SAN LUCAS 20:46 - Chatino Tataltepec

⁴⁶ ―Tii ti ti' ma̱ cha' ná cñilo'o mstru cha' jo'ó jua ji'i̱ ma̱. Ndiya tsa ti' mstru bi', cha' laca ngu' tlyu; bi' cha' lacu' ngu' bi' late' tyucui̱ cu', cha' lye tsa cua'ni chi̱ ngu' loo ngu' bi' lo'o tsaa ngu' bi' lcaya', jua'a̱ nti' ngu' mstru bi'. Xcui' lo yaca xlya nu tso'o la ña'a̱ ntyucua ngu' bi' ne' laa ji'i̱ ngu', jua'a̱ ntyucua ngu' bi' ca su tso'o la lo'o ndya'a̱ ngu' bi' ta'a.

SAN LUCAS 20:46 ပူးပေါင်းရင်းမြစ်များ

SAN MATEO 16:6

Lo'o li' ndi'ya̱ nchcui' Jesús lo'o ngu': ―Tii ti ti' ma̱ tyi'i̱ ma̱ ―nacui̱ Jesús ji'i̱ ngu' bi'―. Cui'ya ma̱ cuentya ñi'ya̱ ndu'ni scua̱ tiye' nu nda ngu', la cui' ngu' fariseo lo'o ngu' saduceo ―nacui̱.

SAN MATEO 23:1

Lo'o li' nchcui' Jesús lo'o nu quiña'a̱ tsa ñati̱ nu ndi'i̱ slo yu, jua'a̱ lo'o nu ngu' nu ndyaca tsa'a̱ ji'i̱:

SAN MARCOS 8:15

Lo'o li' nda Jesús chaca cui̱i̱ lo'o ngu': ―Tii ti ti' ma̱ tyi'i̱ ma̱ ―nacui̱ yu―, cui'ya ma̱ cuentya ñi'ya̱ ndu'ni scua̱ tiye' nu nda ngu' bi', nu ngu' fariseo lo'o ngu' nu cuentya ji'i̱ rey Herodes ni.

SAN LUCAS 11:43

’Tya'na tsa cu'ma̱ ngu' fariseo. Ndiya tsa ti' ma̱ tyucua ma̱ lo bancu̱ su tso'o la ne' laa, jua'a̱ ndiya tsa ti' ma̱ cha' cua'ni chi̱ ngu' loo ma̱ lo'o ndu̱ ma̱ lcaya'.

SAN LUCAS 12:1

Cua ndyu'u ti'i̱ tyu̱u̱ tsa mil tya'a ñati̱ slo Jesús li'. Tachaa tsa ndi'i̱ ngu' bi', ña'a̱ cuayá' nu nsatá quiya' ngu' ji'i̱ tya'a ngu'. Laja li' nchcui' Jesús lo'o nu ngu' nu ndyaca tsa'a̱ ji'i̱: ―Tii ti' ma̱ ji'i̱ cña nu ndyu'ni ngu' fariseo, nu ngu' nu tacati tsa ndu'ni ycui' ca ngu', nti' ngu'.

SAN LUCAS 14:7

Li' na'a̱ Jesús cha' ngulana tsa ngu' fariseo bi' yaca xlya cha' tyucua ngu' su tso'o la nu nde que mesa. Bi' cha' nda Jesús cui̱i̱ re ji'i̱ ngu' bi' li':

SAN LUCAS 20:47

Hasta nxlyaá ngu' bi' ña'a̱ tsaca ni'i̱ ji'i̱ nu cuna'a̱ ti'i. Cñilo'o ti ngu' bi' ji'i̱ ñati̱ cha' ñati̱ tso'o laca ngu' bi'; bi' cha' quiña'a̱ tsa cha' jo'ó nchcui' ngu', tyiquee' tsa nchcui' ngu' lo'o ycui' Ndyosi li'. Pana tucua cha' ntsu'u tyiquee ngu' bi'; bi' cha' tlyu la cha' ti'í caca ji'i̱ ngu' bi', lye la chcube' ngu' bi' li'.

ROMANOS 12:10

Ndi'ya̱ caca tyiquee ma̱ ña'a̱ ma̱ ji'i̱ ngu' tya'a ntsu'u cha' ji'i̱ ma̱ lo'o Cristo: caca ñi'ya̱ si laca ngu' bi' tya'a ngula ma̱ tsiya' ti; bi' cha' cua'ni chi̱ ma̱ loo tya'a ma̱, xti ti cha' tyu'u tyiquee ycui' ca ma̱ li'.

2 TIMOTEO 4:15

Pana tii ti' nu'u̱ cha' ná tacu̱' nu Alejandro bi' cha' jinu'u̱, nu lo'o ta nu'u̱ cha' tso'o ji'i̱ ycui' Ndyosi lo'o ñati̱.

3 JUAN 1:9

Cua nscua na' sca quityi tya tsubi' la nu ndyaa ca su ndi'i̱ ña'a̱ taju ti ma̱ ñati̱ ji'i̱ Jesucristo, cu'ma̱ nu ndyu'u ti'i̱ ma̱ tsa tlyu ti ca bi'; pana ná ntaja'a̱ Diótrefes taquiya' ji'i̱ cha' nu nacui̱ na' ji'i̱ ma̱, cha' nti' yu bi' cha' xu'na ma̱ laca yu.