SAN LUCAS 19:42 - Chatino Tataltepec

⁴² ―Masi tsa̱ juani ti nu lo'o tya ndyiji xi tyempo ji'i̱ ma̱, si tyaja'a̱ ma̱ cuna ma̱, taca ta na' sca cha' lo'o ma̱; tso'o tsa caca ji'i̱ ma̱ li', ti̱ ti tyi'i̱ ma̱ li'. Pana juani ―nacui̱ Jesús―, ná nchca ca cuayá' ti' ma̱ cha' re, cha' cua ntsu'u yacu̱' ti cha' re ji'i̱ ma̱ ―nacui̱―.

SAN LUCAS 19:42 ပူးပေါင်းရင်းမြစ်များ

SAN LUCAS 19:41

Lo'o cua ndyalaa Jesús cacua ti to' quichi̱ Jerusalén, ngusi'ya tsa yu lo'o na'a̱ yu quichi̱ bi'. Li' nacui̱ yu ji'i̱ ngu':

SAN LUCAS 19:43

Pana tyalaa sca tsa̱ cuxi ji'i̱ ma̱. Lo'o li' cuiñá ngu' tya'a cusu̱u̱ ma̱ ngutu yuu tyucui ña'a̱ to' quichi̱. Li' su'ba lo'o ngu' bi' tyucui ña'a̱ to' quichi̱.

SAN LUCAS 19:44

Cuityi̱ ngu' quichi̱ tyi ma̱, ña'a̱ lo yuu ti, cujuii ngu' ji'i̱ tya'a ndi'i̱ ma̱; ná xtyanu ngu' ni sca quee nscua chu̱' tya'a quichi̱ tyi ma̱, xqui'ya cha' ná ndyuloo ma̱ jna' hora juani lo'o ñaa na' nu laca na' Sñi' ycui' Ndyosi ca su ndi'i̱ ma̱.

LOS HECHOS 10:36

Cua nda ycui' Ndyosi cha' lo'o ya nu laca ya ngu' Israel, cha' ti̱ ti tyi'i̱ cresiya ji'i̱ ñati̱ chalyuu xqui'ya Jesucristo, nu laca Xu'na lcaa ñati̱.

LOS HECHOS 13:46

Pana ná ndyutsi̱i̱ Pablo lo'o Bernabé cha' xacui̱ ngu' cha' ji'i̱ ngu' judío bi': ―Clyo ntsu'u cha' chcui' ya cha' ji'i̱ ycui' Ndyosi lo'o ma̱ nquicha', cha' ngu' judío tya'a na laca ma̱. Pana juani tsaa ya culu'u ya cha' bi' ji'i̱ ngu' xa' tsu', xqui'ya cha' ná ntaja'a̱ ma̱ cuna ma̱ cha' nu nchcui' ya. Na cua ngüiñi cha' ji'i̱ ma̱ lo'o tya'a ma̱, cha' ná nti' ma̱ caja chalyuu nu ná nga'a̱ cha' tye ji'i̱ ma̱.

HEBREOS 3:13

Ná tso'o si cñilo'o nu cuxi ji'i̱ ma̱, lo'o li' xana caca cuxi cresiya ji'i̱ ma̱. Bi' cha' lcaa tsa̱ nga'a̱ cha' xtyucua ma̱ ji'i̱ tya'a ma̱, cha' tyanu tachaa la cha' ji'i̱ Jesús ne' cresiya ji'i̱ ngu' tya'a ma̱, cha' ná cñilo'o nu cuxi ji'i̱ ma̱ tyucui lo'o tya ndi'i̱ ti ma̱ chalyuu.

HEBREOS 3:15

Ndi'ya̱ nchcui' ycui' Ndyosi cha' nu nscua lo quityi bi': Juani ti cua'a̱ jyaca̱ ma̱ ji'i̱ cha' nu ta na' lo'o ma̱: Nga'aa tyu'u cha' cuxi tyiquee ma̱ ña'a̱ ma̱ 'na chaca quiya', nga'aa cua'ni ma̱ ñi'ya̱ ngua'ni jyo'o cusu' ji'i̱ ma̱ tsaca quiya' tya sa'ni la; nu ngua li' lye tsa ngusu̱u̱ tya'a ngu' lo'o na'.

HEBREOS 3:7

Lo quityi cua nscua sca cha' nu nda Xtyi'i ycui' Ndyosi lo'o ñati̱ sa'ni. Ndi'ya̱ nchcui' Ni lo'o ngu' tya li': Juani ti cua'a̱ jyaca̱ ma̱ ji'i̱ cha' nu nda na' lo'o ma̱: