SAN LUCAS 20:22 - Chatino Tataltepec

²² Tyu'u cha' clyu ti' jinu'u̱, cacha' liñi nu'u̱ ji'i̱ ya: ¿Ha ntsu'u chacuayá' ji'na cha' ta na cñi cña loo na ji'i̱ rey tlyu nu ndi'i̱ xa' tsu' bi', o tso'o la si ná ta na cñi cña loo ji'i̱ rey bi'? ―nacui̱ ñati̱ bi' ji'i̱ Jesús.

SAN LUCAS 20:22 ပူးပေါင်းရင်းမြစ်များ

SAN MATEO 17:25

―Nda yu ―nacui̱ Pedro ji'i̱ ngu' li'. Nu lo'o cua ndyalaa Pedro toni'i̱, li' nchcui' Jesús lo'o yu: ―¿Ñi'ya̱ nti' nu'u̱, Simón? ―nacui̱ Jesús ji'i̱ Pedro―. ¿Ti ji'i̱ nclyo ngu' nu laca loo cñi? ¿Ha culo ngu' cñi ji'i̱ sñi' ngu' nti' nu'u̱? ¿Ha si'i ji'i̱ xa' ñati̱ culo ngu' cñi?

SAN LUCAS 20:21

Bi' cha' nchcuane ngu' cuiñi bi' ji'i̱ Jesús li': ―Mstru ―nacui̱ nu ngu' cuiñi bi'―, jlo ti' ya cha' xcui' cha' liñi nchcui' nu'u̱. Tso'o tsa ndyu'u lcaa cha' nu ngulu'u nu'u̱. Si'i na tyaca'a la ndu'ni nu'u̱ ji'i̱ sca ngu'; masi culiya' ngu', masi nchca tsa ji'i̱ ngu', stu'ba ti ndu'ni nu'u̱ lo'o cua ña'a̱ ca ñati̱. Cha' liñi ji'i̱ ycui' Ndyosi nclu'u nu'u̱.

SAN LUCAS 20:23

Ngua tii Jesús ña'a̱ cha' cuiñi nu ntsu'u tyiquee ngu' lo'o nchcuane ngu' ji'i̱ yu jua'a̱. Li' nacui̱ yu ji'i̱ ngu': ―¿Ni cha' laca nchcui' cuayá' ma̱ jua'a̱ lo'o na'? ―nacui̱ yu ji'i̱ ngu'―.

SAN LUCAS 23:2

Ca bi' nguxana ngu' ngusta ngu' qui'ya ji'i̱ Jesús: ―Cua ngusñi ya ji'i̱ nu qui'yu re, cha' ndatsaa tsa yu ji'i̱ ngu' judío tya'a ya. Nacui̱ yu cha' ná ntsu'u chacuayá' ta ya cñi cña loo ya ji'i̱ nu laca cña ji'i̱ cu'ma̱, ngu' romano; lo'o jua'a̱ lye tsa nchcui' yu cha' ycui' yu laca Cristo, ñi'ya̱ si laca yu rey ji'i̱ ya ―nacui̱ ngu' ji'i̱ Pilato.

LOS HECHOS 5:37

Chaca quiya' ndyalaa sca ngu' Galilea tyempo lo'o nguscua ngu' nu laca cña xtañi ngu' quichi̱, jyo'o Judas ngua bi'. Ngusi'yana jyo'o Judas bi' ji'i̱ tyu̱u̱ tya'a ñati̱ cha' tyu'u lca'a̱ ngu' ji'i̱ yu, cha' xu̱u̱ tya'a ngu' lo'o ngu' sendaru. Lo'o li' ñi'ya̱ nu ngua ji'i̱ Teudas bi', jua'a̱ ngua lo'o Judas bi', cha' ndyujuii ñati̱ ji'i̱ yu. Ndye cha' ji'i̱ yu jua'a̱ ti li', ngusna lcaa ngu' tya'a ndya'a̱ yu.

ROMANOS 13:7

Tya ma̱ ji'i̱ ngu' laca cña lcaa na nu ntsu'u chacuayá' ji'i̱ ngu' cha' jña ngu' ji'i̱ ma̱. Ná tyacui ma̱ cñi cña loo, ni ná tyacui ma̱ cñi ji'i̱ sca cña nu cua ngua'ni ngu'; tya ma̱ caya' bi' ji'i̱ ngu'. Lo'o jua'a̱ cua'ni tlyu ma̱ ji'i̱ ngu' bi', cua'ni chi̱ ma̱ loo ngu', tucuá ma̱ cña ji'i̱ ngu' bi'.