SAN LUCAS 20:20 - Chatino Tataltepec

²⁰ Li' ngusta ngu' ji'i̱ ñati̱ cha' tyu̱ cua̱ ji'i̱ Jesús, cha' cui'ya ngu' cuentya ni cha' ta yu; cuaana ti ngua'ni ngu' jua'a̱, cha' culacua ti' Jesús cha' ñati̱ tso'o laca ngu'. Na cua nti' ngu' cha' cuna ngu' sca cha' nu tyu'u tu'ba Jesús, lo'o li' xqui'ya cha' bi' taca ji'i̱ ngu' sta ngu' qui'ya ji'i̱ yu. Li' tyaa lo'o ngu' ji'i̱ yu ya' ngu' gobierno, cha' cua'ni cuayá' ngu' ji'i̱ yu.

SAN LUCAS 20:20 ပူးပေါင်းရင်းမြစ်များ

SAN MATEO 27:2

Li' ngusca̱' ngu' ji'i̱ Jesús, ndyaa lo'o ngu' ji'i̱ slo Poncio Pilato, nu ngua gobernador romano.

SAN MARCOS 3:2

Ña'a̱ tsa xi ngu' tacati, nu ngu' fariseo bi', ña'a̱ tsa ngu' ji'i̱ Jesús si cua'ni yu jo'o ji'i̱ nu quicha bi', cha' tsa̱ ta'a nu ndi'i̱ cña' ngu' judío ngua. Nti' ngu' tlyu bi' quijeloo qui'ya cha' sta ngu' hichu̱' Jesús.

SAN LUCAS 11:54

Ngua ti' ngu' bi' cuna ngu' sca cha' cuxi si tyu'u tsaa tu'ba Jesús, cha' li' caja ñi'ya̱ nu sta ngu' bi' qui'ya ji'i̱ yu.

SAN LUCAS 20:21

Bi' cha' nchcuane ngu' cuiñi bi' ji'i̱ Jesús li': ―Mstru ―nacui̱ nu ngu' cuiñi bi'―, jlo ti' ya cha' xcui' cha' liñi nchcui' nu'u̱. Tso'o tsa ndyu'u lcaa cha' nu ngulu'u nu'u̱. Si'i na tyaca'a la ndu'ni nu'u̱ ji'i̱ sca ngu'; masi culiya' ngu', masi nchca tsa ji'i̱ ngu', stu'ba ti ndu'ni nu'u̱ lo'o cua ña'a̱ ca ñati̱. Cha' liñi ji'i̱ ycui' Ndyosi nclu'u nu'u̱.

SAN LUCAS 20:26

Ná ngujui ñi'ya̱ nu sta ngu' qui'ya ji'i̱ Jesús nde su ndi'i̱ ngu' quichi̱ bi'. Pana ndube tsa ti' ngu' ji'i̱ yu xqui'ya cha' nu cua nguxacui̱ yu ji'i̱ ngu' bi', bi' cha' ti̱ tya ndyaa ti'i̱ ngu' bi' li'.

2 PEDRO 2:3

Lo'o jua'a̱ ndacui tsa ti' ngu' cuiñi bi' ji'i̱ na nu ntsu'u ji'i̱ ma̱; nti' tsa ngu' cua'ni ngu' ngana ji'i̱ ma̱, bi' cha' tajua' ti chcui' ngu' cha' cuiñi ti lo'o ma̱. Pana ntsu'u cha' xcube' Ni ji'i̱ ngu' cuiñi bi', cha' cua sa'ni cua nchcui' Ni cha' ná tso'o cua'ni ngu' cha' cuxi jua'a̱. Si'i na laja' ycui' Ni; jlo ti' Ni ñi'ya̱ ndu'ni ngu' cuiñi bi', lo'o jua'a̱ cua'ni tye Ni ji'i̱ ngu' bi' yala ti.