SAN LUCAS 20:47 - Chatino Tataltepec

⁴⁷ Hasta nxlyaá ngu' bi' ña'a̱ tsaca ni'i̱ ji'i̱ nu cuna'a̱ ti'i. Cñilo'o ti ngu' bi' ji'i̱ ñati̱ cha' ñati̱ tso'o laca ngu' bi'; bi' cha' quiña'a̱ tsa cha' jo'ó nchcui' ngu', tyiquee' tsa nchcui' ngu' lo'o ycui' Ndyosi li'. Pana tucua cha' ntsu'u tyiquee ngu' bi'; bi' cha' tlyu la cha' ti'í caca ji'i̱ ngu' bi', lye la chcube' ngu' bi' li'.

SAN LUCAS 20:47 ပူးပေါင်းရင်းမြစ်များ

SAN MATEO 23:13

’¡Tya'na tsa cu'ma̱ ngu' mstru cha' jo'ó, lo'o jua'a̱ cu'ma̱ ngu' fariseo, cha' tucua cha' ntsu'u tyiquee ma̱! Na ndacu̱' ma̱ tyucui̱i̱ ji'i̱ ngu', cha' ná caca tyatí̱ ngu' cha' ji'i̱ ycui' Ndyosi, cha' ná caca ycui' Ni loo ne' cresiya ji'i̱ ngu'. Ni ycui' ma̱, ná caca tyatí̱ ma̱ cha' bi', lo'o jua'a̱ ná nda ma̱ chacuayá' cha' tyatí̱ xa' la ñati̱ cha' bi'.

SAN MATEO 23:14

’¡Tya'na tsa cu'ma̱ ngu' mstru cha' jo'ó, lo'o jua'a̱ cu'ma̱ ngu' fariseo, cha' tucua cha' ntsu'u tyiquee ma̱! Nxlyaá ma̱ ni'i̱ nu ntsu'u ji'i̱ nu cuna'a̱ ti'i, lo'o li' tyiquee' nchcui' ma̱ lo'o ycui' Ndyosi slo ñati̱ cha' ña'a̱ ti ñati̱ ji'i̱ ma̱. Ná ca cuayá' ti' xa' ñati̱ lcaa cha' cuxi nu ntsu'u ne' cresiya ji'i̱ ma̱ li'. Bi' cha' lye la chcube' ma̱ ca nde loo la.

SAN MARCOS 12:40

Hasta nxlyaá mstru bi' ni'i̱ ji'i̱ nu cuna'a̱ ti'i, jua'a̱ ji'i̱ lcaa na nu ntsu'u ji'i̱ nu cuna'a̱ bi' nxlyaá ngu'. Tyiquee' nchcui' mstru bi' lo'o ycui' Ndyosi; pana na cuiñi ti ndu'ni ngu' jua'a̱, cha' ña'a̱ ñati̱ ji'i̱ ngu' nti' ngu'. Bi' cha' lye la xcube' Ni ji'i̱ mstru bi', nu lo'o tyalaa tsa̱ cha' cua'ni cuayá' Ni ji'i̱ lcaa ñati̱.

SAN LUCAS 12:1

Cua ndyu'u ti'i̱ tyu̱u̱ tsa mil tya'a ñati̱ slo Jesús li'. Tachaa tsa ndi'i̱ ngu' bi', ña'a̱ cuayá' nu nsatá quiya' ngu' ji'i̱ tya'a ngu'. Laja li' nchcui' Jesús lo'o nu ngu' nu ndyaca tsa'a̱ ji'i̱: ―Tii ti' ma̱ ji'i̱ cña nu ndyu'ni ngu' fariseo, nu ngu' nu tacati tsa ndu'ni ycui' ca ngu', nti' ngu'.

SAN LUCAS 20:46

―Tii ti ti' ma̱ cha' ná cñilo'o mstru cha' jo'ó jua ji'i̱ ma̱. Ndiya tsa ti' mstru bi', cha' laca ngu' tlyu; bi' cha' lacu' ngu' bi' late' tyucui̱ cu', cha' lye tsa cua'ni chi̱ ngu' loo ngu' bi' lo'o tsaa ngu' bi' lcaya', jua'a̱ nti' ngu' mstru bi'. Xcui' lo yaca xlya nu tso'o la ña'a̱ ntyucua ngu' bi' ne' laa ji'i̱ ngu', jua'a̱ ntyucua ngu' bi' ca su tso'o la lo'o ndya'a̱ ngu' bi' ta'a.

SAN LUCAS 21:1

Lo'o li' na'a̱ Jesús ji'i̱ ngu' culiya' nu ndya'a̱ ne' laa, cha' nsu'ba ngu' cñi ne' cñá' su tyu'u msta̱.

1 TESALONICENSES 2:5

Si'i na tso'o tsa ndyu'ni ya lo'o ma̱ cha' cua'ni ya ngana ji'i̱ ma̱, ni si'i na tso'o tsa nchcui' ya lo'o ma̱ cha' caja cha' tso'o nu ntsu'u ji'i̱ ma̱ ji'i̱ ya. Jlo ti' ycui' Ndyosi cha' xcui' cha' liñi nchcui' ya; lo'o jua'a̱ cu'ma̱, cua ndyuna ma̱ cha' bi'.

TITO 1:16

Ñati̱ ji'i̱ ycui' Ndyosi laca ngu' bi', nacui̱ ycui' ngu', pana ná ndyu'ni ngu' tsiya' ti ñi'ya̱ nu nti' ycui' Ndyosi; bi' cha' caca cuayá' ti' na cha' cuiñi ngu' bi'. Cuxi tsa ndyu'ni ngu' bi', cha' ná ntaja'a̱ ngu' taquiya' ngu' ji'i̱ cha' nu liñi ca; ni sca cha' tso'o ná ca cua'ni ngu' bi' tsiya' ti.

SANTIAGO 3:1

Cu'ma̱ tya'a ngusñi na cha' ji'i̱ Cristo, ná tso'o si tyu̱u̱ tsa tya'a ma̱ culu'u ma̱ ji'i̱ tya'a ñati̱ ma̱; cuayá' xti ti na caca na mstru nu culu'u cha' ji'i̱ ycui' Ndyosi ji'i̱ ngu' tya'a na. Cua jlo ti' ma̱ cha' lye tsa ndi'i̱ loo ngu' ña'a̱ ngu' ji'na, bi' cha' yala tsa chcui' ngu' ji'na si xñi na cña cha' culu'u na ji'i̱ ngu' tya'a na.