SAN LUCAS 2:37 - Chatino Tataltepec

³⁷ Ndyanu ti'i ma' tyucui tyempo lo'o ndi'i̱ ma' chalyuu, lo'o nu juani ntsu'u jacuayala ntucua jacua yija̱ ma'. Tyucui tyempo ndi'i̱ ma' ca ne' laa tlyu bi', nde tsa̱ lo'o jua'a̱ nde talya ndyu'ni tlyu ma' ji'i̱ ycui' Ndyosi; ná ndacu ma' tyaja hora lo'o nchcui' ma' lo'o ycui' Ndyosi.

SAN LUCAS 2:37 ပူးပေါင်းရင်းမြစ်များ

SAN LUCAS 5:33

Li' nchcuane ngu' ji'i̱ Jesús: ―Lo'o ngu' nu ndyaca tsa'a̱ ji'i̱ Juan, lo'o ngu' nu ndyaca tsa'a̱ ji'i̱ ngu' fariseo, ¿ni cha' lu'ba ti nchcui' ngu' bi' lo'o ycui' Ndyosi? Lo'o jua'a̱ ná ndacu ngu' tyaja tsa̱ bi' lo'o nchcui' ngu' lo'o Ni. Pana ngu' nu ndyaca tsa'a̱ jinu'u̱ ni, xa' ña'a̱ ndu'ni ngu' bi'; xcui' tso'o tsa ndacu ngu', xcui' tso'o tsa ndyi'yu ngu' ―nacui̱ ngu' ji'i̱ Jesús.

LOS HECHOS 13:3

Tyu̱u̱ hora ná ndyacu ngu' li', cha' tsa cu' ti nchcui' ngu' lo'o ycui' Ndyosi. Li' ngusta ya' lcaa tya'a ñati̱ ji'i̱ Jesucristo bi' hique Bernabé, lo'o jua'a̱ hique Saulo, cha' tso'o ti tsaa ngu' ca su cua'ni ngu' cña cuentya ji'i̱ ycui' Ndyosi.

LOS HECHOS 14:23

Lo'o jua'a̱ ngusubi Pablo lo'o Bernabé ji'i̱ ñati̱ cha' caca ngu' loo ji'i̱ scaa taju ñati̱ ji'i̱ Jesucristo nu ndi'i̱ scaa quichi̱ tyi ngu'; ngua'ni Pablo lo'o Bernabé cña bi' lcaa quichi̱ su ndyaa ngu'. Tyu̱u̱ hora ná ndyacu ngu' tyaja tsa̱ nu lo'o nchcui' ngu' lo'o ycui' Ndyosi cha' subi ngu' ji'i̱ ñati̱ nu caca loo ji'i̱ taju tya'a ngu'. Ndijña ngu' ji'i̱ ycui' nu Xu'na na cha' cua'a Ni ji'i̱ ngu' bi', cha' ná caca cuxi ji'i̱ ngu', cha' tso'o tsa ngusñi lcaa ñati̱ bi' cha' ji'i̱ ycui' Ni.

LOS HECHOS 26:7

Ca ta'a tii tyucuaa tya'a taju ngu' Israel nu laca ngu' tya'a na ni, ntajatya ngu' ni jacua' cua'ni ycui' Ndyosi cha' tyu'ú lcaa jyo'o chaca quiya'; bi' cha' ndu'ni tlyu ngu' ji'i̱ ycui' Ndyosi, lcaa tsa̱ lo'o lcaa talya ndu'ni tlyu ngu' ji'i̱ Ni. La cui' jua'a̱ lo'o na', jlya ti' na' cha' bi', rey Agripa; bi' cha' laca ngusta ngu' judío tya'a na qui'ya jna'.

1 TIMOTEO 5:5

Sca ti ji'i̱ ycui' Ndyosi ndu̱ ti' ngu' cuna'a̱ ti'i nu chañi cha' ndyanu ycui' ti ngu'; sca ti ycui' Ni xtyucua Ni ji'i̱ ngu' nti' ngu', bi' cha' nchcui' ngu' lo'o ycui' Ndyosi tsa̱ lo'o talya, ndijña ngu' ji'i̱ Ni na ca nu lyiji ji'i̱ ngu'.

APOCALIPSIS 3:12

Cua ña'a̱ ca ñati̱ nu tyiji̱loo ji'i̱ nu xña'a̱ ni, tlyu tsa caca ñati̱ bi' laja ñati̱ 'na lo'o cua ndyee chalyuu; tso'o tsa tyi'i̱ ngu' bi' ca su ndi'i̱ na'. Scua na' xtañi ycui' Ndyosi Sti na' loo ngu' bi', lo'o jua'a̱ scua na' ni naa quichi̱ tlyu nu ca ji'i̱ ycui' Ni; Jerusalén cucui naa quichi̱ bi'. Tyu'u bi' nde su ntucua ycui' Ndyosi, ca̱a̱ ca'ya bi' lo yuu. Jua'a̱ scua na' xtañi ycui' na' loo ngu' bi', cha' laca ngu' ñati̱ 'na.

APOCALIPSIS 7:15

Bi' cha' ndu̱ ngu' nde loo su tlyu su ntucua ycui' Ndyosi juani ―nacui̱ nu cusu' bi'―, cha' tsa̱ lo'o talya ndyu'ni ngu' bi' cña ji'i̱ Ni ca su ndi'i̱ Ni. Ycui' Ni nu ntucua lo yaca xlya tlyu bi' tyanu cacua ti su ndi'i̱ ngu', cha' cua'a ji'i̱ ngu' cha' ná tyacua cha' cuxi ji'i̱ ngu'.