SAN LUCAS 19:38 - Chatino Tataltepec

³⁸ ―Tso'o tsa ndyu'ni ycui' Ndyosi xqui'ya yu nu lijya̱ re chacuayá' ji'i̱ ycui' Ni nu Xu'na na, cha' caca nu nde loo ji'na ―nacui̱ ngu'―. Ti̱ ti tyi'i̱ lcaa na nu ntsu'u nde cua̱, nu cuentya ji'i̱ ycui' Ni laca. Masi juani ti cua'ni tlyu na ji'i̱ ycui' Ndyosi.

SAN LUCAS 19:38 ပူးပေါင်းရင်းမြစ်များ

SAN MATEO 2:2

―¿Macala ndi'i̱ cubi' nu ngula tsubi' ti bi'? ―nacui̱ ngu'―. Rey ji'i̱ cu'ma̱ ngu' judío laca cubi' bi' ―nacui̱ ngu'―. Cua na'a̱ ya cuii cucui nu ndacui cua̱ cuentya ji'i̱ cubi' bi', bi' cha' ndyalaa ya ca nde cha' cua'ni tlyu ya ji'i̱ cubi' bi' juani.

SAN MATEO 21:9

Lo'o lcaa ngu' nxi'ya ngu' cha' chaa ti' ngu', masi ngu' nu ndyaa nde loo la, masi ngu' nu ñaa nde chu̱' la; chaa tsa ti' lcaa ngu' bi'. ―Cua'ni tlyu ya jinu'u̱, cha' la cui' ñati̱ tya'a ji'i̱ jyo'o rey David laca nu'u̱ ―nacui̱ ngu' ji'i̱ Jesús―. Tso'o tsa cua'ni ycui' Ni lo'o nu'u̱ cha' lijya̱ nu'u̱ lo'o chacuayá' ji'i̱ ycui' nu Xu'na na. Masi juani ti, cua'ni tlyu na ji'i̱ ycui' Ndyosi ―nacui̱ ngu'.

SAN MATEO 25:34

Ca li' lo'o caca na' loo tsiya' ti, chcui' na' lo'o taju ñati̱ nu ndi'i̱ la'a tsu' cui̱ 'na: “Tya̱a̱ ma̱ ca su ntucua ycui' Ni nu laca loo, lcaa cu'ma̱ nu tso'o tsa nti' ycui' Ndyosi Sti na' ña'a̱ Ni ji'i̱ ma̱, cha' cua ngua'ni cho'o ycui' Ni su tyi'i̱ ma̱ slo Ni, tya lo'o ngüiñá Ni chalyuu.

SAN MATEO 25:40

Lo'o li' na' nu laca na' loo tsiya' ti, chcui' na' chaca quiya' lo'o ngu' bi': “Cha' liñi nchcui' na' lo'o ma̱ juani, cha' lo'o nguxtyucua ma̱ ji'i̱ sca ngu' tya'a na' nu ntsu'u cha' ji'i̱ lo'o na', masi nguxtyucua ma̱ ji'i̱ sca ngu' ti'i ti, bi' tyempo ngua lo'o nguxtyucua ma̱ 'na”.

SAN LUCAS 13:35

Bi' cha' xñi'i̱ ti' tyanu quichi̱ tyi ma̱ juani. Nga'aa ña'a̱ ma̱ 'na ña'a̱ cuayá' nu tyalaa tyempo nu chcui' ma̱ cha' 'na: “Tso'o tsa ndyu'ni ycui' Ndyosi xqui'ya yu nu lijya̱ chacuayá' ji'i̱ ycui' nu Xu'na na”, ñacui̱ ma̱ li'.

ROMANOS 5:1

Jua'a̱ laca lacua; xqui'ya cha' ngusñi ti na cha' ji'i̱ Jesús, bi' cha' cua ngua tso'o cresiya ji'na cuentya ji'i̱ ycui' Ndyosi. Lo'o li' ti̱ ti ndi'i̱ tyiquee na, stu'ba ti ntsu'u cha' ji'na lo'o ycui' Ndyosi xqui'ya Jesucristo nu Xu'na na.

EFESIOS 1:12

Jua'a̱ ngua cha' nu ngua'ni Ni, cha' taca chcui' ñati̱ cha' tlyu tsa laca Ni, nu lo'o ña'a̱ ngu' ji'i̱ ya laja lo'o ndi'i̱ ya nde chalyuu; cha' nu cuare ni, cua ngusñi ya cha' ji'i̱ Cristo nde loo la ji'i̱ xa' ñati̱.

