SAN LUCAS 2:28 - Chatino Tataltepec

²⁸ Li' ndaya' Simeón ji'i̱ nu cubi' bi', nguxana ndyu'ni tlyu yu ji'i̱ ycui' Ndyosi xqui'ya cubi' bi' li'. Ndi'ya̱ nacui̱ yu ji'i̱ Ni:

SAN LUCAS 2:28 ပူးပေါင်းရင်းမြစ်များ

SAN MARCOS 10:16

Lo'o li' ndyala' Jesús ji'i̱ nu sube bi', ngulacua̱ yu ji'i̱ nu sube lo'o ngusta ya' yu hique ngu'.

SAN MARCOS 9:36

Lo'o li' ndu'u Jesús sca la'a ti, ñaa lo'o ji'i̱ sca nu sube slo ngu'. Li' nguxatu̱ yu ji'i̱ nu piti bi' nde loo su ndi'i̱ ngu'. Laja lo'o ngüityi Jesús ji'i̱ nu piti bi', li' nchcui' yu lo'o ngu' chaca quiya':

SAN LUCAS 1:46

Li' ngua'ni tlyu María ji'i̱ ycui' Ndyosi: Tyucui tyiquee na' cua'ni tlyu na' ji'i̱ ycui' nu Xu'na na', nacui̱ María.

SAN LUCAS 1:64

Hora ti ndyaala tu'ba Zacarías, nguxana ndyu'ni tlyu yu ji'i̱ ycui' Ndyosi li'.

SAN LUCAS 1:68

Ntsu'u cha' cua'ni tlyu na ji'i̱ ycui' Ndyosi nu Xu'na na, nu laca ycui' Ndyosi ji'na ngu' Israel, nacui̱ nu cusu' bi' li'. Cua chaca quiya' nguxana nchcui' Ni lo'o ngu' tya'a na nu laca na ñati̱ ji'i̱ ycui' Ni, juani ndyu'ni Ni cña cha' clyaá na ji'i̱ nu cuxi.

SAN LUCAS 2:20

Li' ngutu'u ngu' nu ndya'a̱ cua̱ ji'i̱ xlya', ndyaa ngu'; tso'o tsa ndyu'ni tlyu ngu' ji'i̱ ycui' Ndyosi cuentya ji'i̱ lcaa cha' nu cua ndyuna ngu', cuentya ji'i̱ lcaa cha' nu cua na'a̱ ngu'. Chañi cha' cua nteje tacui cha' bi', lcaa cha' nu cua nchcui' xca̱ lo'o ngu' bi'.

SAN LUCAS 2:27

Tsa̱ bi' ngua'ni Xtyi'i ycui' Ndyosi cha' ndyaa nu cusu' bi' ca ne' laa tlyu, bi' cha' ndyaa clya nu cusu' bi' li'. Ndi'i̱ yu lo'o ndyalaa sti xtya'a̱ Jesús, ñaa lo'o ngu' ji'i̱ cubi' cha' cua'ni ngu' lo'o cua ña'a̱ ca cha' cusu' nu nscua cha' cua'ni ngu' ne' laa.

SAN LUCAS 2:29

Ndyosi Xu'na ya, cua nda nu'u̱ chacuayá' cha' cajaa na' tso'o ti, nacui̱ yu ji'i̱ ycui' Ndyosi. Cua ndye ngua'ni nu'u̱ cña nu nacui̱ nu'u̱ cha' caca jna', cha' ndyu'ni na' cña cuentya jinu'u̱, nacui̱ nu cusu' bi'.