, cha' ná caja ñi'ya̱ nu chcui' loo ngu' ji'i̱ ma̱.

SAN LUCAS 21:17

cha' tyucui ña'a̱ chalyuu ntsu'u quiña'a̱ tsa ngu' nu ti'í ti' ngu' ña'a̱ ngu' ji'i̱ ma̱ xqui'ya na'.

LOS HECHOS 12:2

Ngulo rey bi' cña ji'i̱ msu ji'i̱ cha' cujuii ngu' ji'i̱ Jacobo lo'o maxtyi. (Jacobo bi' ngua tya'a ngula Juan.)

LOS HECHOS 7:59

Laja lo'o ngu̱ ngu' quee ji'i̱ nu Esteban bi', nchcui' yu lo'o Jesús: ―Jesús Xu'na na' ―nacui̱ Esteban―, cua'ni nu'u̱ cha' tso'o qui'ya nu'u̱ cresiya jna'.

APOCALIPSIS 12:11

Nu ngu' tya'a ngusñi na cha' ji'i̱ Jesús ni, cua ntiji̱loo ngu' ji'i̱ nu xña'a̱ bi', xqui'ya cha' ngujuii Jesús nu ñi'ya̱ ña'a̱ xlya' bi'. Ná ntsi̱i̱ ngu' bi' ta ngu' cha' tso'o ji'i̱ Jesús lo'o xa' ñati̱; ntaja'a̱ ngu' bi' chcui' ngu' cha' bi', masi cujuii ñati̱ ji'i̱ ngu' bi' xqui'ya cha' ñasi̱' tsa ñati̱ ji'i̱ Jesús.

APOCALIPSIS 2:13

Cua jlo ti' na' lcaa ña'a̱ nu ndu'ni ma̱, nacui̱ Ni. Jlo ti' na' cha' laca Satanás loo ca su ndi'i̱ cu'ma̱; pana masi jua'a̱ laca cha', tya tso'o tsa nxñi ma̱ cha' 'na, nacui̱ Ni. Bilya tya'a̱chu̱' ma̱ ji'i̱ cha' jna'; ña'a̱ ti jlya ti' ma̱ 'na, masi tyempo cuxi nu ngua li', nu lo'o ndyujuii ngu' ji'i̱ jyo'o Antipas. Ná ndyutsi̱i̱ yu bi', nchcui' yu cha' 'na ca quichi̱ tyi ma̱ su ntucua Satanás loo.

APOCALIPSIS 6:9

Lo'o li' nu nchca ca'yu quiya' ngusuu nu ñi'ya̱ ña'a̱ xlya' bi' nguiña' nu nga'a̱ tu'ba quityi bi'. Li' na'a̱ na' sca mesa tlyu nde loo su ntucua ycui' Ndyosi, mesa bi' laca nu tyucua msta̱ lo. Nde ne' mesa bi' ntsiya tyu̱u̱ tya'a ngu' nu ngujuii; cua ndyujuii ñati̱ ji'i̱ ngu' bi' xqui'ya cha' nu nda ycui' Ndyosi lo'o ngu' bi', cha' ná ntsi̱i̱ ngu' bi' nchcui' ngu' cha' bi' lo'o tya'a ñati̱ ngu' li'.