EFESIOS 1:6

Lo'o juani ntsu'u cha' cua'ni tlyu na ji'i̱ ycui' Ndyosi, cha' jua'a̱ tlyu tsa cha' tso'o nu ngua'ni Ni lo'o na. Xlya'be tsa nti' Ni ña'a̱ Ni ji'na, cha' cua nda Ni ji'i̱ Sñi' ycui' ca Ni lijya̱, nu tyaca'a tsa ji'i̱ Ni, cha' jua'a̱ caca stu'ba cha' ji'na lo'o Ni.

EFESIOS 3:10

pana juani caca cuayá' ti' lcaa cui'i̱ nu laca loo nde cua̱, nu lo'o ña'a̱ cui'i̱ bi' ji'i̱ ñati̱ chalyuu nu tsa tlyu ti ndyu'ni tlyu ji'i̱ Cristo. Lo'o jua'a̱ cui'i̱ nu ngua ti' tyiji̱loo ji'i̱ ycui' Ndyosi sa'ni la ni, caca cuayá' ti' cui'i̱ bi' cha' nchca la ji'i̱ ycui' Ndyosi que cua ña'a̱ ca na nu ngüiñá ycui' Ni.

EFESIOS 3:21

Cua'ni tlyu na ji'i̱ ycui' Ndyosi, lcaa na nu tsa tlyu ti ndyu'ni tlyu na ji'i̱ Ni; la cui' ti tlyu tsa laca Ni cuentya ji'i̱ Jesucristo. Jua'a̱ caca ji'i̱ Ni tyucui tyempo nde chalyuu, la cui' ti ná ntsu'u tsa̱ nu tye cha' ji'i̱ Ni tsiya' ti. Jua'a̱ caca cha' tu'ni.

COLOSENSES 1:20

cha' jua'a̱ ngua ti' Ni cua'ni Ni, cha' chaca quiya' caca Ni loo ji'i̱ tyucui ña'a̱ chalyuu xqui'ya yu bi'. Cua nguaala' cha' ji'i̱ ycui' Ndyosi lo'o ñati̱ chalyuu lo'o ngujuii Cristo lo crusi xqui'ya na; jua'a̱ ngua'ni yu cha' xa' caca tyucui ña'a̱ chalyuu cuentya ji'i̱ ycui' Ndyosi chaca quiya', masi nde lo yuu chalyuu, masi nde cua̱.

1 TIMOTEO 1:17

Bi' cha' cua'ni tlyu na ji'i̱ ycui' Ndyosi juani, cua'ni chi̱ na loo Ni, cha' ná tye tsa̱ nu laca Ni loo tyucui ña'a̱ chalyuu; ná tye cha' ji'i̱ ycui' Ndyosi, cha' ná ntsu'u cha' cajaa Ni. Ná nchca ji'na ña'a̱ na ji'i̱ Ni cha' laca na ñati̱ chalyuu ti, pana sca ti ycui' Ni laca ycui' Ndyosi. Jua'a̱ laca cha' ji'i̱ Ni tu'ni.

1 PEDRO 1:12

Pana ná nquije cha' bi' ji'i̱ ngu' bi' li'; sca ti cha' nchcui' ycui' Ni lo'o ngu' bi', cha' si'i ycui' ngu' bi' laca nu ca cuayá' tso'o ti' ñi'ya̱ caca cha' bi' tyempo nde loo la. Pana cu'ma̱ ni, nu lijya̱ chalyuu nde loo la ji'i̱ ngu' jyo'o bi', nchca cuayá' ti' ma̱ juani, xqui'ya cha' cua ndyuna ma̱ lcaa cha' tlyu nu ngua'ni Jesucristo. Cua ndacha' liñi ya cha' bi' ji'i̱ ma̱; chacuayá' ji'i̱ Xtyi'i ycui' Ndyosi ngulu'u ya cha' bi' ji'i̱ ma̱, cha' cua nda ycui' Ndyosi Xtyi'i ycui' Ni lijya̱ lo ya nde chalyuu. Lo'o jua'a̱ lcaa xca̱ ji'i̱ ycui' Ni nu ndi'i̱ slo Ni, lcaa ngu' bi' nti' tsa ngu' ca cuayá' ti' ngu' lcaa cha' nu ngua ji'i̱ Cristo lo'o ñaa yu nde chalyuu.