Cui'ya Ni cha' clyu ti' ji'i̱ ñati̱ nu nchcui' cha' cuxi jna' nu cua nda Ni 'na lijya̱a̱ cha' caca na' ñati̱; pana lo'o chcui' ngu' cha' cuxi ji'i̱ cña nu ndu'ni Xtyi'i ycui' Ndyosi, li' nga'aa cui'ya ycui' Ni cha' clyu ti' ji'i̱ ngu' bi' lcaa tsa̱ lo'o tyi'i̱ ngu' chalyuu, masi tyucui tyempo nde loo la.
SAN LUCAS 20:34 - Chatino Tataltepec34 Li' nguxacui̱ Jesús cha' ji'i̱ ngu' bi': ―Nde chalyuu cua ña'a̱ ca ngu' qui'yu lo'o ngu' cuna'a̱ ndyiji clyo'o ngu'. အခန်းကိုကြည့်ပါ။ |
SAN LUCAS 20:34
7 ပူးပေါင်းရင်းမြစ်များ
Tiya' la ngua cuayá' ti' ycui' nu laca xu'na yu ñi'ya̱ nu ndyu'ni yu. “Tajua' tsa ndyu'ni msu nu laca loo bi' 'na laja lo'o ndyu'ni yu cña”, nacui̱ nu cusu' culiya' bi'. Lo'o li' tya nchcui' Jesús lo'o ngu' bi': ―Lo'o cu'ma̱ ni, nu nti' tsa ma̱ taquiya' ma̱ ji'i̱ lcaa cha' nu nchcui' ycui' Ndyosi ―nacui̱―, taca ca tsa'a̱ ma̱ xi lo'o ña'a̱ ma̱ ñi'ya̱ nu ndu'ni xa' la ñati̱ chalyuu lo'o tya'a ngu', masi cuxi ti ngu'.
Tya'a stu'ba jyo'o Noé bi' ni, ngua'ni ngu' ta'a, ndyacu ngu', ndyi'o ngu', ngujui clyo'o ngu'; tsa bi' ti cha' ndube ti' ngu' ña'a̱ cuayá' nu ndyalaa tyempo ngüiñá nu Noé bi' yaca ni'i̱ tonu. Li' ndyatí̱ yu ne' yaca ni'i̱ bi' lo'o lcaa na nu ntsu'u ji'i̱ yu. Lo'o li' ngua'ya tyo clyaa bi', ndye ñati̱ chalyuu ngujuii ngu'.
Nu lo'o tyu'ú lcaa jyo'o chaca quiya', ¿tilaca laca nu caca clyo'o nu cuna'a̱ bi' chañi ca? Lo'o ngutu'ú nu cuna'a̱ bi' chalyuu, ngujui clyo'o cho' lo'o tsaca yu, lo'o li' ngujui clyo'o cho' lo'o chaca yu, ña'a̱ cuayá' nu ngujui clyo'o lo'o ca ta'a cati tya'a ngu' bi'. ¿Tilaca laca nu chañi ca cha' ngua clyo'o cho' bi'?
Lcaa ma̱ lo'o tya'a ma̱ nga'a̱ cha' cua'ni tyaca'a ma̱ ji'i̱ clyo'o ma̱; ná cua'ni cuxi ma̱ lo'o clyo'o ma̱, ñi'ya̱ nti' si tyu'u cha' ji'i̱ ma̱ lo'o xa' ñati̱ laja ti. Xcube' ycui' Ndyosi ji'i̱ cua ña'a̱ ca ñati̱ nu cua'ni cha' suba' jua'a̱, jua'a̱ xcube' Ni ji'i̱ ñati̱ nu tyatí̱ yu'u lo'o clyo'o xa' ñati̱.
ကြော်ငြာတွေ