SAN LUCAS 19:14 - Chatino Tataltepec

¹⁴ Pana nu ñati̱ tya'a quichi̱ tyi yu, ná tso'o nti' ngu' ña'a̱ ngu' ji'i̱ yu. Li' ngua'a̱ lo ngu' bi' cña ji'i̱ sca taju ñati̱ cha' tsaa lca'a̱ ngu' ji'i̱ yu, cha' ñacui̱ ngu' ji'i̱ nu laca loo tyijyu' ndi'ya̱: “Ná nti' ya cha' caca nu qui'yu jua rey ji'i̱ ya, cha' caca yu loo quichi̱ tyi ya”, nacui̱ ngu'. Pana ná ndube ti' nu laca loo tsiya' ti bi', cha' nchcui' ngu' jua'a̱.

SAN LUCAS 19:14 ပူးပေါင်းရင်းမြစ်များ

SAN LUCAS 14:32

Lo'o si jlo ti' cha' ná caca ji'i̱ rey bi', nu lo'o tya tyijyu' lijya̱ nu chaca rey bi', li' hora ti ta yu ji'i̱ ñati̱ cha' tsaa ngu' slo nu chaca rey bi', cha' ca ti̱ cha' cusu̱u̱ bi' hora ca ti. Jua'a̱ cua'ni rey bi' ―nacui̱ Jesús―.

SAN LUCAS 19:13

Nu lo'o tya lyiji tsaa yu, li' ngusi'ya yu ji'i̱ tii tya'a ñati̱ nu laca msu ji'i̱ yu, cha' ta yu sca cñi ji'i̱ scaa ngu', sca cñi oro nu quiña'a̱ ntsu'u loo. Li' nacui̱ yu ji'i̱ ngu' msu bi': “Cua'ni ma̱ ngana lo'o cñi re tyucui tyempo nu tsa'a̱ juani, ña'a̱ cuayá' nu tya̱a̱ na' chaca quiya'”, nacui̱ yu ji'i̱ ngu'.

SAN LUCAS 19:15

Bi' cha' ñaa yu lo'o cua ngujui cña cha' laca yu rey, ndyalaa yu to' tyi yu chaca quiya' li'. Nu lo'o ndyalaa yu, li' ngulo yu cña cha' tya̱a̱ ngu' msu nu nda yu cñi ji'i̱ cha' cua'ni ngu' cña lo'o, cha' ca cuayá' ti' yu ni tsa lo ngua'ni ngu' ngana lo'o scaa cñi bi'.

SAN LUCAS 19:27

Lo'o juani ni, nu ngu' tya'a cusu̱u̱ na' nu ná ngua ti' cha' caca na' rey ji'i̱ ngu', tya̱a̱ lo'o clya ma̱ ji'i̱ ngu' bi' ca nde, cha' cujuii ma̱ ji'i̱ ngu' ca slo na'.”

SAN JUAN 1:11

Ya̱a̱ yu bi' chalyuu su laca tyi nquicha', lo'o jua'a̱ ñati̱ chalyuu nu ngüiñá yu, ná ndyuloo ngu' ji'i̱ yu.

SAN JUAN 15:18

Tya nchcui' la Jesús lo'o nu ngu' nu ndyaca tsa'a̱ ji'i̱ li': ―Chañi cha' ntsu'u quiya' liye' ti ti' tya'a ñati̱ ma̱ ji'i̱ ma̱. Ná cube tsa ti' ma̱ li', cua jlo ti' ma̱ cha' tya clyo la jua'a̱ ngua'ni liye' ti' ngu' jna' ―nacui̱ Jesús―.