SAN LUCAS 18:39 - Chatino Tataltepec

³⁹ Ngu' nu ndyaa nde loo bi' ngusi'ya lo'o ngu' ji'i̱ yu cha' ca ti̱ yu cha' nxi'ya yu; pana ná ndyuna yu, cui̱i̱ la nxi'ya yu li': ―Nu'u̱ ni, nu tya'a ñati̱ ji'i̱ jyo'o David ―nacui̱ yu―, cua'ni tya'na ti' nu'u̱ jna'.

SAN LUCAS 18:39 ပူးပေါင်းရင်းမြစ်များ

SAN MATEO 7:7

’Lo'o chaca cha' ni: jña ma̱ sca cha' ji'i̱ ycui' Ndyosi, lo'o jua'a̱ ta ycui' Ni cha' bi' ji'i̱ ma̱ li'; clyana ma̱ ji'i̱ ycui' Ni, lo'o jua'a̱ quije Ni ji'i̱ ma̱ li'; tyucui tyiquee ma̱ chcui' ma̱ lo'o ycui' Ni, cuna Ni cha' nu chcui' ma̱ lo'o Ni li'.

SAN MATEO 8:26

Li' nguxacui̱ Jesús cha' ji'i̱ ngu' bi': ―¿Ni cha' ntsi̱i̱ tsa ma̱? ―nacui̱ ji'i̱ ngu'―. ¡Xi tsa tyempo ndalo ma̱, cha' ná jlya ti' ma̱ ji'i̱ ycui' Ndyosi cha' caca ji'i̱ Ni cua'ni Ni cña! Lo'o li' ndyatu̱ Jesús, nchcui' lo'o cui'i̱ lo'o clyoo' cha' cua'a ji'i̱ cha' bi'; hora ti ngua ti̱ bi' li'.

SAN MATEO 9:27

Lo'o li' ndu'u Jesús ca ne' ni'i̱ bi' ndyaa yu, lo'o jua'a̱ ndya'a̱ lca'a̱ tucua tya'a ngu' cuityi̱' ji'i̱ yu. Ngusi'ya ngu' ji'i̱ Jesús li': ―Cua'ni tya'na ti' nu'u̱ ji'i̱ cua, cusu', nu'u̱ nu laca ñati̱ tya'a ji'i̱ jyo'o David ―ndu'ni ngu' ji'i̱.

SAN LUCAS 11:52

’Tya'na tsa cu'ma̱, mstru cha' jo'ó. Cua nquijeloo ji'i̱ ma̱ ñi'ya̱ nu ca tsa'a̱ ma̱ lcaa lo cha' nquicha', pana ná ntaja'a̱ ycui' ca ma̱ ca tsa'a̱ ma̱ cha' bi' tsiya' ti; jua'a̱ ndacu̱' ma̱ cha' ji'i̱ xa' ñati̱ nu lo'o ngua ti' ngu' ca tsa'a̱ ngu'.

SAN LUCAS 18:1

Ngulu'u Jesús ji'i̱ ngu' cha' lu'ba ti chcui' ngu' lo'o ycui' Ndyosi, cha' ná ca taja ti' ngu' tsiya' ti lo'o chcui' ngu' lo'o Ni. Ndi'ya̱ ndyu'u cui̱i̱ nu nda Jesús lo'o ngu' li':

SAN LUCAS 18:15

Lo'o li' ñaa lo'o ngu' ji'i̱ nu sube cuañi' cha' sta ya' ycui' Jesús hique ngu' sube bi'. Pana nu lo'o na'a̱ nu ngu' nu ndyaca tsa'a̱ bi' ji'i̱ ñati̱ nu lijya̱ lo'o nu sube bi', lo'o ti nguxana ngu' bi' ngua'ni tyaala ngu' ji'i̱ ñati̱ nu lijya̱ bi'.

SAN LUCAS 18:38

Li' cui̱i̱ tsa ngusi'ya nu cuityi̱' bi': ―Jesús, cha' David ngua jyo'o cusu' jinu'u̱ ―nacui̱ yu―, cua'ni tya'na ti' nu'u̱ jna' ―nacui̱.

SAN LUCAS 18:40

Li' ndatu̱ Jesús cha' chcui' lo'o ngu' cha' ca̱a̱ lo'o ngu' ji'i̱ yu quicha bi' slo. Nu lo'o cua ndu̱ yu cacua ti slo, li' nchcuane Jesús ji'i̱ yu cuityi̱' bi':

SAN LUCAS 19:39

Ntsu'u sca tucua ti ngu' fariseo laja ñati̱ bi', lo'o li' nchcui' ngu' lo'o Jesús: ―Mstru ―nacui̱ ngu' bi'―, chcui' nu'u̱ lo'o ñati̱ nu ndya'a̱ lo'o nu'u̱ cua, cha' ti̱ ti chca'a̱ tu'ba ngu' xi.

SAN LUCAS 8:49

Tya nchcui' Jesús, lo'o li' ndyalaa sca ñati̱ nu ndu'u to' tyi Jairo, nu cusu' bi' nu laca loo ne' laa ji'i̱ ngu' ca bi'. Ñati̱ bi' ndyaa nchcui' lo'o ycui' Jairo li': ―Cua ngujuii sñi' nu'u̱, cusu' ―nacui̱ yu―. Nga'aa chcui' nu'u̱ lo'o nu cusu' jua cha' ca̱a̱ toni'i̱ jinu'u̱.

2 CORINTIOS 12:8

Cua ndya'a sna quiya' nchcui' na' lo'o ycui' Ndyosi; tya'na tsa nchcui' na' lo'o Ni cuentya ji'i̱ quicha bi' cha' tyu'utsu' bi' jna'.