SAN LUCAS 19:47 - Chatino Tataltepec

⁴⁷ Lcaa tsa̱ ndya'a̱ Jesús nclyu'u ji'i̱ ngu' ne' laa bi'. Lo'o ngu' sti jo'ó nu laca loo, lo'o mstru cha' jo'ó, lo'o ngu' cusu' ji'i̱ quichi̱, ndya'a̱ ngu' nclyana ngu' ñi'ya̱ caca cua'ni ngu' cha' cujuii ngu' ji'i̱ Jesús.

SAN LUCAS 19:47 ပူးပေါင်းရင်းမြစ်များ

SAN MATEO 21:23

Nu lo'o ndyalaa ngu' quichi̱ tlyu bi', li' xa' ndyatí̱ Jesús ndyaa ne' laa tonu bi'; nclyu'u yu ji'i̱ ñati̱ chaca quiya'. Lo'o li' na'a̱ sti jo'ó nu laca loo lo'o xa' la ngu' cusu' nu laca loo, na'a̱ ngu' ji'i̱ Jesús. Hora ti ñaa ngu' bi' slo yu cha' xcuane ngu' cha' ji'i̱ yu li': ―¿Tilaca laca nu nda chacuayá' jinu'u̱ cha' cua'ni nu'u̱ ñi'ya̱ nu ndyu'ni nu'u̱ juani? ―nacui̱ ngu' nu laca loo bi' ji'i̱ Jesús―. ¿Ma nde ngujui chacuayá' cua jinu'u̱? ―nacui̱ ngu' bi' ji'i̱.

SAN MATEO 26:55

Li' nchcui' Jesús lo'o nu taju ñati̱ tyaala nu ñaa cha' xñi ngu' ji'i̱: ―¿Ni cha' lijya̱ ma̱ lo'o maxtyi cusu̱u̱ lo'o yaca ntsu'u ya' ma̱, cha' xñi ma̱ 'na? ―nacui̱ Jesús ji'i̱ ngu'―. ¿Ha sca nu cuaana laca na' lacua? Tyu̱u̱ tsa tsa̱ ngua'a̱ na' ne' laa tonu ji'i̱ ma̱, ngulu'u na' cha' ji'i̱ ycui' Ndyosi ji'i̱ ñati̱, lo'o ná ngusñi ma̱ 'na li'.

SAN MARCOS 11:18

Ndyuna sti jo'ó nu laca loo cha' bi', jua'a̱ ndyuna mstru cha' jo'ó. Na'a̱ ngu' cha' quiña'a̱ tsa ñati̱ ndaquiya' ngu' ji'i̱ cha' nu nclyu'u Jesús ji'i̱ ngu', bi' cha' ntsi̱i̱ nu ngu' tlyu bi' si caca tlyu la Jesús; ngua ti' nu ngu' tlyu bi' si caja ñi'ya̱ caca cujuii ngu' ji'i̱ Jesús li'.

SAN MARCOS 12:12

Lo'o li' ngua ñasi̱' nu ngu' tlyu bi' ji'i̱ Jesús, cha' ngua tii ngu' bi', cha' cua nchcui' Jesús cha' ji'i̱ ycui' ngu' bi' laja lo'o nda yu cui̱i̱ bi' lo'o ngu'. Xñi ngu' bi' ji'i̱ Jesús ngua ti' ngu'; pana ná ngua ji'i̱ ngu', cha' ntsi̱i̱ ngu' ji'i̱ nu ñati̱ quiña'a̱ bi'. Bi' cha' ndu'u nu ngu' tlyu bi', ndyaa ngu' li'.

SAN MARCOS 14:1

Tya lyiji tya tyucuaa tsa̱ cha' caca ta'a pascua, li' ndyaca ta'a su ndacu ngu' xlyá nu ná ndya' lo'o scua̱ tiye'. Nclyana sti jo'ó nu laca loo, nclyana mstru cha' jo'ó, ñi'ya̱ nu cua'ni ngu' cha' caca tejeya' ngu' ji'i̱ Jesús cuaana ti, cha' cujuii ngu' ji'i̱.

SAN MARCOS 14:49

Tyu̱u̱ tsa tsa̱ na'a̱ ma̱ 'na lo'o nga'a̱ na' ne' laa tonu, ngulu'u na' cha' ji'i̱ ycui' Ndyosi ji'i̱ ñati̱, pana ná ntejeya' ma̱ 'na li'. Jlo ti' na' ñi'ya̱ nu ndyaca juani, cha' la cui' ña'a̱ cha' nu nscua lo quityi ji'i̱ ycui' Ndyosi cuentya jna', jua'a̱ ndyaca juani.

SAN LUCAS 19:48

Pana ná ngujui ñi'ya̱ nu cua'ni ngu' cha' cuxi bi', cha' cua quiña'a̱ tsa ñati̱ ndya'a̱ lo'o yu, lo'o jua'a̱ ndiya tsa ti' ngu' nduna ngu' cha' nu nchcui' yu.

SAN LUCAS 20:19

Lo'o li' lcaa sti jo'ó nu laca loo lo'o ngu' mstru cha' jo'ó, ngua ti' ngu' cha' xñi ngu' ji'i̱ Jesús cha' tyaa lo'o ngu' ji'i̱ preso la cui' hora bi'; cua ngua cuayá' ti' ngu' bi', cha' ji'i̱ ycui' ngu' nchcui' Jesús lo'o nchcui' yu cui̱i̱ bi'. Pana ntsi̱i̱ ngu' xi ji'i̱ ñati̱ quichi̱ bi'.

SAN JUAN 10:39

Chaca quiya' ngua'ni cuayá' ngu' si caca taya' ngu' ji'i̱ Jesús. Li' nga'aa ndyanu yu, laja ti ngu' ngutu'u yu ngulaá yu ji'i̱ ngu'.

SAN JUAN 18:20

Li' nguxacui̱ Jesús cha' ji'i̱ sti jo'ó bi': ―Lcua ti se'i̱ su ndya'a̱ na', liñi nchcui' na' lo'o ngu' ña'a̱ cuayá' nu cuna lcaa ñati̱ ―nacui̱ yu―. Masi ne' laa sube ti, masi ne' laa tlyu, lcaa su ndyu'u ti'i̱ ngu' judío, ca bi' ngulu'u na' ji'i̱ ngu'; ni sca quiya' ná nchcui' na' cuaana ti lo'o ngu'.

SAN JUAN 7:19

’¿Ha si'i la cui' jyo'o cusu' Moisés nu ngulu'u ji'na cha' cua'ni na lcaa cña nu nti' ycui' Ndyosi? Pana ná ndaquiya' ma̱ tsiya' ti ji'i̱ cha' bi' ―nacui̱ Jesús―. Lo'o nu juani nti' ma̱ cujuii ma̱ jna'. ¿Ni cha' laca bi'?

SAN JUAN 7:44

Pana ná tucui ntejeya' ji'i̱ yu, masi ntsu'u ngu' nu ngua ti' ngu' xñi ngu' ji'i̱.