SAN LUCAS 20:17 - Chatino Tataltepec

¹⁷ Na'a̱ tsa Jesús ji'i̱ ngu', li' xa' nchcui' lo'o ngu' chaca quiya': ―¿Ni cha' laca nu nchcui' quityi cusu' ji'i̱ ycui' Ndyosi lacua? Ndi'ya̱ nchcui' quityi bi': La cui' quee tonu nu nguxcua̱a̱ cuityi ni'i̱ ji'i̱ cha' ná tso'o ña'a̱ nti' ngu', cua ngujui cña nu cua'ni quee bi' juani; ndu̱ bi' su ndulo la cha' ji'i̱ cuentya ji'i̱ ycui' Ndyosi.

SAN LUCAS 20:17 ပူးပေါင်းရင်းမြစ်များ

SAN MATEO 21:42

Li' xa' nchcui' Jesús lo'o ngu' bi': ―¿Ha bilya chcui' ma̱ lo quityi ji'i̱ ycui' Ndyosi? Ndi'ya̱ nscua cha': La cui' quee tonu nu nguxcua̱a̱ cuityi ni'i̱ ji'i̱ clyo, cha' ná tso'o ña'a̱ quee bi' nti' ngu', juani cua ngujui cña cua'ni quee bi'; ndu̱ bi' su ndulo la cha' ji'i̱ cuentya ji'i̱ ycui' Ndyosi. Ycui' Ndyosi ngua'ni cha' jua'a̱ ngua cha' bi', bi' cha' ndube tsa ti' na ji'i̱ cha' tlyu bi'. Jua'a̱ nchcui' cha' nu nscua lo quityi nu ngua tya sa'ni;

SAN MARCOS 10:23

Nguxtyacui Jesús nxña'a̱ ji'i̱ ngu' nu ndyaca tsa'a̱ ji'i̱ li'. ―Tucui tsa caca cha' tyalaa ngu' culiya' ca su laca ycui' Ndyosi loo ―nacui̱ Jesús ji'i̱ ngu' bi' li'.

SAN MARCOS 12:10

’¿Ha bilya chcui' ma̱ lo quityi ji'i̱ ycui' Ndyosi su nscua ndi'ya̱?: Ntsu'u sca quee nu nguxcua̱a̱ cuityi ni'i̱ ji'i̱ clyo, cha' ná tso'o ña'a̱ quee bi' nti' ngu'; pana juani cua ngujui cña nu cua'ni quee bi', cha' ndu̱ bi' su ndulo la cha' ji'i̱ cuentya ji'i̱ ycui' Ndyosi.

SAN MARCOS 3:5

Ñasi̱' xi Jesús ña'a̱ yu ji'i̱ ngu' bi', jua'a̱ xñi'i̱ xi ti' yu cha' ná ntaja'a̱ ngu' cui'ya ngu' cuentya ji'i̱ cha' nu nclyu'u yu ji'i̱ ngu'. Li' nchcui' yu lo'o nu quicha bi': ―Xquiñi nu'u̱ ya' ―nacui̱ Jesús ji'i̱. Nguxquiñi yu ya' yu li', lo'o hora ti ngua tso'o ya' yu.

SAN LUCAS 19:41

Lo'o cua ndyalaa Jesús cacua ti to' quichi̱ Jerusalén, ngusi'ya tsa yu lo'o na'a̱ yu quichi̱ bi'. Li' nacui̱ yu ji'i̱ ngu':

SAN LUCAS 22:37

Jua'a̱ cha' nchcui' na' lo'o ma̱ cha' nga'a̱ cha' tyu'u tucua cha' cuxi nu nchcui' quityi cusu' cha' caca 'na. Ndi'ya̱ nscua cha': “Ñi'ya̱ nu ndu'ni ngu' lo'o ñati̱ cuxi, jua'a̱ cua'ni ngu' lo'o ycui' Cristo”. Lcaa cha' nu nscua cha' caca 'na, jua'a̱ caca 'na tu'ni ―nacui̱ Jesús ji'i̱ ngu'.

SAN LUCAS 22:61

Li' nguxtyacui loo Jesús su ndu̱ ne' ni'i̱, cha' ña'a̱ ji'i̱ Pedro. Hora ti ndyi'u ti' Pedro cha' nu cua nchcui' Jesús lo'o yu tya tsa̱ la. Ndi'ya̱ ngua cha' bi': “Nu lo'o tya lyiji xi'ya ndye'e talya juani, li' sna quiya' ñacui̱ nu'u̱ cha' ná nslo nu'u̱ 'na”, nacui̱ Jesús tya li'.

