SAN LUCAS 2:49 - Chatino Tataltepec

⁴⁹ Li' nchcui' Jesús lo'o xtya'a̱ yu: ―¿Ni cha' ndya'a̱ ma̱ nclyana ma̱ jna'? ¿Ha ná jlo ti' cu'ma̱ cha' ntsu'u cha' cua'ni na' cña ji'i̱ Sti na'? ―nacui̱ Jesús li'.

SAN LUCAS 2:49 ပူးပေါင်းရင်းမြစ်များ

SAN MATEO 21:12

Lo'o li' ndyalaa Jesús to' laa tonu su ndu'ni tlyu ngu' ji'i̱ ycui' Ndyosi. Ndyatí̱ yu ndyaa yu ne' laa bi'. Li' ngulo'o yu ji'i̱ lcaa ngu' nde liya', ngu' nu ndyujui' yu'ba nde ne' laa bi', jua'a̱ lcaa ngu' nu ndi'i̱ ndyi'ya yu'ba bi'; nguxasu Jesús mesa su nchcutsa'a̱ ngu' cñi ji'i̱ ngu', nguxasu yu yaca su ntucua ngu' nu ndujui' paloma.

SAN LUCAS 2:48

Lo'o jua'a̱ ngu' cusu' ji'i̱ nu piti bi' ni, ndube tsa ti' ngu' bi' lo'o na'a̱ ngu' ji'i̱ yu cha' stu'ba ti ntucua yu lo'o ngu' tlyu bi'. Li' nchcui' xtya'a̱ yu lo'o yu: ―¿Ni cha' laca ngua'ni nu'u̱ jua'a̱, sñi'? ―nacui̱―. Quiña'a̱ tsa ngulacua ti' na' lo'o sti nu'u̱ macala su ndyanu nu'u̱.

SAN JUAN 4:34

Ndi'ya̱ nacui̱ Jesús ji'i̱ ngu' bi' li': ―Lo'o ndu'ni na' cña ji'i̱ ycui' Ndyosi Sti na', li' ndyaala' ti' na' ñi'ya̱ si cua ndyacu na', ñi'ya̱ si cua ndyo'o na' hitya ―nacui̱ yu―. Nga'a̱ cha' cua'ni tye na' cña nu nda Ni 'na lijya̱a̱ nde chalyuu ―nacui̱―.

SAN JUAN 5:17

Pana nguxtyacui Jesús cha' lo'o ngu' li': ―Tya lyiji tye cua'ni Sti na' cña ―nacui̱ Jesús―, lo'o jua'a̱ na', tya ndyu'ni na' cña.

SAN JUAN 5:36

Pana xti ti cha' 'na nchcui' Juan lo'o ma̱; cua quiña'a̱ la cha' caca ña'a̱ ma̱ juani cuentya jna', nu lo'o ña'a̱ ma̱ cña tonu nu nda Sti na' 'na cha' cua'ni na'. Tya cua'ni na' cña bi' ña'a̱ cuayá' tye bi'. Xqui'ya cña bi' caca cuayá' ti' ma̱ cha' ycui' Sti na' ngulo cña jna' cha' ca̱a̱ na' nde chalyuu re ―nacui̱ Jesús―.

SAN JUAN 6:38

Cua ngutu'u na' nde slo ycui' Ndyosi Sti na', lijya̱ na' nde lo yuu cha' cua'ni na' cña nu ngulo Sti na' 'na; si'i cha' cua'ni na' ñi'ya̱ nu nta̱' cua'ni ta̱ ―nacui̱ Jesús―.

SAN JUAN 8:29

Lcaa tsa̱ ndi'i̱ Ni lo'o na', ycui' Ni laca nu nda jna' lijya̱a̱ re. Ná nguxtyanu Sti na' jna', cha' xcui' cña nu ndiya ti' Ni, bi' laca cña nu ndu'ni na'.

SAN JUAN 9:4

Lo'o tya xee nga'a̱ cha' cua'ni na cña ―nacui̱ Jesús―, lo'o cua ndyaa cuichaa nga'aa caca cua'ni ni sca na cña li'. Lo'o jua'a̱ laca lo'o na' ―nacui̱―, nga'a̱ cha' cua'ni na' lcaa ña'a̱ cña nu ngulo ycui' Ndyosi jna' lo'o nda Ni jna' lijya̱ na' ca nde ―nacui̱ Jesús―.