SAN LUCAS 20:38 - Chatino Tataltepec

³⁸ Pana ná nacui̱ quityi bi', cha' na cua ngua ycui' Ndyosi Xu'na ngu' bi', masi ña'a̱ ti tya laca Ni Xu'na ngu' bi' juani; jua'a̱ ndyu'u cha' bi'. Bi' cha' lo'o ji'i̱ ñati̱ lu'ú laca Ni loo, lo'o jua'a̱ nti' tsa Ni cha' lcaa ñati̱ chalyuu tyi'i̱ cuentya ji'i̱ ycui' Ni ―nacui̱ Jesús.

SAN LUCAS 20:38 ပူးပေါင်းရင်းမြစ်များ

SAN MATEO 22:32

“Ycui' Ndyosi Xu'na Abraham laca na',” nacui̱ Ni, “ycui' Ndyosi Xu'na Isaac laca na', lo'o la cui' ti ycui' Ndyosi Xu'na Jacob laca na'”, nacui̱ Ni. Ná nacui̱ quityi bi' cha' na cua ngua ycui' Ndyosi Xu'na ngu' bi'; ña'a̱ ti tya laca ycui' Ndyosi Xu'na ngu' bi' juani, lo'o jua'a̱ laca ycui' Ndyosi Xu'na lcaa ñati̱ lu'ú.

SAN MARCOS 12:27

Ná nacui̱ quityi bi' cha' na cua ngua ycui' Ndyosi Xu'na ngu' bi', ña'a̱ ti tya laca Ni Xu'na ngu' bi' juani; lo'o jua'a̱ laca ycui' Ndyosi Xu'na lcaa ñati̱ lu'ú. Bi' cha' nacui̱ na' cha' ná ngua cuayá' ti' ma̱ tsiya' ti ―nacui̱ Jesús ji'i̱ nu ngu' saduceo bi'.

SAN LUCAS 20:39

Li' nacui̱ sca tucua ti mstru cha' jo'ó bi' ji'i̱ Jesús: ―Cusu', tso'o tsa nchcui' nu'u̱ ―nacui̱ ngu' ji'i̱.

SAN JUAN 14:19

Ca tiya' la xi, li' nga'aa ña'a̱ ñati̱ chalyuu jna'; pana cu'ma̱, tya ña'a̱ ma̱ jna'. Li' caca tso'o tyiquee ma̱, xqui'ya cha' lu'ú na'.

SAN JUAN 6:57

Lcaa tyempo lu'ú Sti na' nu nda 'na lijya̱a̱ ca nde, lo'o jua'a̱ chacuayá' ji'i̱ ycui' Ni lu'ú na'; chacuayá' 'na tyu'ú ñati̱ nu xñi cha' 'na, ñati̱ nu caja tyucui ña'a̱ na' ji'i̱.

2 CORINTIOS 13:4

Chañi tsa cha' ndye juersa ji'i̱ Cristo nu lo'o ndyujuii ngu' ji'i̱, lo'o ngujui'i̱ ca'a̱ ngu' ji'i̱ lo crusi; pana tlyu tsa cña ngua'ni ycui' Ndyosi cuentya ji'i̱ yu, bi' cha' laca cha' ña'a̱ ti tya lu'ú yu juani. Ñi'ya̱ nti' Cristo, cha' ná nguxlyú cha' hichu̱' ñati̱ nu ndyujuii ji'i̱, la cui' jua'a̱ cuare, si'i na lye tsa nclyo ya cña ji'i̱ cu'ma̱ nquicha'; pana juani caca cuayá' ti' ma̱ cha' ña'a̱ ti tya lu'ú ya xi, cha' la cui' chacuayá' ji'i̱ ycui' Ndyosi ndya'a̱ lo'o ya lijya̱ ya, la cui' tya'a chacuayá' nu ntsu'u ji'i̱ Cristo.

2 CORINTIOS 6:16

Ñi'ya̱ nti' cu'ma̱ nu tyaca'a tsa ma̱ ji'i̱ ycui' Ndyosi ni, ná taca cua'ni tya'a ma̱ lo'o xa' ñati̱ nu ngusñi cha' ji'i̱ cua ña'a̱ ca jo'ó; tyaca'a tsa na ji'i̱ ycui' Ndyosi nu lu'ú ca xqui'ya cha' ndyanu Xtyi'i ycui' Ndyosi ne' cresiya ji'na. Ndi'ya̱ nacui̱ ycui' Ndyosi: Tyi'i̱ na' ca slo ñati̱ bi', lo'o jua'a̱ tya'a̱ na' lo'o ñati̱ bi'; caca na' ycui' Ndyosi cuentya ji'i̱ ngu' bi', bi' cha' taca caca ngu' bi' ñati̱ 'na. Jua'a̱ nacui̱ Ni.

HEBREOS 11:16

Pana si'i jua'a̱ ngua ti' ngu', xqui'ya cha' jlya ti' ngu' cha' ta ycui' Ndyosi sca se'i̱ su tso'o la tsiya' ti su tyi'i̱ ngu'; ngua ti' ngu' tyalaa ngu' la cui' ca su ntucua ycui' Ni. Bi' cha' ná tyuju'u ti' Ni lo'o nacui̱ ngu' cha' ycui' Ndyosi nu Xu'na ngu' laca Ni; na cua ngua'ni cho'o Ni sca se'i̱ su tyi'i̱ ngu' ca slo ycui' Ni.

APOCALIPSIS 22:1

Lo'o li' ngulu'u xca̱ 'na mala nxna sta'a̱ ji'i̱ ycui' Ndyosi, sta'a̱ bi' laca nu nda chalyuu nu ná nga'a̱ cha' tye ji'na. Lubii tsa ña'a̱ su nxna hitya sta'a̱ bi'. Nde su tlyu su ntucua ycui' Ndyosi, nde su ntucua nu ñi'ya̱ ña'a̱ xlya' bi', ca bi' ntsu'u su̱u̱ sta'a̱ bi';