SAN LUCAS 2:27 - Chatino Tataltepec

²⁷ Tsa̱ bi' ngua'ni Xtyi'i ycui' Ndyosi cha' ndyaa nu cusu' bi' ca ne' laa tlyu, bi' cha' ndyaa clya nu cusu' bi' li'. Ndi'i̱ yu lo'o ndyalaa sti xtya'a̱ Jesús, ñaa lo'o ngu' ji'i̱ cubi' cha' cua'ni ngu' lo'o cua ña'a̱ ca cha' cusu' nu nscua cha' cua'ni ngu' ne' laa.

SAN LUCAS 2:27 ပူးပေါင်းရင်းမြစ်များ

SAN MATEO 4:1

Lo'o li' ndyaa lo'o Xtyi'i ycui' Ndyosi ji'i̱ Jesús ca ne' quixi̱' su btyi tsa yuu, su ná ndi'i̱ ñati̱, cha' tyacua tya'a yu lo'o nu xu'na cuiñaja cajua. Ngua ti' nu bi' tyiji̱loo ji'i̱ Jesús.

SAN LUCAS 2:22

Tiya' la li', lo'o ndye nguxco'o ngu' tsa̱ cuentya ji'i̱ lcaa cha' nu nguscua jyo'o Moisés lo quityi sa'ni cha' cua ngula cubi', li' ndyaa lo'o ngu' ji'i̱ nu piti Jesús bi' ca quichi̱ Jerusalén cha' tya ngu' xlya'be ji'i̱ ycui' Ndyosi cuentya ji'i̱ cubi' bi'.

SAN LUCAS 2:28

Li' ndaya' Simeón ji'i̱ nu cubi' bi', nguxana ndyu'ni tlyu yu ji'i̱ ycui' Ndyosi xqui'ya cubi' bi' li'. Ndi'ya̱ nacui̱ yu ji'i̱ Ni:

SAN LUCAS 2:41

Lcaa yija̱ ndya'a̱ ngu' cusu' ji'i̱ nu piti bi' ta'a nde quichi̱ Jerusalén, cha' ca bi' ndyu'ni tlyu ngu' ta'a pascua.

SAN LUCAS 2:48

Lo'o jua'a̱ ngu' cusu' ji'i̱ nu piti bi' ni, ndube tsa ti' ngu' bi' lo'o na'a̱ ngu' ji'i̱ yu cha' stu'ba ti ntucua yu lo'o ngu' tlyu bi'. Li' nchcui' xtya'a̱ yu lo'o yu: ―¿Ni cha' laca ngua'ni nu'u̱ jua'a̱, sñi'? ―nacui̱―. Quiña'a̱ tsa ngulacua ti' na' lo'o sti nu'u̱ macala su ndyanu nu'u̱.

SAN LUCAS 2:51

Li' ndu'u nu piti bi' ndyaa nde Nazaret chaca quiya' lo'o ngu' cusu' ji'i̱ yu. Ña'a̱ ti tya ndaquiya' tsa yu ji'i̱ cha' nu nchcui' ngu' bi'. Lo'o jua'a̱ xtya'a̱ yu ni, nchco'o ma' lcaa cha' bi' ne' cresiya ji'i̱.

SAN LUCAS 4:1

Ngutsa'á̱ tyiquee Jesús ndi'i̱ Xtyi'i ycui' Ndyosi ne' cresiya ji'i̱, nu lo'o ndu'u Jesús to' sta'a̱ Jordán ñaa chaca quiya'; nde sca nati̱' btyi su ná ndi'i̱ ñati̱ ndyaa li',

LOS HECHOS 10:19

Laja li' quiña'a̱ tsa ngulacua ti' Pedro ni cha' nchcui' xcalá yu, lo'o li' nchcui' Xtyi'i ycui' Ndyosi lo'o yu: ―Cua ndyalaa sna tya'a ñati̱ nclyana ngu' jinu'u̱ ―nacui̱ Ni ji'i̱ Pedro ña'a̱ ntucua ti yu que ni'i̱―.

LOS HECHOS 11:12

Nchcui' Xtyi'i ycui' Ndyosi lo'o na' li', cha' ná culacua tsa ti' na', cha' tsa'a na' lo'o ngu' bi'. Ca ta'a scua ñati̱ re ndyaa ngu' lo'o na' slo ñati̱ bi' ca quichi̱ Cesarea.

LOS HECHOS 16:7

ndyalaa ngu' tyucui̱i̱ nu tsaa ca loyuu su cuentya Misia li'. Ngulacua ti' ngu' cha' tya tsaa la ngu' ca loyuu su cuentya Bitinia, pana ná nda Xtyi'i ycui' Jesús chacuayá' cha' tsaa ngu' cajua;

LOS HECHOS 8:29

Nchcui' ycui' Ndyosi lo'o Felipe li'; Xtyi'i ycui' Ni nu ndyanu ne' cresiya ji'i̱ Felipe nchcui' ndi'ya̱: ―Yaa nu'u̱ cha' jyacua ji'i̱ carreta jua ―nacui̱ Ni ji'i̱ Felipe.

GÁLATAS 4:4

Pana lo'o cua ndyalaa tsa̱ nu ndu'u scua cha' nu ngüiñi ji'i̱ Ni lo'o na, li' cua nda ycui' Ndyosi ji'i̱ Sñi' ycui' ca Ni ñaa chalyuu; sñi' sca nu cuna'a̱ ngu' judío ngua nu Jesús bi', lo'o jua'a̱ ndaquiya' tsa yu ji'i̱ lcaa cha' cusu' nu jlya ti' ngu' judío.

APOCALIPSIS 1:10

Tsa̱ clyo ji'i̱ semana ngua, tsa̱ ji'i̱ ycui' nu Xu'na na, li' tyucui ña'a̱ na' ngua tii na' cha' ngua'ya Xtyi'i ycui' Ndyosi lo na' tsiya' ti; nga'aa ngua cua'ni na' xa' la cha'. Li' ndyuna na' cha' nchcui' tsaca ñati̱ nde chu̱' su ndu̱ na'; cui̱i̱ ngusi'ya bi' lo'o nchcui', ñi'ya̱ ndañi nclya'á ngu' sca cui'chcua̱.

APOCALIPSIS 17:3

Li' ndyalo'o Xtyi'i ycui' Ndyosi 'na, ndyaa na' lo'o sca xca̱ ji'i̱ ycui' Ni ca ne' quixi̱' su ná ndi'i̱ ñati̱. Ca bi' na'a̱ na' su ntucua sca nu cuna'a̱ hichu̱' sca na'ni nga'a, nu chiya'a̱ tsa ña'a̱; hichu̱' ni' nscua quiña'a̱ tsa cha' cuxi, nu ti'í tsa nchcui' ji'i̱ ycui' Ndyosi. Ntucua cati tya'a hique ni', cuati ntucua tii tya'a sata ni'.