SAN LUCAS 24:44

Lo'o ti nchcui' yu lo'o ngu' li': ―Cha' nu ngua ca ti 'na, bi' laca cha' nu cua ndacha' na' ji'i̱ ma̱ lo'o tya ndi'i̱ na' lo'o cu'ma̱ tya tsubi' la ―nacui̱ yu―. Cua nacui̱ na' ji'i̱ ma̱ cha' nga'a̱ cha' caca 'na lcaa cha' nu cua nscua cuentya 'na lo quityi nu nguscua jyo'o Moisés, lo'o jua'a̱ lo quityi nu nguscua jyo'o ngu' nu ngua tu'ba ji'i̱ ycui' Ndyosi nu ngua sa'ni, lo'o jua'a̱ lo quityi Salmos nscua cha' bi'.

SAN JUAN 15:25

Nga'a̱ cha' caca cha' jua'a̱, cha' nu nscua lo quityi cusu' ji'i̱ ngu' bi'; ndi'ya̱ nchcui' cha' bi': “Liye' ti' ngu' ña'a̱ ngu' jna', masi ná ntsu'u su̱u̱ cha' ji'i̱ ngu' cha' cua'ni ngu' jua'a̱”.

LOS HECHOS 4:11

Ñi'ya̱ laca sca cuityi ni'i̱ nu nchcua̱a̱ sca quee tonu cha' ná tso'o nti' cuityi, masi stu'ba tsa ña'a̱ loo, jua'a̱ laca cu'ma̱ cha' ná ntaja'a̱ ma cuna ma̱ cha' nu cua nchcui' Jesús lo'o ma̱; ñi'ya̱ laca quee bi' nu cua nchcua̱a̱ ma̱ ji'i̱, jua'a̱ laca ycui' Jesús, cha' ná ndaquiya' ma̱ ji'i̱ yu tsiya' ti. Pana juani loo la laca nu Jesús bi',

EFESIOS 2:20

Lcaa cu'ma̱ nu ngusñi ma̱ cha' ji'i̱ Cristo, cua laca ma̱ tya'a na; sca ti Cristo laca nu ndulo tsa cha' ji'i̱ cuentya ji'na. Xqui'ya Cristo, bi' cha' cua ndyanu tso'o cha' ji'i̱ ma̱ lo'o ycui' Ndyosi; xqui'ya Cristo, bi' cha' cua ngujui cña nu cua'ni scaa ma̱, cha' caca ma̱ cña ji'i̱ Ni, cha' cua ngua stu'ba cha' ji'i̱ ma̱ lo'o Ni. Ñi'ya̱ nti' sca ni'i̱ nu tso'o tsa ndya', jua'a̱ nti' ma̱. Tachaa tsa ntsu'u quiya' ni'i̱ bi', cha' ntsu'u sca quee tlyu nu cui'ya ji'i̱, nu ta juersa ji'i̱ ni'i̱ bi'; chu̱' bi' lijya̱ ndya' ña'a̱ tsaca ni'i̱ li'. Nu ngu' nu ngua tsa'a̱ ji'i̱ Jesús tya clyo, lo'o jua'a̱ jyo'o cusu' nu ngua tu'ba ji'i̱ ycui' Ndyosi nchcui' Ni lo'o ñati̱ nu ngua sa'ni la, ngu' bi' laca nu ngusta su̱u̱ cha', cha' ngusñi ma̱ cha' ji'i̱ ycui' Ndyosi; pana sca ti Cristo laca nu ndulo la cha' ji'i̱ cuentya ji'i̱ ma̱.

1 PEDRO 2:6

Ndi'ya̱ nscua cha' lo quityi ji'i̱ ycui' Ndyosi: Ña'a̱ ma̱ yi'a̱. Cua ngusubi na' ji'i̱ sca ñati̱ nu ndulo tsa cha' ji'i̱, ñi'ya̱ nti' sca quee tonu nu quiña'a̱ tsa nga'a̱, nacui̱ ycui' Ndyosi. Sta na' ji'i̱ ñati̱ bi' cha' caca quee nu nscua quiya' ni'i̱ 'na nde quichi̱ Sión. Lcaa ngu' nu xñi cha' nu nchcui' nu ñati̱ bi', caca tso'o tyiquee ngu' li'; cha' liñi tsiya' ti laca cha' nu nchcui' ñati̱ bi'. Jua'a̱ laca cha' nu nscua lo quityi bi'.